Josua 2:14 - Vakavakadewa Makawa

¹⁴ A rau sa kaya vua koi rau na tamata, Keirau na mate me kenai sau ni nomudou mate, kevaka dou na sega ni tukuna na neirau tiko oqo: ia ni sa solia ko Jiova na vanua oqo vei keimami, keimami na lomani iko, ka cakava na ka dina vei iko.

Ai Vola Tabu (Vakadewa Makawa Vakavoutaki 2021)

¹⁴ A rau sa kaya vua koi rau na tamata, “Na neirau bula mei sosomi ni nomudou bula me yacova na mate! Kevaka ko na sega ni tukuna na veika keirau mai kitaka oqo, ia ni sa solia ko Jiova na vanua oqo vei keimami, keirau na caka loloma e na yalodina kivei iko.”

AI VOLA TABU

¹⁴ A sa kaya vua koi rau na tamata, Keirau na mate mada e na vukumudou, kevaka dou na sega ni tukuna na neirau ka o qo: ia ni sa solia ko Jiova na vanua o qo vei keimami, keimami na lomani iko, ka cakava na ka dina vei iko.

Vakavakadewa Vou kei na iVola tale eso

¹⁴ E rau sa qai tukuna na yamata, “Keirau bolea me keirau mate ena vukumudou! Kevaka o na sega ni tukuna vua e dua na veika keirau sa mai vakacakava, keirau yalataka ni keimami na caka vinaka vei iko ena gauna sa solia kina vei keimami na vanua oqo o Jiova.”

Ai Vola Tabu Ena Vakavakadewa Vou

¹⁴ E rau sa qai tukuna na yamata, “Keirau bolea me keirau mate ena vukumudou! Kevaka o na sega ni tukuna vua e dua na veika keirau sa mai vakacakava, keirau yalataka ni keimami na caka vinaka vei iko ena gauna sa solia kina vei keimami na vanua oqo ko Jiova.”

Josua 2:14 Iomraidhean Croise

Vakatekivu 24:49

Ia oqo, kevaka dou sa via caka vakayalololoma ka dina vua na noqu turaga, dou tukuna vei au: ia kevaka e segai, dou tukuna vei au; ka me'u gole kina ki nai matau, se ki nai mawi.

Vakatekivu 47:29

A sa toro mai na gauna me mate kina ko Isireli: a sa kacivi Josefa na luvena, a sa kaya vua, Kevaka ka'u sa kune loloma e matamu, mo daramaka mada na ligamu ki ruku ni sagaqu, ka mo cakacaka vakayalololoma ka vakayalodina vei au; mo kakua mada ni buluti au e Ijipita:

2 Samuela 2:5

A sa talaki ko Tevita vei ira na kai Jepesi-kiliati, ka kaya vei ira, Me vakalougatataki kemudou ko Jiova, ni dou a cakava na ka vinaka oqo vua na nomudou turaga, io, vei Saula, ni dou a buluti koya.

2 Samuela 2:6

Ia me qai cakava na ka vinaka vei kemudou ko Jiova, kei na ka dina: ia koi au talega, ka'u na sauma vei kemudou na ka vinaka oqo, ni dou a cakava na ka oqo.

2 Samuela 9:1

A sa kaya ko Tevita, Sa vo tiko li e dua e na mataqali i Saula me'u caka vinaka vua e na vuku i Jonacani, se segai?

1 Tui 20:39

Ia ni sa lako tu kina na tui, sa tagi vua na tui ko koya: ka kaya, Sa lako yani na nomuni tamata ki nai valu; ka raica, sa lako vakatikitiki e dua na tamata, ka kauta vei au e dua na tamata, ka kaya, Mo vakatawa na tamata oqo: ke sa dua na ka e yali kina, ko na mate me kenai sau, se ko na sauma e na dua na taledi siliva.

Vosavakaibalebale 14:22

Era sega li ni cala ko ira era vakananuma ki na ca? Ia na loloma ga kei na ka dina ena nodra era vakananuma ki na vinaka.

Vosavakaibalebale 18:24

A tamata sa vakaveiwekani tiko kei na lewe vuqa sa vakaveiwekani kei na rusa: Ia sa dua na weka da sa veikabiti dina sara ka sa sega ni vakakina na veitacini.

Maciu 5:7

Sa kalougata ko ira e dauloloma: ni ra na lomani.

Cakacaka 23:22

Sa qai vakalaiva na cauravou na turaga levu ni valu me lako yani, a sa vakarota, Mo kakua ni tukuna vua e dua ni ko sa mai vakatakila vei au na ka oqo.

Josua 2:13

ia drau na vakabula na tamaqu, kei na tinaqu, kei iratou na ganequ, kei iratou na tuakaqu kei na taciqu, kei na nodra ka kecega, ia drau na vakabulai keitou mai na mate.

Josua 2:15

A sa vakatautukutaki rau sobu ko koya e na dali mai na katuba e cake, ni sa toka e dela ni bai ni koro na nona vale, a sa dautiko kina ko koya e dela ni bai.

Josua 6:17

ia ena lesi me vakarusai e na vuku i Jiova na koro, kei na ka kecega sa tiko kina; ko Reapi duaduaga na yalewa dautagane e na bula, o koya kei ira kece sa tiko kaya e vale, ni sa vunia ko koya nai talaki eda a tala yani:

Josua 6:22

A sa kaya ko Josua vei rau na tamata ka rau rai vanua, Drau curu ki na nona vale na yalewa dautagane, ka kauta maikina ki tautuba na yalewa kei na nona ka kecega, me vaka drau a bubului kina vua.

Josua 6:25

A sa vakabulai Reapi na dautagane ko Josua, kei na lewe-ni-vale nei tamana, kei na nona ka kecega, a sa tiko ko koya e na kedra maliwa na Isireli ka yacova na siga oqo, ni sa vunia ko koya nai talaki e le rua ka tala ko Josua me yamata ki Jeriko.

1 Samuela 20:8

Ia ko na qai caka vinaka vei au na nomu tamata, ni ko sa vakavuna vei au na nomu tamata me daru veiyalayalati e na yaca i Jiova: ia kevaka sa tu vei au e dua na ca, mo vakamatei au ko iko ga: ia ko na kauti au vei tamamu e na vuku ni cava?