Josua 22:18 - Vakavakadewa Makawa

¹⁸ mo dou sa lesu tani edaidai, mo dou kakua ni muri Jiova tiko? ia ni dou sa talaidredre edaidai vei Jiova, ena cudruvi ira nai soqosoqo taucoko ni Isireli ko koya e na mataka.

Ai Vola Tabu (Vakadewa Makawa Vakavoutaki 2021)

¹⁸ ka mo dou sa lesu tani edaidai, mo dou kakua ni muri Jiova tiko! Ni kevaka dou sa talaidredre edaidai vei Jiova, ena cudruvi ira nai soqosoqo taucoko ni Isireli ko koya e na mataka.

AI VOLA TABU

¹⁸ mo dou sa lesu tani edaidai, me kakua ni muri Jiova tiko? ia e na vuku ni dou sa talaidredre edaidai vei Jiova, ena cudruva ko koya nai vavakoso taucoko nei Isireli e na sabogibogi.

Vakavakadewa Vou kei na iVola tale eso

¹⁸ O ni sa gole tani li mai vei Jiova? Kevaka o ni vakauyalomuni ka vorati Jiova edaidai, ena cudruvi keda taucoko na lewenivanua e Isireli ni mataka.

Ai Vola Tabu Ena Vakavakadewa Vou

¹⁸ O ni sa gole tani li mai vei Jiova? Kevaka o ni vakauyalomuni ka vorati Jiova edaidai, ena cudruvi keda taucoko na lewenivanua e Isireli ni mataka.

Josua 22:18 Iomraidhean Croise

2 Samuela 24:1

A sa cudru tale vei ira na Isireli ko Jiova, a sa vakauqeti Tevita ko koya vei ira, ka vaka, Mo la'ki wiliki ira na Isireli kei ira na Juta.

1 Tui 9:6

Ia kevaka dou na vuki tani mo dou kua ni muri au, oi kemudou se ko ira na luvemudou, ka sega ni vakabauta na noqu i vakaro kei na noqu i lesilesi ka'u sa tauca vei kemudou, ia dou sa lako tani ka qarava na kalou tani, ka cuva vei ira;

2 Tui 17:21

ni sa tawasei ira na Isireli ko koya mai na mataqali i Tevita; a ra sa buli Jeropoami na luve i Nipati me tui: a sa vakasesei ira na Isireli ko Jeropoami me ra kakua ni muri Jiova, ka vakaivalavalacataki ira vakalevu.

1 Veigauna 21:1

Sa qai ia ko Setani me nodra meca na Isireli, ka sa vakauqeti Tevita me wiliki ira na Isireli.

1 Veigauna 21:14

A sa vakayacora na mate ca ko Jiova kivei ira na Isireli, ka sa mate vei ira na Isireli e lewe vitusagavulu na udolu na tamata.

2 Veigauna 25:27

Ia e na gauna ka lesu tani kina ko Amasaia me kua ni muri Jiova, era sa buki kena vere mai Jerusalemi, ka sa dro ko koya ki Lakisi: a ra sa talai ira eso me muri koya ki Lakisi, ka vakamatei koya maikea.

2 Veigauna 34:33

A sa kauta tani ko Josaia na ka vakasisila kecega mai na nodra vanua kecega na Isireli, ka vakauqeti ira kecega era sa tiko e Isireli me ra qarava, io, me ra qaravi Jiova na nodra Kalou. Ka ra sa sega ni lako tani me ra kakua ni muri Jiova, na Kalou ni nodra qase, e na nona gauna kecega.

Vunau ni Soro 10:6

A sa kaya vei Eroni ko Mosese, vei rau talega na luvena, ko Eliesa kei Icama, Dou kakua ni luvata nai sala mai na ulumudou, kakua talega ni dresulaka na nomudou i sulu; de dou mate, de yaco talega na cudru vei ira kecega na tamata; ia ko ira ga na wekamudou, na mataqali kecega i Isireli, me ra tagicaka na kama sa vakavuna ko Jiova:

Tiko mai na Lekutu 16:22

A rau a cuva vakaitoboicu, ka kaya, Kemuni na Kalou, na Kalou ni yalo ni tamata kecega, kemuni na cudruvi ira li nai soqosoqo taucoko ni sai valavala ca e le dua na tamata?

Tiko mai na Lekutu 32:15

Kevaka kemuni sa vuki tani mo ni kakua ni muri koya, ena laivi ira tale ko koya e na vanua liwa; ia kemuni na vakawabokotaki ira kece talega na tamata oqo.

Vakarua 7:4

Ni ra na vagolea tani na luvemuni me ra kakua ni muri au, ka me ra qarava eso na kalou tani: ena qai waqa mai na cudru i Jiova vei kemuni, ka na vakawabokotaki kemuni vakasauri.

Josua 22:15

A ra sa lako yani kivei ira na Rupeni, kei ira na Kata, kei na kena wase e dua ni mataqali i Manasa, ki na vanua ko Kiliati, a ra sa kaya vei ira,

Josua 22:16

Sa vosa vakaoqo nai soqosoqo taucoko i Jiova, A cava na ka ca oqo dou sa kitaka vua na Kalou i Isireli, ni dou sa lesu tani edaidai me kakua ni muri Jiova tiko, ni dou sa tara e dua na nomudou i cabocabo-ni-soro, mo dou talaidredre kina edaidai vei Jiova?

Josua 22:20

Sa sega li ni kitaka na ka ca ko Ekani na luve i Sira e na ka sa lesi me vakarusai, a sa cudruvi kina nai soqosoqo taucoko ni Isireli? a sa sega ni mate duaduaga na tamata ko ya e na nonai valavala ca.

Josua 7:1

Ia era sa vakacataka na tabu ko ira na Isireli e na ka sa lesi me vakarusai: ni sa tara eso na ka sa lesi me vakarusai ko Ekani na tagane, na luve i Kamai, na luve i Sapiti, na luve i Sira, e na mataqali i Juta: a sa waqa mai na cudru i Jiova vei ira na Isireli.

Josua 7:11

Sa ra kitaka na ka ca ko ira na Isireli, ka vakacataka na noqu veiyalayalati ka'u a vakarota vei ira: ia era sa tara eso na ka sa lesi me vakarusai, a ra sa butakoca, ka lasu talega, ka virinoca vata talega kei na nodra i yau.

Josua 7:21

Ni'u a raica sa tu vata kei nai toki ni valu e dua nai tutuvi vinaka mai Sainari, kei na siliva e rua na drau na sikeli, kei na dua na uma koula sa limasagavulu na sikeli na kena bibi, au a qai kocova, ka kauta; ka raica, sa vuni e na qele e na noqu loma ni vale laca, ia na siliva sa no vata era.

1 Samuela 12:14

Kevaka kemuni na rerevaki Jiova, ka qaravi koya, ka vakarorogo ki na nona vosa, ka sega ni talaidredre ki nai vakaro i Jiova, ka sa muri Jiova na nomuni Kalou, oi kemuni kei koya talega na tui sa lewai kemuni, sa na qai vinaka:

1 Samuela 12:20

A sa kaya ko Samuela vei ira na tamata, Ni kakua ni rere; ko ni sa cakava oti na ka ca oqo; ia ni kakua ga ni lesu tani mo ni kua kina ni muri Jiova, ia mo ni qaravi Jiova ga e na yalomuni taucoko;