Josua 21:44 - Vakavakadewa Makawa

⁴⁴ A sa vakacegui ira ko Jiova, e na yasana kecega, me vaka na ka kecega ka bubului kina vei ira na nodra qase; a sa sega ni dua na tamata vei ira kecega na nodra meca me vorati ira rawa; sa solia na nodra meca kecega ki na ligadra ko Jiova.

Ai Vola Tabu (Vakadewa Makawa Vakavoutaki 2021)

⁴⁴ A sa vakacegui ira ko Jiova, e na yasana kecega, me vaka na ka kecega ka bubului kina vei ira na nodra qase; a sa sega ni dua na tamata vei ira kecega na nodra meca me vorati ira rawa; sa solia na nodra meca kecega ki na ligadra ko Jiova.

AI VOLA TABU

⁴⁴ A sa vakacegu-taki ira ko Jiova, e na yasana kece, me vaka na ka kecega ka vosavavakini kina vei ira na nodra qase; a sa sega ni dua na tamata vei ira kecega na nodra meca me tu rawa e matadra; sa solia na nodra meca kecega ki na ligadra ko Jiova.

Vakavakadewa Vou kei na iVola tale eso

⁴⁴ Sa qai solia vei ira o Jiova na sautu ena vanua taucoko me vaka sara ga a yalataka vei ira na nodra qase. A sa sega sara ni dua vei ira na nodra meca me a kaukauwa cake me vorati ira, baleta ni a solia vei ira na Isireli o Jiova me ra kaukauwa vei ira kece na nodra meca.

Ai Vola Tabu Ena Vakavakadewa Vou

⁴⁴ Sa qai solia vei ira ko Jiova na sautu ena vanua taucoko me vaka sara ga a yalataka vei ira na nodra qase. A sa sega sara ni dua vei ira na nodra meca me a kaukauwa cake me vorati ira, baleta ni a solia vei ira na Isireli ko Jiova me ra kaukauwa vei ira kece na nodra meca.

Josua 21:44 Iomraidhean Croise

2 Veigauna 13:16

A sa dro ko ira na Isireli e matadra na Juta: ka sa soli ira na Kalou ki na ligadra.

Lako Yani 23:31

Ia ka'u na yalayalana na nomudou vanua ka vakatekivu mai na Wasa Damudamu ka yacova na nodra wasawasa na kai Filisitia, ka vakatekivu tale mai na lekutu ka yacova na Uciwai: ni'u na solia ki na ligamudou na lewe ni vanua; ia dou na vakasavi ira tani e matamudou.

Lako Yani 33:14

A sa kaya ko koya, Au na lako dina vata kei iko, ka'u na vakacegui iko.

Aisea 63:14

Me vaka na manumanu sa lako sobu ki na buca, sa vakacegui ira vakakina na Yalo i Jiova: sa vakakina na nomuni tuberi ira na nomuni tamata, mo ni cakava kina na yacamuni me vakacaucautaki.

Vakarua 2:36

Mai Aroeri, ko ya mai na bati ni uciwai ko Arinoni, kei na koro mai na uciwai, io ka yacovi Kiliati, sa sega na koro sa gumatua vei keda: sa solia kecega vei keda ko Jiova na noda Kalou:

Vakarua 21:10

Ni kemuni sa lako yani me vala kei ira na nomuni meca, a sa soli ira ko Jiova na nomuni Kalou ki na ligamuni, ka ko ni sa vakabobulataki ira,

Iperiu 4:9

O koya oqo sa vo tiko e dua nai vakavakacegu me nodra na tamata ni Kalou.

Josua 1:13

Mo ni nanuma na vosa sa vakarota vei kemuni ko Mosese nai talatala i Jiova, ni sa kaya, Sa solia vei kemuni ko Jiova, na nomuni Kalou, na vakacegu, ka na solia vei kemuni na vanua oqo.

Josua 1:15

me vakacegui ira mada ko Jiova na wekamuni, me vakataki kemuni, ka me ra taukena talega na vanua sa solia vei ira ko Jiova na nomuni Kalou: kemuni na qai lesu ki na vanua kemuni sai taukei kina, ka taukena, o koya sa solia vei kemuni ko Mosese nai talatala i Jiova, e na tai ni Joritani oqo, sa donuya nai cadracadra ni mata-ni-siga.

Josua 1:5

Ena sega e dua me vorati iko rawa e na veisiga kecega ko na bula kina: au na tiko vata kei iko, me vaka ka'u a tiko vata kei Mosese: au na sega ni weletaki iko, se biuti iko.

Josua 11:12

Ia na nodra veikoro kecega na tui ko ya, kei na kedra tui kecega, sa rawa ko Josua, ka yavita e nai seleiwau, ka vakarusai ira sara, me vaka ka vakarota ko Mosese nai talatala i Jiova.

Josua 11:23

A sa rawa na vanua taucoko ko Josua, me vaka na ka kece ka kaya vei Mosese ko Jiova; a sa solia ko Josua vei ira na Isireli me ra taukena, me vaka na kena wase ni nodra veimataqali. A sa mudu nai valu e na vanua.

Josua 11:8

A sa soli ira ko Jiova ki na ligadra na Isireli, a ra sa mokuti ira, ka vakasavi ira ka yaco ki Saitoni levu, kei Misirifoci-meimi, kei na buca kei Misipe vaka ki na tu-i-cake, a ra mokuti ira, ka sega ni laiva e dua vei ira me vo tu.

Josua 2:24

A rau a kaya vei Josua, Sa solia vakaidina ki na ligada na vanua kecega oqo ko Jiova; ia sa waicala ko ira kecega na lewe ni vanua e na vukuda.

Josua 22:4

Ia oqo, sa vakacegui ira na wekamuni ko Jiova na nomuni Kalou, me vaka ka kaya vei ira ko koya: ia oqo, mo ni lesu, ka lako ki na nomuni veivale laca, ki na vanua kemuni sai taukei kina, ko ya ka solia vei kemuni ko Mosese nai talatala i Jiova mai tai kadua ni Joritani.

Josua 22:9

A ra sa lesu ko ira na Rupeni, kei ira na Kata, ka dua na kena wase ni mataqali i Manasa, a ra sa lako tani maivei ira na Isireli mai Sailo, e na vanua ko Kenani, me ra lako ki na vanua ko Kiliati, ki na vanua e ra sa rawata me ra taukena, me vaka na vosa i Jiova e na gusu i Mosese.

Josua 23:1

Ia ni sa vakacegui ira na Isireli vakadede ko Jiova mai na nodra meca kecega sa vakavolivoliti ira, ka sa qai qase mai ko Josua; ka sa vuqa na nona yabaki: