Josua 2:11 - Vakavakadewa Makawa

¹¹ Ia ni keimami a rogoca, sa qai waicala ga na yalo i keimami, a sa yali vei ira yadua na lomadei, e na vukumuni: ni sa Kalou ga ko Jiova na nomuni Kalou mai lomalagi e cake, e vuravura talega era.

Ai Vola Tabu (Vakadewa Makawa Vakavoutaki 2021)

¹¹ Ia ni keimami a rogoca, sa qai waicala ga na yalo i keimami, a sa yali vei ira yadua na lomadei e na vukumuni. Ni sa Kalou ga ko Jiova na nomuni Kalou mai lomalagi e cake, e vuravura talega e ra.

AI VOLA TABU

¹¹ Ia ni keimami a rogoca, sa qai waicala ga na yalo i keimami, a sa yali vei ira yadua na lomadei, e na vukumudou: ni sa Kalou ga ko Jiova na nomudou Kalou mai lomalagi ecake, e vuravura talega era.

Vakavakadewa Vou kei na iVola tale eso

¹¹ Ia ni keimami a rogoca, sa tarai keimami na rere; ka sa duatani na neimami taqaya ena vukumuni. O Jiova na nomuni Kalou sa Kalou ni lomalagi e cake kei na vuravura talega e ra.

Ai Vola Tabu Ena Vakavakadewa Vou

¹¹ Ia ni keimami a rogoca, sa tarai keimami na rere; ka sa duatani na neimami taqaya ena vukumuni. Ko Jiova na nomuni Kalou sa Kalou ni lomalagi e cake kei na vuravura talega e ra.

Josua 2:11 Iomraidhean Croise

1 Tui 8:60

me ra kila kina ko ira kecega na veimatanitu e vuravura, ni sa Kalou ko Jiova; ka sa sega tale e dua tani.

2 Tui 5:15

A sa lesu tale ko koya vua na tamata ni Kalou, o koya kei ira kece na nona lewe ni sala, a sa la'ki tu ga e matana: ka kaya, Raica, au sa qai kila ni sa sega e dua na Kalou e vuravura taucoko, e Isireli duaduaga: ia oqo, mo taura mada e dua nai loloma maivei au na nomu tamata.

Niemaia 6:16

Ia ni ra sa rogoca ko ira kecega na neimami meca, ka ra sa raica ko ira kecega na veimatanitu tani era sa tiko voleka vei keimami, era sa rere ka velavela vakataki ira: ni ra sa raica sa caka rawa na cakacaka oqo e na vuku ni neimami Kalou.

Esiteri 8:17

Sa reki ka marau ko ira na Jiu, a ra sa ia na kana vata ka sa dua na siga vinaka, e na yasana kecega, kei na koro kecega, sa yaco kina nai vakaro ni tui kei na nonai lesilesi. Ka ra sa vuki me Jiu e lewe vuqa vei ira na lewe ni vanua; ni sa kani ira na rere e na vukudra na Jiu.

NA SAME 102:15

Era na rerevaka kina na yaca i Jiova na veimatanitu, Kei na nomuni ukuuku ko ira kecega na tui kei vuravura.

NA SAME 22:14

Au sa sovaraki yani me vaka na wai, Ka sa mavule kecega nai sema ni suiqu: Sa vaka na drega ni vola na yaloqu, Sa waicala e loma ni ketequ.

NA SAME 58:7

Me ra waicala yani me vaka na wai sa dave tiko: Ni ra sa navuca na nodra dakai me vanataka na gasau, me sa tamusumusuki ga.

NA SAME 83:18

Me ra kila ko ira na tamata ni sai kemuni na yacamuni ga ko JIOVA, Sa Cecere sara duaduaga e vuravura taucoko.

Lako Yani 15:14

Era na rogoca na veimatanitu, era na taqaya: Ena kani ira na kai Filisitia na rarawa.

Lako Yani 15:15

Era na qai domo bula na turaga ni Itomi; Ena tauvi ira na qaqa ni Moapi na sautaninini; Era na waicala yani na kai Kenani kecega.

Aisea 13:7

Ena malumalumu kina na ligadra kecega, ka waicala na yalo ni tamata kecega:

Aisea 19:1

Na vosa ni parofisai bibi kei Ijipita. Raica, sa vodo tu ko Jiova e na o totolo, ka sa lako mai ki Ijipita; a sa yavala na kalou lasu ni Ijipita e matana, ka sa waicala e lomana na yalo i Ijipita.

Isikeli 21:15

Ka'u sa vaqara nai seleiwau rerevaki ki na nodra matamata-ni-koro kecega me waicala kina na lomadra, ka me vakalevutaki na kedra veivakarusai; io, sa makamakalivata mai, ka soloti tu me ia kina na veivakamatei:

Neumi 2:10

Sa lala, sa lala didi, sa lala didi sara: ia na yalodra sa waicala, ka sa dui veiyaviti na durudra, sa yaluma kece sara talega na tolodra, ia sa ceacea sara na matadra kecega.

Vakarua 1:28

eda na lako cake kivei? era sa vakawaicalataka na yaloda na wekada, ni ra kaya, Era sa tamata lelevu ka babalavu, ka lailai koi keda; sa lelevu na veikoro, a sa yala ki lomalagi na kedra bai: ia keitou a kunei ira talega kina na luve i Anaki.

Vakarua 20:8

Ia me ra vosa tale vei ira na tamata ko ira na turaga lalai, ka me ra kaya, Ko cei vei kemuni sa rere ka sa waicala na lomana? me lesu ga ko koya ki na nona vale, de waicala na yalodra na wekana me vakataki koya.

Vakarua 4:39

Mo ni kila mada e na siga oqo, ka vakanananu kina e lomamuni ni sa Kalou ko Jiova mai lomalagi e cake, kei vuravura e ra: sa sega tale e dua.

Josua 14:8

Ia ko iratou na wekaqu keitou a lako vata, eratou vakadatuvutaka na yalodra na tamata: ia koi au ga, ka'u a muri Jiova sara ga na noqu Kalou:

Josua 2:24

A rau a kaya vei Josua, Sa solia vakaidina ki na ligada na vanua kecega oqo ko Jiova; ia sa waicala ko ira kecega na lewe ni vanua e na vukuda.

Josua 5:1

Ia ko ira kecega na nodra tui na Amoraiti sa tiko e na tai ni Joritani vaka ki ra, kei ira kece na nodra tui na kai Kenani sa tiko voleka ki na waitui, ni ra sa rogoca sa vakadiva ko Jiova na wai ni Joritani e matadra na Isireli, me keimami lako mada ki tai kadua, sa qai waicala na yalodra, ka sa yali na nodra lomadei, e na vuku i keimami na Isireli.

Josua 7:5

A sa mokuta e le tolusagavulu ka ono beka vei ira ko ira na ka Ai: ka vakasavi ira mai na matamata-ni-koro, ka yaco ki Siparimi, ka ra mokuti ira e nai sobusobu: a sa malumalumu na yalodra na tamata, a ra sa waicala.

Josua 9:24

A ratou sa vosa vei Josua, ka kaya, Sa tukuni vakaidina vei keimami na nomu tamata na ka ka vakarota ko Jiova na nomu Kalou vei Mosese na nonai talatala, me solia vei kemudou na vanua taucoko, ka me vakamatea kecega na lewe ni vanua e na matamudou, keimami a qai rere vakalevu kina e na vukumudou de keimami mate, ka keimami a kitaka na ka oqo.

Vakatakila 6:16

a ra sa kaya ki na veiulu-ni-vanua kei na veiuluvatu, Lutuki keimami, ka vunitaki keimami mai na mata i koya sa tiko e nai tikotiko-vakaturaga, mai na nona cudru talega na Lami: