Josua 22:31 - Vakavakadewa Makawa

³¹ A sa kaya ko Finiase, na luve i Eliesa na bete, kivei ira na Rupeni, kei na Kata, kei na Manasa, Keimami sa kila edaidai ni sa tiko e na keda maliwa ko Jiova, ni kemuni sa sega ni kitaka na ka ca oqo vei Jiova: dou sa qai vakabulai ira na Isireli mai na liga i Jiova.

Ai Vola Tabu (Vakadewa Makawa Vakavoutaki 2021)

³¹ A sa kaya ko Finiasi, na luve i Iliesa na bete, kivei ira na Rupeni, kei na Kata, kei na Manasa, “Keimami sa kila edaidai ni sa tiko e na keda maliwa ko Jiova, ni kemuni sa sega ni kitaka na ka ca oqo vei Jiova; dou sa qai vakabulai ira na Isireli mai na liga i Jiova.”

AI VOLA TABU

³¹ A sa kaya ko Piniasi, na luve i Eliasari na bete, kivei ira na luve i Rupeni, kei na luve i Kata, kei na luve i Manase, Keitou sa kila edaidai ni sa tiko e na keda maliwa ko Jiova, ni dou sa sega ni kitaka na talaidredre o qo vei Jiova: dou sa qai vakabulai ira na luve i Isireli mai na liga i Jiova.

Vakavakadewa Vou kei na iVola tale eso

³¹ Sa qai vosa vei ira na Rupeni, na Kata kei ira na Manasa, o Finiasi na bete na luve i Iliesa ka tukuna, “Eda sa qai kila edaidai ni sa tiko kei keda o Jiova. O ni a sega ni vakauyalomuni mo ni vorati koya, ka o ni sa vakabulai keda na lewe i Isireli mai na cudru i Jiova.”

Ai Vola Tabu Ena Vakavakadewa Vou

³¹ Sa qai vosa vei ira na Rupeni, na Kata kei ira na Manasa, o Finiasi na bete na luve i Iliesa ka tukuna, “Eda sa qai kila edaidai ni sa tiko kei keda ko Jiova. O ni a sega ni vakauyalomuni mo ni vorati koya, ka o ni sa vakabulai keda na lewe i Isireli mai na cudru i Jiova.”

Josua 22:31 Iomraidhean Croise

2 Veigauna 15:2

a sa curu yani me tavaki Esa, ka sa kaya vua, Ni rogoci au mai, kemuni Esa, kei kemuni kecega na Juta kei na Penijamini: Sa na tiko kei kemuni ko Jiova, kevaka kemuni sa tiko kei koya; ia kevaka kemuni sa vakasaqarai koya, ena kune vei kemuni ko koya, ia kevaka kemuni sa biuti koya, ena biuti kemuni ko koya.

Esera 7:5

na luve i Episua ka tagane, na luve i Finiase ka tagane, na luve i Eliesa ka tagane, na luve i Eroni na bete levu ka tagane:

NA SAME 68:17

A qiqi-vakaturaga ni Kalou sa rua na oba, ia na nona agilose sa udolu vakavuqa sara: Sa tiko na Turaga e na kedra maliwa, me vaka mai Saineai, e na tikina tabu.

Lako Yani 25:8

Ia me ra cakava e dua na vale tabu me noqu, me'u tiko kina e na kedra maliwa.

Aisea 12:6

Dou qoqolou ka kaila, na kai Saioni: ni sa levu e na kemudou maliwa ko Koya na Yalosavasava ni Isireli.

Sakaraia 8:23

Sa kaya vakaoqo ko Jiova ni lewe vuqa; E na gauna ko ya, era na mai taura na tutu ni nonai sulu e dua na Jiu, e lewe tini na tamata era duivosavosa mai na veivanua kecega, ka kaya, Keitou na lako vata kei kemudou: ni keitou sa rogoca sa tiko vata kei kemudou na Kalou.

Maciu 1:23

Raica ena bukete e dua na goneyalewa, ka na vakasucuma e dua na gonetagane, Ka na vakayacani ko Imanueli: a kenai balebale, Na Kalou ka tiko vata kei keda.

1 Korinica 14:25

ka sa vakaraitaki vakaoqo na veika e vuni e na yalona; ena cuva vakatoboicu ko koya, ka masu vua na Kalou, ka na tukuna ni sa dina sa tiko vei kemudou na Kalou.

Josua 22:30

Ia ni sa rogoca ko Finiase na bete, kei ira na turaga ni soqosoqo na nodra turaga na veiudolu ni Isireli era sa tiko kaya, na vosa era sa vosataka na Rupeni, kei na Kata, kei na Manasa, sa qai ka vinaka vei ira.

Josua 22:32

A sa lesu ko Finiase na luve i Eliesa na bete, kei ira na turaga, maivei ira na Rupeni, kei na Kata, mai na vanua ko Kiliati, ki na vanua ko Kenani, vei ira na Isireli, ka tukuna vei ira na ka oqo.

Josua 3:10

Sa kaya talega ko Josua, E na ka oqo kemuni na kila ni sa tiko e na kemuni maliwa na Kalou bula, ka na vakasevi ira vakaidina e matamuni na kai Kenani, kei ira na Itaiti, kei ira na Aivaiti, kei ira na Perisaiti, kei ira na Kakesaiti, kei ira na Amoraiti, kei ira na Jepusaiti.