Josua 22:28 - Vakavakadewa Makawa

²⁸ o koya keimami a kaya kina, Ni ra na vosa vei keda, se ki na nodai tabatamata maimuri, eda na qai kaya, Raica nai vakatakarakara ni cabocabo-ni-soro i Jiova, era cakava na neimami qase, me kakua ni cabori kina nai soro kama, se dua nai soro, ia me kenai vakadinadina ga vei keimami kei kemuni.

Ai Vola Tabu (Vakadewa Makawa Vakavoutaki 2021)

²⁸ O koya keimami a nanuma kina, ‘Ni kevaka era na tukuna oqo kivei keda, se ki na noda i tabatamata mai muri, eda na qai kaya, “Raica nai vakatakarakara ni cabocabo-ni-soro i Jiova, era cakava na neimami qase, me kakua ni cabori kina nai soro kama, se dua nai soro, ia me kenai vakadinadina ga vei keimami kei kemuni.” ’

AI VOLA TABU

²⁸ o koya keitou a veikainaka kina, Ni ra na vosa vei keda, se ki na nodai tabatamata maimuri, eda na qai kaya, Raica nai vakatakarakara ni cabocabo-ni-soro i Jiova, era cakava na neitou qase, me kakua ki nai soro kama, se dua nai soro, ia me dautukutuku ga vei keitou kei kemudou.

Vakavakadewa Vou kei na iVola tale eso

²⁸ Keimami sa nanuma kina de mani dina na ka oqo, era na qai tukuna na luve i keimami, ‘Raica! O ira na neimami qase era a tara e dua na i cabocabonisoro i Jiova. E sega ni caka me vakamai kina na i madrali, se na i soro, ia me i vakadinadina ga vei ira na neimami tamata kei ira na nomuni.

Ai Vola Tabu Ena Vakavakadewa Vou

²⁸ Keimami sa nanuma kina de mani dina na ka oqo, era na qai tukuna na luve i keimami, ‘Raica! O ira na neimami qase era a tara e dua na i cabocabonisoro i Jiova. E sega ni caka me vakamai kina na i madrali, se na i soro, ia me i vakadinadina ga vei ira na neimami tamata kei ira na nomuni.

Josua 22:28 Iomraidhean Croise

Vakatekivu 31:48

A sa kaya ko Lepani, Na suva oqo sa kenai vakadinadina vei kedaru edaidai. O koya oqo sa vakatokai kina na yacana ko Kaleti;

2 Tui 16:10

A sa lako ki Tamasiko ko Easi na tui me tavaki Tikilaci-pileseri na tui Asiria, a sa raica nai cabocabo-ni-soro mai Tamasiko: a sa vakauta ko Easi na tui kivei Uraija na bete na kenai cakacaka ni cabocabo-ni-soro kei na kenai vakatakarakara, me vaka na kenai cakacaka kecega.

Lako Yani 25:40

Ia mo cakava dina sara me vaka na kedrai vakatakarakara ka vakatakilai vei iko mai na ulu-ni-vanua.

Aisea 19:19

E na siga ko ya ena dua nai cabocabo-ni-soro vei Jiova e na loma ni vanua ko Ijipita, ka dua na duru vei Jiova mai na kenai yalayala.

Iperiu 8:5

o ira sa kitaka nai vakatakarakara kei na yaloyalo ni veika vakalomalagi, me vaka sa vakatakila vei Mosese na Kalou ni sa voleka ni tara na vale tabu: ka kaya, Raica, mo cakava na ka kecega me tautauvata kei na kenai vakatakarakara ka vakatakilai vei iko e na ulu-ni-vanua.

Josua 22:27

ia me kenai vakadinadina ga vei keimami kei kemuni, vei ira talega nai tabatamata sa na muri keda, me keimami qarava na cakacaka i Jiova e matana, e na neimami soro kama, kei na neimami soro, kei na neimami madrali ni veivinakati; ka me ra kakua ni kaya maimuri na luvemuni vei ira na luve i keimami, Sa sega na nomuni votavota vei Jiova:

Josua 22:29

Me yawa sara vei keimami me keimami talaidredre vei Jiova, ka lesu tani edaidai me keimami kakua ni muri Jiova tiko, me tara e dua tani nai cabocabo-ni-soro me cabori kina nai soro kama, se nai madrali laukana, se dua nai soro, mei kuri ni cabocabo-ni-soro i Jiova na noda Kalou, ko ya sa tu e na mata ni nona vale-tabu.

Josua 24:27

A sa kaya vei ira na tamata kecega ko Josua, Raica, na vatu oqo ena kenai vakadinadina vei keda: ni sa rogoca na vosa kecega i Jiova sa vosataka ko koya vei keda: ia ena kenai vakadinadina vei kemuni, de ko ni sa cakitaka na nomuni Kalou.