Josua 23:10 - Vakavakadewa Makawa

¹⁰ E le dua vei kemuni ena vakasava e le dua na udolu: ni sai Jiova ga na nomuni Kalou sa totaki kemuni, me vaka ka kaya vei kemuni ko koya.

Ai Vola Tabu (Vakadewa Makawa Vakavoutaki 2021)

¹⁰ E le dua vei kemuni ena vakasava e le dua na udolu, ni sai Jiova ga na nomuni Kalou sa totaki kemuni, me vaka ka kaya vei kemuni ko koya.

AI VOLA TABU

¹⁰ Ena vakaseva na lewe udolu e lewe dua vei kemudou: ni sa ko Jiova ga na nomudou Kalou sa totaki kemudou, me vaka ka kaya vei kemudou ko koya.

Vakavakadewa Vou kei na iVola tale eso

¹⁰ Sa rawa vua e duabulu wale, vei kemuni me vakasavi ira e lewe dua na udolu na tamata, ni sa totaki kemuni o Jiova me vaka sa yalataka.

Ai Vola Tabu Ena Vakavakadewa Vou

¹⁰ Sa rawa vua e duabulu wale, vei kemuni me vakasavi ira e lewe dua na udolu na tamata, ni sa totaki kemuni ko Jiova me vaka sa yalataka.

Josua 23:10 Iomraidhean Croise

2 Samuela 23:8

Oqo na yacadra na tamata qaqa i Tevita: O koya na Takimonaiti sa liu vei iratou na lewe tolu; o koya ko Atino na Esinaiti: sa veivala kei ira na lewe walu na drau, a sa mokuti ira ko koya e na dua na gauna.

1 Veigauna 5:20

A ra sa vukei ni ra sa vala kei ira, a ra sa soli ko ira na Akari ki na ligadra, kei ira kece talega na nodra i to: ni ra sa tagi vua na Kalou e nai valu, a sa rogoci ira ko koya: ni ra sa vakararavi vua.

1 Veigauna 5:22

Ni ra sa moku mate na lewe vuqa, ni sa ka mai vua na Kalou nai valu. A ra sa tikotiko ga me kedrai sosomi ka yacova na veivakabobulataki.

NA SAME 35:1

I Jiova, mo ni veileti kei ira era sa veileti kei au; Ni veivala kei ira era sa veivala kei au.

NA SAME 46:7

Sa tiko vata kei keda ko Jiova ni lewe vuqa; A nodai drodro na Kalou i Jekope. Sela.

Lako Yani 14:14

ena vala e na vukumudou ko Jiova, ia dou na tiko lo.

Aisea 30:17

Ni sa bole mai e dua ena dro e le dua na udolu; ia ni sa bole mai e le lima, dou na dro sara ga, ka malua, dou na laivi tu me vaka e dua nai vana e na dela ni ulu-ni-vanua, ka vaka na kuila e na dela ni koro.

Vunau ni Soro 26:7

Ia dou na vakasavi ira na nomudou meca, a ra na bale e nai seleiwau e na matamudou.

Vunau ni Soro 26:8

Ia e lewe lima vei kemudou ena vakasava rawa na lewe drau, ka dua na drau vei kemudou ena vakasava rawa e lewe tini na udolu: ia era na bale e nai seleiwau na nomudou meca e na matamudou.

Sakaraia 12:8

E na siga ko ya ena vakarurugi ira na kai Jerusalemi ko Jiova; ia ko koya sa malumalumu vei ira e na siga ko ya ena tauvata kei Tevita; ia na mataqali i Tevita ena vaka na Kalou, io, ena vakataki koya na agilose i Jiova ka liutaki ira.

Roma 8:31

A cava me da qai kaya e na veika oqo? Kevaka sa totaki keda na Kalou, o cei me noda meca?

Vakarua 20:3

ka kaya vei ira, Mo ni rogoca, na Isireli, kemuni sa toro ki nai valu edaidai vei ira na nomuni meca: me kakua ni waicala na yalomuni, mo ni kakua ni rere, ni kakua tale ni sautaninini, ni kakua talega ni domobula e na vukudra;

Vakarua 20:4

ni sa lako vata kei kemuni ko Jiova na nomuni Kalou, me veivala kei ira na nomuni meca ka totaki kemuni, ka me vakabulai kemuni.

Vakarua 28:7

A nomuni meca era vala kei kemuni, ena soli ira ko Jiova me ra moku e matamuni: era na lako mai e na sala e dua me tavaki kemuni, ka kubu e matamuni e na sala e vitu.

Vakarua 3:22

mo kakua ni rerevaki ira: ni sa veivala e na vukumuni ko Jiova na nomuni Kalou.

Vakarua 32:20

A sa kaya ko koya, Au na vunia vei ira na mataqu, Au na raica na kedrai otioti: Ni ra sa kawa dauyalovakatani ko ira, Na gone sa dau sega ni dina.

Vakarua 32:30

Ena qai vakasava rawa e dua na udolu e le dua vei ira, Ka vakasava e tini na udolu e lewe rua, Kevaka sa sega ni volitaki ira ko koya na nodra Uluvatu, Ka sogolati ira ga ko Jiova?

Josua 10:42

A sa rawata kece na tui oqori ko Josua kei na kedra vanua e na gauna ga ko ya, ni sa totaki ira na Isireli ko Jiova na Kalou i Isireli.

Josua 23:11

Mo ni qarauni kemuni vinaka, mo ni lomani Jiova na nomuni Kalou.

Josua 23:3

kemuni sa raica na ka kecega ka cakava ko Jiova na nomuni Kalou kivei ira na matanitu kecega oqo e na vukumuni; ni sai Jiova na nomuni Kalou sa totaki kemuni.

Dauveilewai 15:15

A sa kunea ko koya e dua na kau-ni-bati vou ni asa, a sa dodoka na ligana, ka taura, ka mokuta kina e le dua na udolu na tamata.

Dauveilewai 3:31

A sa taravi koya ko Samikari na luve i Anaci, ia sa mokuta ko koya e le ono na drau vei ira na kai Filisitia, e na moto ni pulumokau: ia ko koya talega sa vakabulai ira na Isireli.

1 Samuela 14:6

A sa kaya ko Jonacani vua na cauravou sa daucolata na nonai yaragi, Daru lako yani ki na nodra i tikotiko ni valu na tawa cili oqori; ena cakacaka beka e na vukudaru ko Jiova: ni sa sega ni dredre vei Jiova me ia na veivakabulai se ra lewe vuqa se ra lewe lailai.