Josua 2:24 - Vakavakadewa Makawa

²⁴ A rau a kaya vei Josua, Sa solia vakaidina ki na ligada na vanua kecega oqo ko Jiova; ia sa waicala ko ira kecega na lewe ni vanua e na vukuda.

Ai Vola Tabu (Vakadewa Makawa Vakavoutaki 2021)

²⁴ A rau a kaya vei Josua, “Sa solia vakaidina ki na ligada na vanua kecega oqo ko Jiova; ka sa waicala ko ira kecega na lewe-ni-vanua e na vukuda.”

AI VOLA TABU

²⁴ A rau a kaya vei Josua, Sa solia vakaidina ki na ligada na vanua kecega o qo ko Jiova; ia e na vukuda sa waicala ko ira kecega na lewe ni vanua.

Vakavakadewa Vou kei na iVola tale eso

²⁴ ka tukuna, “Sa dei na yalo i keirau ni sa solia vei keda o Jiova na vanua taucoko. Era sa domobulataki keda o ira kecega na tamata.

Ai Vola Tabu Ena Vakavakadewa Vou

²⁴ ka tukuna, “Sa dei na yalo i keirau ni sa solia vei keda ko Jiova na vanua taucoko. Era sa domobulataki keda o ira kecega na tamata.

Josua 2:24 Iomraidhean Croise

Lako Yani 15:15

Era na qai domo bula na turaga ni Itomi; Ena tauvi ira na qaqa ni Moapi na sautaninini; Era na waicala yani na kai Kenani kecega.

Lako Yani 23:31

Ia ka'u na yalayalana na nomudou vanua ka vakatekivu mai na Wasa Damudamu ka yacova na nodra wasawasa na kai Filisitia, ka vakatekivu tale mai na lekutu ka yacova na Uciwai: ni'u na solia ki na ligamudou na lewe ni vanua; ia dou na vakasavi ira tani e matamudou.

Vosavakaibalebale 25:13

Me vaka na liliwa ni uca-vulavula e na vula i mago, Sa vakakina ko koya nai talaki dina vei ira sa talai koya: Ni sa vakaceguya kina na yalodra na nona turaga.

Josua 1:8

Ai vola ni vunau oqo me kakua ni yali e na gusumu; ia mo vakanananu kina e na siga kei na bogi, mo vakabauta kina mo cakava me vaka na ka kecega sa volai kina: ko na qai kalougata e na nomu i valavala, ia ko na qai tamata yaco.

Josua 2:23

A rau sa lesu tale koi rau na tamata, ka lako sobu mai na ulu-ni-vanua, ka lako ki tai kadua, ka yaco vei Josua na luve i Nuni, ka rau tukuna vua na ka kece ka yacovi rau.

Josua 5:1

Ia ko ira kecega na nodra tui na Amoraiti sa tiko e na tai ni Joritani vaka ki ra, kei ira kece na nodra tui na kai Kenani sa tiko voleka ki na waitui, ni ra sa rogoca sa vakadiva ko Jiova na wai ni Joritani e matadra na Isireli, me keimami lako mada ki tai kadua, sa qai waicala na yalodra, ka sa yali na nodra lomadei, e na vuku i keimami na Isireli.

Josua 6:2

A sa kaya vei Josua ko Jiova, Raica, au sa soli Jeriko ki na ligamu, kei na kena tui, kei na kena tamata i valu qaqa.

Josua 8:1

A sa kaya vei Josua ko Jiova, Mo kakua ni rere, se yalolailai: mo kauti ira na tamata i valu kecega, ka cavu tu, mo lako cake ki Ai: raica, au sa soli tui Ai ki na ligamu, kei ira na nona tamata, kei na nona koro, kei na nona vanua:

Dauveilewai 1:2

A sa kaya ko Jiova, Me lako cake ko ira na Juta: dou kila, au sa solia na vanua ki na ligadra.

Dauveilewai 18:10

Ni dou sa lako kina, dou na yaco vei ira na tamata era tiko wele ga, ia sa dua na vanua levu: ni sa solia ki na ligamudou ko koya na Kalou; a vanua sa sega ni dravudravua e na dua na ka sa tiko e vuravura.

Dauveilewai 7:9

A sa kaya vua e na bogi ko ya ko Jiova, Mo cavu tu, mo lako sobu ki na nodra i tikotiko, ni'u sa solia oti ki na ligamu: