Josua 2:1 - Vakavakadewa Makawa

¹ Ia ko Josua na luve i Nuni, sa tala e le rua na tamata mai Sitimi, me rau yamata lo na vanua, ka sa kaya, Drau la'ki raica na vanua, kei Jeriko. A rau a lako yani, ka curu ki na nona vale e dua na yalewa dautagane, na yacana ko Reapi, ka rau a moce kina.

Ai Vola Tabu (Vakadewa Makawa Vakavoutaki 2021)

¹ Ia ko Josua na luve i Nuni, sa tala e le rua na tamata mai Sitimi, me rau yamata vuni ki na vanua, ka sa kaya, “Drau la'ki raica na vanua, ka vakabibi ko Jeriko.” A rau a lako yani, ka curu ki na nona vale e dua na yalewa dautagane, na yacana ko Reapi, ka rau a moce kina.

AI VOLA TABU

¹ IA ko Josua na luve i Nuni, sa tala e rua na tamata mai Sitimi, me rau yamata lo na vanua, ka sa kaya, Drau laʼki raica na vanua, kei Jeriko. A rau a lakani, ka curu ki na nona vale e dua na alewa dauyatagane, na yacana ko Reapi, ka rau a moce maikina.

Vakavakadewa Vou kei na iVola tale eso

¹ Sa qai talai rau vakavuni e rua na yamata ena keba mai Sitimi o Josua, ka tukuna vei rau, “Drau la'ki vakaraica vinaka na vanua, ka vakabibi na koro o Jeriko.” Ni rau yaco yani ki Jeriko, e rau sa mani curu sara ki na nona vale e dua na yalewa dautagane, na yacana o Reapi, ka tiko kina.

Ai Vola Tabu Ena Vakavakadewa Vou

¹ Sa qai talai rau vakavuni e rua na yamata ena keba mai Sitimi o Josua, ka tukuna vei rau, “Drau la'ki vakaraica vinaka na vanua, ka vakabibi na koro o Jeriko.” Ni rau yaco yani ki Jeriko, e rau sa mani curu sara ki na nona vale e dua na yalewa dautagane, na yacana o Reapi, ka tiko kina.

Josua 2:1 Iomraidhean Croise

Vakatekivu 42:16

Dou tala mada e dua vei kemudou, me kauta mai na tacimudou, ia koi kemudou, dou na vesu, me kilai kina se dina na nomudou vosa, se segai: ia kevaka e segai, me vaka sa bula ko Fero, sa qai macala dou sa mai yamata.

Vakatekivu 42:9

A sa nanuma ko Josefa na tadra ka tadrataki ira kina ko koya, a sa kaya vei ira, Kemudou sa mai yamata; dou sa lako mai mo dou raica na kena sega ni vakarau tu ni vanua.

Maika 6:5

Kemudou na noqu tamata, dou vakananuma mada na ka sa kerea ko Pelaki na tui Moapi, kei na ka sa kaya vua ko Pelami na luve i Piori; kei na ka mai Sitimi ka yaco sara ki Kilikali; mo dou kila kina nai valavala dodonu i Jiova.

Tiko mai na Lekutu 13:1

A sa vosa vei Mosese ko Jiova, ka kaya,

Tiko mai na Lekutu 13:2

Mo tala na tamata eso, me ra raica vakavinaka na vanua ko Kenani, o koya ka'u sa solia vei ira na Isireli: me dua na gone turaga mai na mataqali yadua ni nodra qase mo dou talai ira.

Tiko mai na Lekutu 25:1

A sa tiko mai Sitimi ko ira na Isireli, a ra sa qai dauveibutakoci kei ira na goneyalewa ni Moapi ko ira na tamata.

Tiko mai na Lekutu 33:49

A ra sa la'ki tiko voleka ki na Joritani, mai Peci-yisimoci ka yaco ki Epeli-sitimi, mai na vanua cecelevu ni Moapi.

Maciu 1:5

ka tama i Poasi ko Salimoni, a tinana ko Reapi; ka tama i Opeti ko Poasi, a tinana ko Ruci; ka tama i Jese ko Opeti;

Maciu 10:16

Raica, au sa talai kemudou yani me vaka na sipi e na kedra maliwa na wolifa: o koya mo dou qai vuku me vaka na gata, ka yalovinaka me vaka na ruve.

Efeso 5:5

Ni dou sa kila na ka oqo, ena sega sara na nonai votavota e na matanitu nei Karisito kei na Kalou, e dua na daudara, se dua sa velavela, se dua na daukocokoco, ni sa dauqarava na kalou lasu ko koya oqo.

Iperiu 11:31

Ni sa vakabauta sa sega kina ni rusa vata kei ira sa sega ni vakabauta ko Reapi, na yalewa dautagane, ni sa kauti rau e na veivakacegui erau sa yamata.

Jemesa 2:25

Sa vaka talega kina ko Reapi na yalewa ka dautagane, sa sega li ni vakadonui e na vuku ni cakacaka, ni sa vakacegui rau nai talaki, ka vakatala yani e na sala tani?

Josua 1:18

Ena vakamatei na tamata vakaaduaga sa talaidredre ki na nomu vunau, ka sega ni vakarorogo ki na nomu vosa e na ka kece ko sa vakaroti koya kina: ia mo kaukauwa ga ka yalodei.

Josua 2:2

A sa tukuni vei tui Jeriko, ka vaka, Raica, sa lako mai ki ke e na bogi, eso na tamata vei ira na Isireli, me raica sara na vanua.

Josua 21:31

ko Elikaci kei na vanua sa volita, kei Riopi kei na vanua sa volita; e va na koro.

Josua 3:1

A sa sou e na mataka ko Josua; a ra sa toki mai Sitimi, ka lako mai ki na Joritani, ko koya kei ira kecega na Isireli, ka ra moce kina, era qai lako emuri ki tai kadua.

Josua 5:10

A ra tiko mai Kilikali ko ira na Isireli, ka cakava na kana vata ni lako-sivia, e na kenai katinikava ni siga ni vula, e na yakavi, mai na vanua cecelevu mai Jeriko.

Dauveilewai 1:23

A ra sa tala eso ko ira na mataqali i Josefa me yamata ki Peceli: (ia na yaca ni koro eliu ko Lusa.)

Dauveilewai 18:14

A ratou sa vosa ko iratou na tamata limalima, eratou a la'ki raica na vanua ko Leisi, ka kaya vei ira na wekadratou, Dou sa kila beka ni sa tiko e na veivale oqo e dua na efoti, ka so na matakau, ka dua na matakau ceuceu, ka dua na matakau vakawaicalataki? ia oqo, dou lewa mada na ka mo dou cakava.

Dauveilewai 18:17

Ia eratou sa lako cake na tamata limalima, eratou a la'ki raica na vanua; ka ratou sa curu kina; ka kauta na matakau ceuceu, kei na efoti, kei na veimatakau tani kei na matakau vakawaicalataki; ia sa tu mai na matamata-ni-koro na bete, kei ira na tamata e lewe ono na drau era sa vakaiyaragi tu e nai yaragi ni valu.

Dauveilewai 18:2

A ra sa tala ko ira na Tani e le lima na tamata e na nodra mataqali mai na nodra i yalayala, eratou sa tamata qaqa, mai Sora, kei Esitaoli, me ratou la'ki rai vanua, ka kila vakavinaka; a ra sa kaya vei iratou, Dou la'ki raica vakavinaka na vanua: a ratou sa lako yani ki na ulu-ni-vanua ko Ifireimi, ki na vale i Maika, a ratou sa moce kina.