Josua 11:12 - Vakavakadewa Makawa

¹² Ia na nodra veikoro kecega na tui ko ya, kei na kedra tui kecega, sa rawa ko Josua, ka yavita e nai seleiwau, ka vakarusai ira sara, me vaka ka vakarota ko Mosese nai talatala i Jiova.

Ai Vola Tabu (Vakadewa Makawa Vakavoutaki 2021)

¹² Ia na nodra veikoro kecega na tui ko ya, kei na kedra tui kecega, sa rawa ko Josua, ka yavita e nai seleiwau, ka vakarusai ira sara, me vaka ka vakarota ko Mosese na tamata ni Kalou ko Jiova.

AI VOLA TABU

¹² Ia na nodra veikoro kecega na tui ko ya, kei na kedra tui kecega, sa rawata ko Josua, ka yavita e na bati ni seleiwau, ka vakarusai ira sara, me vaka ka vakarota ko Mosese nai talatala i Jiova,

Vakavakadewa Vou kei na iVola tale eso

¹² A sa vakamalumalumutaka na veikoro kece oqo kei na nodra tui, o Josua, ka vakamatei ira kece na lewena me vaka sa vakarota o Mosese na tamata ni Kalou.

Ai Vola Tabu Ena Vakavakadewa Vou

¹² A sa vakamalumalumutaka na veikoro kece oqo kei na nodra tui, o Josua, ka vakamatei ira kece na lewena me vaka sa vakarota o Mosese na tamata ni Kalou.

Josua 11:12 Iomraidhean Croise

Vakarua 7:2

a sa soli ira e matamuni ko Jiova na nomuni Kalou, ka kemuni sa mokuti ira; mo ni qai vakawabokotaki ira sara; mo ni kakua ni veiyalayalati kei ira, se lomani ira:

Vakarua 9:3

Mo ni kila mada edaidai, ni sa liutaki kemuni yani ko Jiova na nomuni Kalou, vaka na bukawaqa katakata: ena vakaoti ira, ka vakamalumalumutaki ira e matamuni: ia ko ni na vakasavi ira kina, ka vakaoti ira vakusakusa, me vaka ka kaya vei kemuni ko Jiova.

Josua 10:20

Ia ni sa oti na nodra mokuti ira ko Josua kei ira na Isireli e na ravuravu levu sara, ka me ra oti mada, sa ra qai la'ki curuma eso na koro kaukauwa ko ira na kedra vo.

Josua 10:28

A sa kabai Maketa ko Josua e na siga ko ya, ka samuta e nai seleiwau, ka vakamatea sara na kena tui, o ira, kei ira kecega na tamata sa tiko kina; sa sega ni laiva e dua me vo tu kina: a sa kitaka vua na tui Maketa ko koya me vaka ka kitaka ko koya vua na tui Jeriko.

Josua 10:30

ia oqori talega sa solia ko Jiova, kei na kena tui, ki na ligadra na Isireli; a ra sa samuta e nai seleiwau, kei na tamata kecega sa tiko kina; sa sega ni laiva e dua me vo tu kina; a sa kitaka vua na kena tui ko koya me vaka ka kitaka ko koya vua na tui Jeriko.

Josua 10:32

a sa soli Lakisi ko Jiova ki na ligadra na Isireli; a ra sa kaba e na kenai karua ni siga, ka samuta e nai seleiwau, kei na tamata kecega sa tiko kina, me vaka na ka kece sa kitaka ko koya ki Lipina.

Josua 10:35

a ra sa kaba e na siga ko ya, ka samuta e nai seleiwau, ia na tamata kecega sa tiko kina sa vakamatea sara ko koya e na siga ko ya, me vaka na ka kecega ka kitaka ko koya ki Lakisi.

Josua 10:37

a ra sa kaba, ka samuta e nai seleiwau, kei na kena tui, kei na kena veikoro kece, kei na tamata kecega sa tiko kina; sa sega ni laiva ko koya e dua me vo tu kina; a sa vakarusa sara, kei na tamata kecega sa tiko kina, me vaka na ka kece ka kitaka ko koya ki Ekiloni.

Josua 11:13

Ia na veikoro sa tu e na nodra vanua cecere, sa sega ni vakama e dua ko ira na Isireli, ko Asori duaduaga, sa vakama ko Josua.

Josua 11:15

Me vaka ka vakarota vei Mosese na nonai talatala ko Jiova, ka vakaroti Josua vakakina ko Mosese; ia sa kitaka vakakina ko Josua; sa sega ni biuta e dua na ka e na ka kecega ka vakarota vei Mosese ko Jiova.

Josua 13:6

A lewe ni ulu-ni-vanua kecega mai Lepanoni ka yaco ki Misirifoci-meimi, kei na kai Saitoni kecega, ka'u na vakasevi ira yani e matadra na Isireli: ia mo qai vota ga vei ira na Isireli e na vakawiri madigi, me ra taukena, me vaka ka'u sa vakarota vei iko.

Josua 21:44

A sa vakacegui ira ko Jiova, e na yasana kecega, me vaka na ka kecega ka bubului kina vei ira na nodra qase; a sa sega ni dua na tamata vei ira kecega na nodra meca me vorati ira rawa; sa solia na nodra meca kecega ki na ligadra ko Jiova.

Josua 8:31

me vaka ka vakaroti ira na Isireli ko Mosese nai talatala i Jiova, me vaka sa volai e nai vola ni vunau i Mosese, nai cabocabo-ni-soro sa caka e na vatu sa sega ni ta, ni sa sega ni ta e na kaukamea; a ra sa cabora kina eso nai soro kama vei Jiova, ka vakamatea eso nai madrali ni veivinakati.

Josua 8:8

Ia ni kemuni sa rawata na koro, mo ni qai vakama na koro: me vaka na vosa i Jiova mo ni kitaka vakakina. Raica, au sa vakarota vei kemuni.

Josua 9:24

A ratou sa vosa vei Josua, ka kaya, Sa tukuni vakaidina vei keimami na nomu tamata na ka ka vakarota ko Jiova na nomu Kalou vei Mosese na nonai talatala, me solia vei kemudou na vanua taucoko, ka me vakamatea kecega na lewe ni vanua e na matamudou, keimami a qai rere vakalevu kina e na vukumudou de keimami mate, ka keimami a kitaka na ka oqo.