Josua 2:19 - Vakavakadewa Makawa

¹⁹ Ia ko ira yadua sa lako yani ki tautuba mai na nomu vale, ena baleti koya ga na nona mate, ia keirau na sega ni cala kina: ia ko ira yadua sa tiko kei iko e vale, ena baleti keirau na nona mate, kevaka sa tarai koya e dua na liga i keimami.

Ai Vola Tabu (Vakadewa Makawa Vakavoutaki 2021)

¹⁹ Ia ko ira yadua sa lako yani ki tautuba mai na nomu vale, ena baleti koya ga na nona mate, ia keirau na sega ni cala kina; ia ko ira yadua sa tiko kei iko e vale, ena baleti keirau na nona mate, kevaka sa tarai koya e dua na liga i keimami.

AI VOLA TABU

¹⁹ Ia ko ira yadua sa lako yani kitautuba mai na nomu vale, ena cala ko koya ga e na vuku ni nona mate, ia koi keirau, keirau na tawa cala: ia ko ira yadua sa tiko kei iko e na vale, ena cala koi keirau e na vuku ni nona mate, kevaka sa tarai koya e dua na liga.

Vakavakadewa Vou kei na iVola tale eso

¹⁹ Kevaka e dua vei kemudou sa curu ki tautuba ni vale, na nona mate ena bale ga vua, keirau na sega ni beitaki kina. Kevaka e dua e vakaleqai na nona bula, ena loma ni nomu vale, na nona mate ena bale vei keirau.

Ai Vola Tabu Ena Vakavakadewa Vou

¹⁹ Kevaka e dua vei kemudou sa curu ki tautuba ni vale, na nona mate ena bale ga vua, keirau na sega ni beitaki kina. Kevaka e dua e vakaleqai na nona bula, ena loma ni nomu vale, na nona mate ena bale vei keirau.

Josua 2:19 Iomraidhean Croise

2 Samuela 1:16

A sa kaya vua ko Tevita, Sa baleti iko ga na nomu mate; ni sa beitaki iko na gusumu, ni ko sa kaya, Au sa vakamatei koya ka lumuta ko Jiova.

2 Samuela 4:11

ia ka na vakaevei ni ra sa vakamatea e dua na tamata yalododonu e na nona vale, e na nonai kotokoto, ko ira na tamata ca? me'u kakua beka ni taroga na kena dra mai na ligamudrau, ka muduki kemudrau tani mai vuravura?

1 Tui 2:32

ia e na tauca ko Jiova ki na uluna na nona dra; ni sa mokuta ko koya e lewe rua na tamata, erau yalododonu ka vinaka, ka ca ko koya, ka vakamatei rau e nai seleiwau, ka sa sega ni kila ko Tevita, na tamaqu; io ko Apineri na luve i Neri, na kapiteni ni nodra i valu na Isireli, kei Amasa na luve i Jica, na kapiteni ni nodra i valu na Juta:

Lako Yani 12:13

Ia na dra ena kemudoui vakatakilakila e na veivale dou sa tiko kina: ia ni'u sa raica na dra, ka'u na qai lako siviti kemudou, ena sega ga ni yacovi kemudou e dua na ka mo dou rusa kina, ni'u sa yavita na vanua ko Ijipita.

Lako Yani 12:22

Ia dou kauta e dua nai vau isopa, ka tonia e na dra sa tu e na peseni, ka boroya na ulu ni katuba, kei na duru ruarua ni sogo, e na dra sa tu e na peseni; ia me kakua e dua vei kemudou me curu yani e na katuba ni nona vale ka me mataka mada mai:

Lako Yani 12:23

ni na lako voli e na vanua ko Jiova me yaviti ira na kai Ijipita; ia ni sa raica na dra e na ulu ni katuba, e na duru ruarua talega ni sogo, ena qai lako sivita na katuba ko Jiova, ka sega ni laivi koya sa ia na veivakarusai me curuma na nomudou veivale me vakayaco mate vei kemudou.

Vunau ni Soro 20:11

Kei na tagane sa koto kei na wati ni tamana, sa veibutakoci kei koya erau sa veiyacovi kei tamana; erau na vakamatei vakaidina ruarua; sa baleti rau ga na nodrau mate.

Vunau ni Soro 20:9

Ena vakamatei vakaidina ko koya yadua sa rukaka na tamana se tinana: sa rukaka na tamana se tinana ko koya; sa baleti koya ga na nona mate.

Maciu 24:17

me kakua ni lako sobu mai ko koya sa tiko e dela ni vale, me kauta tani na ka mai nona vale;

Cakacaka 18:6

Ni ra sa qai vorata ka vosa vakacaca sa kuretaka na nonai sulu ko koya, ka kaya vei ira, Ena baleti kemudou ga na nomudou rusa; au sa sega ni cala kina: ka’u sa qai lako vei ira na veimatanitu tani.

Cakacaka 20:26

O koya ga ka’u sa vakadinadina kina vei kemudou e na siga oqo, ni’u sa sega ni cala e na vukuna e dua sa na cudruvi:

Cakacaka 27:31

sa kaya ko Paula vua na turaga ni valu, vei ira talega na sotia, Kevaka era na sega ni tiko ga e na waqa ko ira oqo, kemuni na sega ni bula rawa.

Filipai 3:9

me keirau kune vata kaya, me kakua ni tu vei au na vakadonui, sa rawa mai na vunau, ko ya ga sa rawa e na vakabauti Karisito, na vakadonui sa mai vua na Kalou e na vuku ni vakabauta:

Iperiu 10:29

dou vakasama se na vakaevei na kena levu cake ni cudruvi, sa dodonu me yaco vua, sa butuka na Luve ni Kalou, a sa vakawaletaka na dra ni veiyalayalati sa vakasavasavataki kina, a sa beci koya na Yalo ni loloma?

Josua 2:12

Ia oqo, e na vuku ni'u a lomani kemudrau, mo drau bubului mada vei au ka cavuti Jiova, ni drau na lomani ira talega na lewe-ni-vale nei tamaqu, ka cavuta vei au e dua nai vakatakilakila dina:

Josua 2:14

A rau sa kaya vua koi rau na tamata, Keirau na mate me kenai sau ni nomudou mate, kevaka dou na sega ni tukuna na neirau tiko oqo: ia ni sa solia ko Jiova na vanua oqo vei keimami, keimami na lomani iko, ka cakava na ka dina vei iko.

Josua 2:20

Ia kevaka ko na tukuna na neirau tiko oqo, keirau na qai sega ni cala e na bubului ko sa vakabubuluitaki keirau kina.