Josua 2:12 - Vakavakadewa Makawa

¹² Ia oqo, e na vuku ni'u a lomani kemudrau, mo drau bubului mada vei au ka cavuti Jiova, ni drau na lomani ira talega na lewe-ni-vale nei tamaqu, ka cavuta vei au e dua nai vakatakilakila dina:

Ai Vola Tabu (Vakadewa Makawa Vakavoutaki 2021)

¹² Ia oqo, e na vuku ni noqu a lomani kemudrau, mo drau bubului mada vei au ka cavuti Jiova, ni drau na lomani ira talega na lewe-ni-vuvale nei tamaqu. Drau solia vei au e dua nai vakatakilakila dina

AI VOLA TABU

¹² Ia o qo, e na vuku niʼu a lomani kemudrau, mo drau vosavavakini mada vei au ni drau cavuti Jiova, ni drau na lomani ira talega na lewe-ni-vale i tamaqu, ka cavuta vei au e dua nai vakatakilakila dina:

Vakavakadewa Vou kei na iVola tale eso

¹² Mo drau yalataka mada ena vuku i Jiova ni o drau na cakava ki na noqu matavuvale me vaka na noqu vinaka oqo vei kemudrau. Drau solia e dua na i vakatakilakila me'u vakadinati kemudrau kina,

Ai Vola Tabu Ena Vakavakadewa Vou

¹² Mo drau yalataka mada ena vuku i Jiova ni o drau na cakava ki na noqu matavuvale me vaka na noqu vinaka oqo vei kemudrau. Drau solia e dua na i vakatakilakila me'u vakadinati kemudrau kina,

Josua 2:12 Iomraidhean Croise

Vakatekivu 21:23

o koya mo bubului eke vua na Kalou ni ko na sega ni valavala vakailasu vei au, se vua na luvequ, se vua na makubuqu: mo kitaka ga vei au, ki na vanua talega ko sa tiko vulagi kina, me vaka na loloma ka'u sa kitaka vei iko.

Vakatekivu 24:3

ia ka'u na vakabubuluitaki iko mo bubului mada vei Jiova, ko koya na Kalou ni lomalagi, kei na Kalou ni vuravura, ka mo kakua kina ni kauta e dua me watina na luvequ maivei ira na goneyalewa ni Kenani, ko ira ka'u tiko e na kedra maliwa:

Vakatekivu 24:9

A sa daramaka na ligana na tamata ki ruku ni saga i Eparaama na nona turaga, a sa bubului vua e na vuku ni ka ko ya.

Vakatekivu 40:14

ia mo nanumi au ni ko na tiko vinaka, ka lomani au mada, ka tukuni au vei Fero, ka kauti au tani e na vale oqo:

2 Veigauna 36:13

A sa vuki tani talega vei Nepukanesa na tui, o koya ka vakabubuluitaki koya ka me cavuta na Kalou: a sa vakadomoqataki koya ga, ka vakaukauwataka na lomana me kakua kina ni saumaki kivei Jiova na nodra Kalou na Isireli.

Esiteri 8:6

ni'u na vosota rawa vakaevei me'u raica na ca ena yacovi ira na kai noqu? se me'u vosota rawa vakaevei me'u raica na nodra rusa na wekaqu?

Lako Yani 12:13

Ia na dra ena kemudoui vakatakilakila e na veivale dou sa tiko kina: ia ni'u sa raica na dra, ka'u na qai lako siviti kemudou, ena sega ga ni yacovi kemudou e dua na ka mo dou rusa kina, ni'u sa yavita na vanua ko Ijipita.

Jeremaia 12:16

Ia kevaka era na gumatua ni vulica nai valavala ni noqu tamata, me ra bubului e na yacaqu, ka vaka, Sa bula ko Jiova; me vaka era sa dauvakavulici ira na noqu tamata me ra bubului vei Peali; era na qai vakataudeitaki e na kedra maliwa na noqu tamata:

Marika 14:44

Ia ko koya sa soli koya yani sa tukuna oti vei ira e dua nai vakatakilakila, ka kaya, O koya kau na reguca, sai koya; taura, ka kauta vakavinaka yani.

Roma 1:31

me ra sega ni yalomatua, me ra yalayala ka lasu tale, ka ra sa caca veiwekani, era sega ni yalololoma:

1 Timoci 5:8

Ia kevaka e dua sa sega ni vakaraici ira na kai nona, ka vakalevu sara ko ira na nona lewe-ni-vale, sa cakitaka na vakabauta, ka sa uasivi cake e na ca, sa uasivi sobu ko koya sa sega ni lotu.

Jemesa 2:13

Ni na lewai ka sega ni lomani, ko koya sa sega ni ia na loloma; ia na dauloloma sa rawa na veilewai.

Josua 2:13

ia drau na vakabula na tamaqu, kei na tinaqu, kei iratou na ganequ, kei iratou na tuakaqu kei na taciqu, kei na nodra ka kecega, ia drau na vakabulai keitou mai na mate.

Josua 2:18

Raica, ni keimami sa lako mai ki na vanua, mo vakavivica na dali ni vulovulo damudamu oqo, e na katuba e cake ko a vakatautukutaki keirau sobu kina: ka mo vakasoqona vei iko ki vale na tamamu kei na tinamu, kei ratou na ganemu, kei ira kecega na lewe-ni-vale nei tamamu.

Josua 2:19

Ia ko ira yadua sa lako yani ki tautuba mai na nomu vale, ena baleti koya ga na nona mate, ia keirau na sega ni cala kina: ia ko ira yadua sa tiko kei iko e vale, ena baleti keirau na nona mate, kevaka sa tarai koya e dua na liga i keimami.

Josua 6:22

A sa kaya ko Josua vei rau na tamata ka rau rai vanua, Drau curu ki na nona vale na yalewa dautagane, ka kauta maikina ki tautuba na yalewa kei na nona ka kecega, me vaka drau a bubului kina vua.

Josua 9:15

A sa kaya ko Josua me ra sautu tiko kei iratou, ka ia na veiyalayalati kei iratou, me ra bula: a sa bubului vei iratou ko ira na nodra turaga nai soqosoqo.

Dauveilewai 1:24

Ia ko ira sa lawakoto era sa kunea e dua na tamata sa lako tiko mai na koro, a ra sa kaya vua, Mo vakatakila mada vei keitou nai curucuru ki na koro, ia keitou na vakabulai iko.

1 Samuela 30:15

A sa kaya vua ko Tevita, O sa kauti au sobu rawa vei ira nai valu ko ya, se segai? A sa kaya ko koya, Mo bubului vei au e na yaca ni Kalou, ni ko na sega ni vakamatei au, se soli au yani vua na noqu turaga, ka'u na qai kauti iko sobu ki na mataivalu ko ya.