Josua 11:6 - Vakavakadewa Makawa

⁶ Sa qai kaya vei Josua ko Jiova, Mo kakua ni rere e na vukudra: ni ka'u na soli ira kece me vakamatei e na matadra na Isireli, e na mataka, ni sa vakaoqo na mata-ni-siga; ko na tava na tularua ni nodra ose, ka vakama e na bukawaqa na nodra qiqi-ni-valu.

Ai Vola Tabu (Vakadewa Makawa Vakavoutaki 2021)

⁶ Sa qai kaya vei Josua ko Jiova, “Mo kakua ni rere e na vukudra, ni ka'u na soli ira kece me vakamatei e na matadra na Isireli, e na mataka, ni sa vakaoqo na mata-ni-siga; ko na tava na tularua ni nodra ose, ka vakama e na bukawaqa na nodra qiqi-ni-valu.”

AI VOLA TABU

⁶ A sa kaya vei Josua ko Jiova, Mo kakua ni rere o na vukudra: ni kaʼu na soli ira kece me vakamatei e na matadra na Isireli, o na sabogibogi, ni sa vakaoqo na mata-ni-siga; ko na vakalokilokitaka na nodra veiose, ka vakama o na buka na nodra veivale-vodoki.

Vakavakadewa Vou kei na iVola tale eso

⁶ Sa qai vosa vei Josua o Jiova ka tukuna, “Mo kakua ni rerevaki ira. Ena gauna vata oqo ni mataka, au sa na vakamatei ira kece sara ena vuku i Isireli. Mo ni taya me cavuka na uwa ni yava ni nodra ose kece ka vakama na nodra qiqi ni valu.”

Ai Vola Tabu Ena Vakavakadewa Vou

⁶ Sa qai vosa vei Josua ko Jiova ka tukuna, “Mo kakua ni rerevaki ira. Ena gauna vata oqo ni mataka, au sa na vakamatei ira kece sara ena vuku i Isireli. Mo ni taya me cavuka na uwa ni yava ni nodra ose kece ka vakama na nodra qiqi ni valu.”

Josua 11:6 Iomraidhean Croise

2 Samuela 8:4

A sa rawata maivei koya ko Tevita e le dua na udolu ka vitu na drau na tamata sa vodo ose, ka le rua na oba na tamata era taubale: a sa tava na tularua ni ose ni qiqi-ni-valu kecega ko Tevita, ia sa maroroya ga maivei ira na ose me rauta e dua na drau na qiqi-ni-valu.

2 Tui 6:16

A sa kaya ko koya, Kakua ni rere: ni ra sa lewe vuqa era sa tiko kei kedaru, ka lewe lailai era sa tiko kei ira.

2 Veigauna 20:16

Ni lako sobu e na mataka me vala kei ira: raica, era sa lako cake mai e nai cabecabe ki Sisi; ia kemuni na kunei ira e na boto ni buca, e donuya na veikau ni Jirueli.

NA SAME 46:10

Dou tiko lo, mo dou kila ni'u sa Kalou: Ka'u na vakalevulevui e na veimatanitu, ka'u na vakalevulevui e vuravura.

NA SAME 46:11

Sa tiko vata kei keda ko Jiova ni lewe vuqa; A nodai drodro na Kalou i Jekope. Sela.

NA SAME 46:9

Sa vakaotia nai valu mai nai yalayala kei vuravura: Sa musuka na dakai titi ko koya, ka tayamusuka na moto, Ka sa vakama na qiqi-ni-valu e na bukawaqa.

Vosavakaibalebale 20:7

Sa muria na nona yalodina na yalododonu: Era sa kalougata na luvena era taravi koya.

Aisea 30:16

Dou a kaya, E segai; keimami na dro e na ose; ia dou na dro ga: Keimami na vodo lako e na ose totolo; ia era na totolo ko ira sa vakasavi kemudou.

Aisea 31:1

Ena ca ko ira era sa lako sobu ki Ijipita me kerea na veivuke; ka vakararavi ki na ose kei na qiqi-ni-valu, ni ra sa ka levu; kei na tamata i valu e dauvodo ose, ni ra sa kaukauwa sara; a ra sa sega ni golevi Koya na Yalosavasava ni Isireli, a ra sa sega ni qaravi Jiova!

Isikeli 39:9

A ra na lako yani ko ira sa tiko e na veikoro vaka-Isireli, ka ra na vakacaudreva ka vakama nai yaragi ni valu, nai sasabai kei nai vakaruru, na dakai titi kei na gasau, kei nai ula, kei na moto, ka ra na vakama e na bukawaqa ka yabaki vitu:

Osea 14:3

Ena sega ni vakabulai keitou ko Asuri; keitou na sega ni vodo ose: ia keitou na sega tale ni kaya ki na cakacaka ni liga i keitou, Kemudou sa neitou kalou: ni sai kemuni ga sa lomani koya na luveniyali.

Neumi 2:13

Raica, koi au na nomu meca, sa kaya ko Jiova ni lewe vuqa, ia ka'u na vakama na nona qiqi-ni-valu me kubou; ia ena kani ira na nomu luve ni laioni, nai seleiwau: ka'u na muduka tani talega mai vanua na ka ko sa dresulaka, ena sega talega ni rogoci tale na domodra na nomu i talaki.

Vakarua 7:16

Ia ko ni na vakarusai ira kecega na veimatanitu sa solia vei kemuni ko Jiova na nomuni Kalou; me kakua ni lomani ira na matamuni: ia mo ni kakua ni qarava na nodra kalou; de sa kenai cori vei kemuni.

Josua 10:8

A sa kaya vei Josua ko Jiova, Mo kakua ni rerevaki ira; ni'u sa soli ira ki na ligamu; ena sega e dua vei ira me tu rawa e matamu.

Josua 11:5

Ia ni ra sa bose na tui kecega oqori, era sa lako ka tiko vata ki na wai ko Meromi, me ra veivala kei ira na Isireli.

Josua 11:7

A sa lako vakidacala mai vei ira ko Josua, kei ira vata kaya na tamata i valu kecega, mai na wai ko Meromi, ka sikiti ira.

Josua 11:9

A sa kitaka vei ira ko Josua me vaka ka kaya vua ko Jiova: sa tava na tularua ni nodra ose, ka vakama e na bukawaqa na nodra qiqi-ni-valu.

Josua 3:5

A sa kaya vei ira na tamata ko Josua, Ni vakasavasavataki kemuni: ni na kitaka na cakacaka mana eso ko Jiova e na kemuni maliwa e na mataka.

Dauveilewai 20:28

a sa dauqarava ko Finiase, na luve i Eliesa, na luve i Eroni, e na gauna ko ya,) ka kaya, Me'u lako tale me'u veivala kei ira na Penijamini, na taciqu, se me'u kakua? A sa kaya ko Jiova, Dou lako cake; ni'u na soli ira ki na ligamu e na mataka.

Dauveilewai 7:9

A sa kaya vua e na bogi ko ya ko Jiova, Mo cavu tu, mo lako sobu ki na nodra i tikotiko, ni'u sa solia oti ki na ligamu:

1 Samuela 11:9

A ra sa kaya vei ira na tamata era a lako mai, Dou la'ki vosa vakaoqo vei ira na kai Jepesi-kiliati, E na mataka ni sa katakata mai na mata-ni-siga kemuni na vakabulai. A ra sa lako nai talaki, ka tukuna vei ira na kai Jepesi; a ra sa reki.