Josua 22:9 - Vakavakadewa Makawa

⁹ A ra sa lesu ko ira na Rupeni, kei ira na Kata, ka dua na kena wase ni mataqali i Manasa, a ra sa lako tani maivei ira na Isireli mai Sailo, e na vanua ko Kenani, me ra lako ki na vanua ko Kiliati, ki na vanua e ra sa rawata me ra taukena, me vaka na vosa i Jiova e na gusu i Mosese.

Ai Vola Tabu (Vakadewa Makawa Vakavoutaki 2021)

⁹ A ra sa qai lesu ko ira na Rupeni, kei ira na Kata, kei na dua na yavusa-veimama i Manasa, ka ra sa lako tani mai vei ira na Isireli mai Sailo, e na vanua ko Kenani, me ra lako yani ki na vanua ko Kiliati, ki na nodra vanua ga era sa rawata me ra taukena me vaka na vosa i Jiova e na gusu i Mosese.

AI VOLA TABU

⁹ A ra sa lesu na luve i Rupeni, kei na luve i Kata, kei na wase e dua ni yavusa i Manase, a ra sa lako tani maivei ira na luve i Isireli mai Silo, a ya e na vanua ko Kenani, me ra lako ki na vanua ko Kiliati, ki na vanua era sa rawata oti me ra kenai taukei, me vaka na vosa i Jiova e na gusu i Mosese.

Vakavakadewa Vou kei na iVola tale eso

⁹ Era sa qai lesu tale ki na nodra dui vanua o ira na mataqali i Rupeni, na mataqali i Kata kei na dua na veimama ni mataqali i Manasa. Era sa veitalatala kei ira na vo ni lewe i Isireli mai Sailo ena vanua o Kenani, me ra lako yani ki na nodra vanua, o ya na vanua o Kiliati, era a taukena me vaka sa vakaroti ira kina o Jiova ena gusu i Mosese.

Ai Vola Tabu Ena Vakavakadewa Vou

⁹ Era sa qai lesu tale ki na nodra dui vanua o ira na mataqali i Rupeni, na mataqali i Kata kei na dua na veimama ni mataqali i Manasa. Era sa veitalatala kei ira na vo ni lewe i Isireli mai Sailo ena vanua o Kenani, me ra lako yani ki na nodra vanua, o ya na vanua o Kiliati, era a taukena me vaka sa vakaroti ira kina ko Jiova ena gusu i Mosese.

Josua 22:9 Iomraidhean Croise

2 Samuela 2:9

ka buli koya me nodra tui na Kiliati, kei na Asuri, kei na kai Jesirieli, kei na Ifireimi, kei na Penijamini, kei ira kecega na Isireli.

1 Veigauna 5:9

A sa tiko e na vanua vaka ki na tu-i-cake ko koya, ka yala ki nai curucuru ki na veikau mai na uciwai ko Uferetisi, ni sa tubu me ka levu na nodra manumanu e na vanua ko Kiliati.

NA SAME 60:7

Sa noqu ko Kiliati, ka sa noqu ko Manasa; Ai vakaruru ni uluqu ko Ifireimi; A noqu tamata daulewa ko Juta;

Tiko mai na Lekutu 32:1

Ia ko ira na Rupeni kei na Kata, sa ka levu sara na nodra manumanu e yavai va: a ra sa raica na vanua ko Jaseri, kei na vanua ko Kiliati, ka raica, sa vanua dina ni manumanu e yavai va na vanua ko ya;

Tiko mai na Lekutu 32:20

A sa kaya vei ira ko Mosese, Kevaka kemuni na kitaka na ka oqo, kevaka kemuni na lako vakaiyaragi e na mata i Jiova ki nai valu,

Tiko mai na Lekutu 32:22

a sa vakamalumalumutaki na vanua e na mata i Jiova: kemuni na qai lesu, ia kemuni na sega ni cala vei Jiova, kei ira na Isireli; ia ena nomuni votavota na vanua oqo e na mata i Jiova.

Tiko mai na Lekutu 32:26

Ko ira na neimami lalai, kei na wati i keimami, na neimami qele ni sipi, kei na neimami manumanu e yavai va kecega, era na tiko mai na veikoro mai Kiliati:

Tiko mai na Lekutu 32:29

a sa kaya vei ira ko Mosese, Kevaka era na lako vata kei kemuni ki tai kadua ni Joritani ko ira na Kata kei na Rupeni, ka ra vakaiyaragi ki nai valu na tamata kecega, e na mata i Jiova, ka sa vakamalumalumutaki vei kemuni na vanua; kemuni na qai solia vei ira na vanua ko Kiliati me nodra i votavota:

Vakarua 3:18

Ia ka'u a vakaroti kemuni e na gauna ko ya, ka kaya, Sa solia vei kemuni na vanua oqo ko Jiova na nomuni Kalou mo ni taukena: kemuni kecega na tamata i valu mo ni vakaiyaragi ka liutaki ira na wekamuni na Isireli.

Vakarua 3:20

ka me solia oti mada ko Jiova nai vakavakacegu vei ira na wekamuni, me vaka vei kemuni, ka me ra taukena talega na vanua sa solia vei ira ko Jiova na nomuni Kalou mai na tai kadua ni Joritani: ko ni na qai lesu na tamata yadua ki na nona vanua, ka'u sa solia vei kemuni.

Vakarua 34:1

A sa lako cake ko Mosese mai na vanua cecelevu mai Moapi ki na ulu-ni-vanua ko Nipo, ki na dela i Pisika, sa donui Jeriko. A sa vakaraitaka vua ko Jiova na vanua taucoko ko Kiliati, ka yacovi Tani,

Josua 13:11

kei Kiliati, kei na nodra yasana na kai Kesuri, kei na kai Meeka, kei na ulu-ni-vanua taucoko ko Erimoni, kei Pasani taucoko, ka yaco ki Salika;

Josua 13:25

Ia sa nodra yasana ko Jaseri, kei na koro kecega mai Kiliati, ka dua na kena wase ni kedra vanua na luve i Amoni, ka yaco ki Aroeri, oqori sa donui Rapa;

Josua 13:31

ka dua na kena wase nei Kiliati, kei Aseteroci, kei Etirei, na veikoro e na matanitu nei Oki mai Pasani, sa nodra na luve i Mekiri na luve i Manasa, io sa nodra e dua na kena wase ni luve i Mekiri me vaka na nodra veivuvale.

Josua 22:10

Ia ni ra sa lako mai ki na bati ni Joritani, e na vanua ko Kenani, era sa qai tara kina e dau nai cabocabo-ni-soro e na bati ni Joritani ko ira na Rupeni, kei ira na Kata, kei na kena wase e dua ni mataqali i Manasa, a sa rairai cabocabo-ni-soro levu.

Dauveilewai 20:1

Sa qai lako yani ko ira kecega na Isireli, a ra sa soqoni vata vei Jiova ki Misipe ko ira nai soqosoqo, me vaka era le dua bauga na tamata, mai Tani ka yaco ki Pieri-sepa, kei na vanua ko Kiliati.

Dauveilewai 5:17

Sa tiko mai tai kadua ni Joritani ko ira na Kiliati: A cava sa tiko kina e na veiwaqa ko ira na Tani? Sa tiko mai matasawa ko ira na Aseri, Ka tiko ga e na nodra toba.