Josua 14:12 - Vakavakadewa Makawa

¹² Ia oqo, mo solia kina vei au na ulu-ni-vanua oqo, ka vosa kina ko Jiova e na siga ko ya; ni ko a rogoca e na siga koya ni ra sa tiko kina na luve i Anaki, ka sa lelevu ka vakabai na veikoro: ena tiko beka kei au ko Jiova, ka'u na qai vakasavi ira rawa, me vaka ka kaya ko Jiova.

Ai Vola Tabu (Vakadewa Makawa Vakavoutaki 2021)

¹² Ia oqo, mo solia kina vei au na vanua veiulunivanua oqo, ka vosa kina ko Jiova e na siga ko ya; ni ko a rogoca e na siga koya ni ra sa tiko kina na luve i Anaki, ka sa lelevu ka vakabai na veikoro; ena tiko beka kei au ko Jiova, ka'u na qai vakasavi ira rawa, me vaka ka kaya ko Jiova.”

AI VOLA TABU

¹² Ia o qo, mo solia mai kina vei au na ulu-ni-vanua o qo, a ya ka vosa kina ko Jiova e na siga ko ya; ni ko a rogoca e na siga ko ya ni ra sa tiko kina na luve i Anaki, ka sa lelevu ka vakabai na veikoro: ena tiko beka kei au ko Jiova, kaʼu na qai vakasevi ira rawa, me vaka ka kaya ko Jiova.

Vakavakadewa Vou kei na iVola tale eso

¹² Ia oqo, mo solia vei au na vanua veidelana oqo me vaka sa yalataka vei au o Jiova ena siga o ya. O a rogoca talega o iko ni a tukuni ena siga o ya ni ra tiko mai kea na kawa i Anaki kei na nodra koro lelevu sa vakabai wavoki; ia de rairai na tiko vata kei au o Jiova, ka'u na qai vakasevi ira tani, me vaka ga na nona vosa.”

Ai Vola Tabu Ena Vakavakadewa Vou

¹² Ia oqo, mo solia vei au na vanua veidelana oqo me vaka sa yalataka vei au ko Jiova ena siga o ya. O a rogoca talega o iko ni a tukuni ena siga o ya ni ra tiko mai kea na kawa i Anaki kei na nodra koro lelevu sa vakabai wavoki; ia de rairai na tiko vata kei au ko Jiova, ka'u na qai vakasevi ira tani, me vaka ga na nona vosa.”

Josua 14:12 Iomraidhean Croise

2 Tui 19:4

Ena rogoca beka ko Jiova na nomu Kalou na vosa kecega i Rapisake, o koya sa tala mai ko tui Asiria na nona turaga, me vosavakacacataka na Kalou bula; ia ena vunauca na vosa sa rogoca ko Jiova na nomu Kalou: o koya mo qai cavuta na masu e na vukudra na lewe lailai sa vo tiko.

2 Veigauna 14:11

A sa tagi ko Esa vei Jiova na nona Kalou, ka kaya, Kemuni Jiova, sa ka rawarawa vei kemuni me veivuke kei ira na lewe vuqa, se me veivuke kei ira sa sega vei ira na kaukauwa: mo ni vukei keimami, kemuni Jiova na neimami Kalou; ni keimami sa vakararavi vei kemuni, ka sa mai vala e na yacamuni ga kei ira na lewe vuqa oqo. I Jiova, ko ni sa neimami Kalou; me kakua ni gumatua na tamata vei kemuni.

NA SAME 44:3

Ni ra a sega ni rawata na vanua e na nodra i seleiwau, Se vakabulai ira na ligadra: A ligamuni matau duaduaga, kei na tabamuni, kei nai serau ni matamuni, Ni kemuni a lomani ira.

NA SAME 60:12

E na vuku ni Kalou eda na gugumatua; Ni sai koya ga ena buturaka sobu na noda meca.

Tiko mai na Lekutu 13:28

ia, ko ira na tamata sa tiko e na vanua era sa kaukauwa, a sa vakabai ni valu na veikoro, ka sa levu sara: keitou a raici ira talega kina na luve i Anaki:

Tiko mai na Lekutu 13:33

ia keitou a raica kina na tamata yagolevu sara, na luve i Anaki, era kawa ni tamata yagolevu sara; ia keitou sa vaka na vodre e na mata i keitou, ka sa vaka talega kina vei ira.

Tiko mai na Lekutu 21:34

A sa kaya vei Mosese ko Jiova, Mo kakua ni rerevaki koya: ni'u sa soli koya ki na ligamu, kei na nona tamata kecega kei na nona vanua; ia ko na kitaka vua me vaka ko a kitaka vei Sioni na nodra tui na Amoraiti, ko koya ka tiko mai Esiponi.

Roma 8:31

A cava me da qai kaya e na veika oqo? Kevaka sa totaki keda na Kalou, o cei me noda meca?

Vakarua 1:28

eda na lako cake kivei? era sa vakawaicalataka na yaloda na wekada, ni ra kaya, Era sa tamata lelevu ka babalavu, ka lailai koi keda; sa lelevu na veikoro, a sa yala ki lomalagi na kedra bai: ia keitou a kunei ira talega kina na luve i Anaki.

Vakarua 9:1

Mo ni rogoca, na Isireli: Ko ni sa qalo kosova na Joritani edaidai, mo ni la'ki taukena eso na matanitu sa levu ka kaukauwa, ka lailai ka malumalumu koi kemuni, na veikoro lelevu ka sa yala ki lomalagi na kedra bai,

Vakarua 9:3

Mo ni kila mada edaidai, ni sa liutaki kemuni yani ko Jiova na nomuni Kalou, vaka na bukawaqa katakata: ena vakaoti ira, ka vakamalumalumutaki ira e matamuni: ia ko ni na vakasavi ira kina, ka vakaoti ira vakusakusa, me vaka ka kaya vei kemuni ko Jiova.

Filipai 4:13

Au sa rawata na ka kecega e na vuku i Karisito o koya sa vakaukauwataki au.

Iperiu 11:33

o ira, ni ra sa vakabauta, era sa vakamalumalumutaka na matanitu eso, era sa cakava na ka e dodonu, era sa rawata me nodra na veika ka yalataki, era sa tabonaka na gusu ni laioni,

Josua 15:14

ia ko Kelepi sa vakasavi iratou maikina na luve i Anaki tolutolu, ko Sesei, kei Eiimani, kei Talimei, eratou luve i Anaki:

Dauveilewai 1:20

A ra sa soli Epironi vei Kelepi, me vaka ka kaya ko Mosese: a sa vakasavi iratou tani maikina na tagane tolutolu era luve i Anaki ko koya.

1 Samuela 14:6

A sa kaya ko Jonacani vua na cauravou sa daucolata na nonai yaragi, Daru lako yani ki na nodra i tikotiko ni valu na tawa cili oqori; ena cakacaka beka e na vukudaru ko Jiova: ni sa sega ni dredre vei Jiova me ia na veivakabulai se ra lewe vuqa se ra lewe lailai.