Josua 17:16 - Vakavakadewa Makawa

¹⁶ A ra sa kaya na luve i Josefa, Sa sega ni rauti keimami na ulu-ni-vanua: ia na kai Kenani sa tiko e na vanua buca, era sa vakaqiqi-ni-valu kaukamea, mai Peci-siani kei na kena veikoro, kei ira mai na buca ko Jesirieli.

Ai Vola Tabu (Vakadewa Makawa Vakavoutaki 2021)

¹⁶ A ra sa kaya na luve i Josefa, “Sa sega ni rauti keimami na vanua veiulunivanua; ia na kai Kenani sa tiko e na vanua buca era sa vakaqiqi-ni-valu kaukamea mai Peci-siani kei na kena veikoro, kei ira mai na buca ko Jesireli.”

AI VOLA TABU

¹⁶ A ra sa kaya na luve i Josefa, Sa sega ni rauti keimami na ulu-ni-vanua: ia na kai Kenani sa tiko e vanua buca, sa tu vei ira e so na vale-vodoki kaukamea, mai Peci-siani kei na kena veikoro, kei ira mai na buca ko Isirieli.

Vakavakadewa Vou kei na iVola tale eso

¹⁶ Era a qai tukuna na luve i Iosefo, “E qiqo ka lailai sara vei keimami na vanua veidelana; ia era vaqiqi ni valu kaukamea o ira na kai Kenani ka ra tiko e buca. E vaka talega kina o ira na kai Kenani e Peci-siani kei na kena veikoro ka tiko ena buca o Jesireli.”

Ai Vola Tabu Ena Vakavakadewa Vou

¹⁶ Era a qai tukuna na luve i Josefa, “E qiqo ka lailai sara vei keimami na vanua veidelana; ia era vaqiqi ni valu kaukamea o ira na kai Kenani ka ra tiko e buca. E vaka talega kina o ira na kai Kenani e Peci-siani kei na kena veikoro ka tiko ena buca o Jesireli.”

Josua 17:16 Iomraidhean Croise

1 Tui 18:45

A sa loaloa mai na lomalagi, e na veiyasana kecega, e na o kei na cagi, a sa tau na uca levu. A sa vodo ko Eapi, ka lako ki Jesirieli.

1 Tui 18:46

A sa tiko kei Ilaija na liga i Jiova; a sa vauca ko koya na tolona, ka cici ka liutaki Eapi ki nai bili mai Jesirieli.

1 Tui 21:1

Sa oti na veika oqo, sa dua na were-ni-vaini nei Nepoci na kai Jesirieli, ka tiko mai Jesirieli, ka sa voleka ki na vale vakaturaga i Eapi, na tui Samaria.

1 Tui 21:23

Ia e na vuku i Jesepeli, sa vosa ko Jiova, ka kaya, Ena kani Jesepeli mai na bai ni Jesirieli ko ira na koli.

1 Tui 4:12

ko Peana luve i Eiiluti; a sa nona ko Teenaki, kei Mekito, kei Peci-siani taucoko, mai Saricani e ruku i Jesirieli, mai Peci-siani, ka yaco ki Epeli-meola, ka sivi Jokiniami:

2 Tui 9:10

Ia na koli ena kania na yago i Jesepeli, e na tiki ni vanua mai Jesirieli, ka na sega e dua me buluta. Sa qai dolava na katuba ko koya, ka dro.

2 Tui 9:37

ia na yago i Jesepeli ena vaka na de ni manumanu e na dela ni vanua, e na tikina mai Jesirieli; era na sega ni kaya rawa kina Oqo ko Jesepeli.

Jeremaia 49:2

O koya oqo, raica, ena yaco na siga, sa kaya ko Jiova, ka'u na vakarogoya kina mai Rapa na nodra koro na Amoni e dua na kaila ni valu; ia ena yaco oqori me koro rusa ka lala, ia na luvena yalewa era na kama e na bukawaqa: ia ko Isireli, ena qai taukei vei ira era sai taukei vua eliu, sa kaya ko Jiova.

Josua 15:56

kei Jesirieli, kei Jokitiami, kei Sanoa,

Josua 17:11

Ia sa nodra na Manasa, mai Isakari kei Aseri, ko Peci-siani kei na kena veikoro, kei Ipiliami kei na kena veikoro, kei ira na kai Toa kei na kena veikoro, kei ira na kai Edoa kei na kena veikoro, kei ira na kai Teenaki kei na kena veikoro, kei ira na kai Mikito kei na kena veikoro, sa tolu na vanua.

Josua 17:15

A sa kaya vei ira ko Josua, Kevaka ko ni sa lewe vuqa, mo ni lako cake ki na veikau, ka taya sobu maikina me nomuni e na nodra vanua na lewe ni Veikoro lalai kei na tamata yagolevu, ke sa qiqo vei kemuni na ulu-ni-vanua mai Ifireimi.

Josua 17:17

A sa vosa ko Josua ki na mataqali i Josefa, io vei ira na Ifireimi kei na Manasa, ka kaya, Kemuni sa lewe vuqa, a sa levu na nomuni qaqa: ena sega ni dua bauga na nomuni votavota;

Josua 17:18

ni na nomuni na ulu-ni-vanua: ia ke sa veikau ko ya, ko ni taya sobu: ena nomuni talega na kena veiyalayala: ia na kai Kenani, kevaka era sa vakaqiqi-ni-valu kaukamea, ka ra sa kaukauwa talega ko ira, kemuni na vakasavi ira tani ga.

Josua 19:18

A sa no na nodra i yalayala vaka ki Jesirieli, kei Kesuloci, kei Sunemi,

Dauveilewai 1:19

A sa tiko vata kei na Juta ko Jiova, a ra sa vakasava tani nai taukei ni ulu-ni-vanua; ia sa sega ni vakasavi ira rawa era sa tiko ena vanua cecelevu, ni ra sa vakaqiqi-ni-valu kaukamea.

Dauveilewai 4:13

A sa vakasoqona vata ko Sisira na nona qiqi-ni-valu kecega, e ciwa na drau na qiqi-ni-valu kaukamea, kei na tamata kecega era tiko vata kaya, mai Eroseci mai na veimatanitu tani, me ra lako ki na uciwai ko Kisoni.

Dauveilewai 4:3

A ra sa tagi vei Jiova ko ira na Isireli; ni sa tu vua e ciwa na drau na qiqi-ni-valu kaukamea, a sa vakasaurarataki ira vakaukauwa na Isireli ka yabaki ruasagavulu.

Dauveilewai 6:33

A ra sa soqoni vata ko ira kecega na kai Mitiani, kei ira na Amalekaiti, kei ira mai na tu-i-cake, ka ra lako yani, ka la'ki tiko e na buca mai Jesirieli.

1 Samuela 29:1

A ra sa soqona vata na nodra mataivalu kecega ki Efeki ko ira na kai Filisitia: a ra sa la'ki tiko ko ira na Isireli mai na dua na mata-ni-wai mai Jesirieli.