Josua 11:16 - Vakavakadewa Makawa

¹⁶ A sa rawa na vanua taucoko ko ya ko Josua, na veiulu-ni-vanua, kei na vanua kecega sa no mai na mata ni Ceva, kei na vanua taucoko ko Koseni, kei na buca, kei na vanua cecelevu, kei na ulu-ni-vanua nei Isireli, kei na kena vanua buca;

Ai Vola Tabu (Vakadewa Makawa Vakavoutaki 2021)

¹⁶ A sa rawa na vanua taucoko ko ya ko Josua: na vanua veiulunivanua, kei na vanua kecega sa no mai na mata ni Ceva, kei na vanua taucoko ko Koseni, kei na buca, kei na vanua veibuca, kei na vanua veiulunivanua nei Isireli, kei na kena vanua buca;

AI VOLA TABU

¹⁶ A sa rawata na vanua kecega ko ya ko Josua, na veiulu-ni-vanua, kei na vanua kecega sa no mai na mata ni ceva, kei na vanua taucoko ko Koseni, kei na buca, kei na cecelevu, kei na ulu-ni-vanua nei Isireli, kei na kena vanua buca;

Vakavakadewa Vou kei na iVola tale eso

¹⁶ A sa rawa na vanua taucoko o Josua o ya ena veidelana, kei na ruku ni veidelana ena vualiku kei na ceva, na yasayasa taucoko sara vaka-Koseni kei na vanua talasiga ena ceva, ka vaka talega kina na Buca o Joritani.

Ai Vola Tabu Ena Vakavakadewa Vou

¹⁶ A sa rawa na vanua taucoko o Josua o ya ena veidelana, kei na ruku ni veidelana ena vualiku kei na ceva, na yasayasa taucoko sara vaka-Koseni kei na vanua talasiga ena ceva, ka vaka talega kina na Buca o Joritani.

Josua 11:16 Iomraidhean Croise

NA SAME 105:44

Sa solia vei ira na nodra vanua na veimatanitu: Ka ra sa taukena na nodra cakacaka na tamata;

NA SAME 78:55

A sa vakaseva tani e matadra na veimatanitu, Ka sa vota vei ira na nodra veiyasana e na wa ni vakarau, Ka vakatikori ira na veimataqali ni Isireli e na nodra veivale.

Isikeli 17:23

ia ka'u na tea e na ulu-ni-vanua cecere nei Isireli: ka na tubu cake na tabana, ka vuataka na vuana, me sa vu ni sitari vinaka sara: ena tiko talega e rukuna na yavusa manumanu vuka kecega; ka ra na tiko ga e na rurugu ni tabana.

Isikeli 36:8

Ia koi kemudou, na veiulu-ni-vanua ni Isireli, dou na tubura na nomudou taba ni kau, ka dou na vuataka na nomudou vua ni kau vei ira na noqu tamata na Isireli; ni ra sa voleka ni lako mai.

Vakarua 1:7

mo ni gole tani ka lako, ka yacova na nodra ulu-ni-vanua na Amoraiti, kei na yasana kecega sa voleka kina, e na vanua cecelevu, e na ulu-ni-vanua, kei na buca, kei na yasana ki na ceva, kei na baravi, na nodra vanua na kai Kenani, kei Lepanoni, me yacova na uciwai levu io na uciwai ko Uferetisi.

Josua 10:40

A sa samuta ko Josua na vanua vakaulunivanua kecega, kei na vanua sa no vaka ki na Ceva, kei na vanua vakabuca, kei na vanua vakamata-ni-wai, kei na nodra tui kecega: sa sega ni laiva e dua me vo tu, sa vakamatea sara na ka kecega sa bula, me vaka ka vakarota ko Jiova na Kalou ni Isireli.

Josua 10:41

A sa mokuti ira ko Josua ka vakatekivu mai Ketesa-parinea ka yaco ki Kesa, kei na vanua taucoko ko Koseni, ka yaco ki Kipioni.

Josua 11:15

Me vaka ka vakarota vei Mosese na nonai talatala ko Jiova, ka vakaroti Josua vakakina ko Mosese; ia sa kitaka vakakina ko Josua; sa sega ni biuta e dua na ka e na ka kecega ka vakarota vei Mosese ko Jiova.

Josua 11:2

kei ira na tui sa tiko vaka ki na tokalau e na ulu-ni-vanua, vei ira talega e na vanua cecelevu vaka ki na ceva ki Kineroci, vei ira talega e na buca, kei na yasana nei Toa vaka ki ra,

Josua 11:21

A sa lako mai e na gauna ko ya ko Josua, ka vakamatei ira na luve i Anaki mai na veiulu-ni-vanua, mai Epironi, mai Tipiri, mai Anapi, mai na veiulu-ni-vanua kece talega nei Juta, kei na veiulu-ni-vanua kecega nei Isireli: sa vakarusai ira sara ko Josua kei na nodra veikoro.

Josua 12:8

e na veiulu-ni-vanua, kei na veibuca, kei na vanua cecelevu, kei na veimata-ni-wai, e na lekutu talega, kei na vanua sa no e na mata ni Ceva; o ira na Itaiti, o ira na Amoraiti, kei ira na kai Kenani, o ira na Perisaiti, o ira na Aivaiti, kei na Jepusaiti:

Josua 9:1

Ia ni ra sa rogoca ko ira kecega na tui sa tiko e na tai oqo ni Joritani, e na ulu-ni-vanua, kei na buca, kei na baravi kece ni waitui levu sa donui Lepanoni, ko ira na Itaiti, kei ira na Amoraiti, ko ira na kai Kenani, ko ira na Perisaiti, ko ira na Aivaiti, kei ira na Jepusaiti,