Josua 10:4 - Vakavakadewa Makawa

⁴ Dou lako cake mai vei au, ka vukei au, me da samuti Kipioni, ni sa veisaututaki kei Josua kei ira na Isireli.

Ai Vola Tabu (Vakadewa Makawa Vakavoutaki 2021)

⁴ “Dou lako cake mai vei au, ka vukei au, me da samuti Kipioni, ni ra sa veisaututaki kei Josua kei ira na Isireli.”

AI VOLA TABU

⁴ Dou lako cake mai vei au, ka vukei au, me da mokuti Kipioni, e na vuku ni sa sauvinaka ko ya kei Josua kei ira na luve i Isireli.

Vakavakadewa Vou kei na iVola tale eso

⁴ “Mo ni lako mai vei au me da mai valuti Kipioni vata, baleta ni ra sa cakava e dua na veiyalayalati ni veisaututaki o ira na kena tamata vata kei Josua kei ira na Isireli.”

Ai Vola Tabu Ena Vakavakadewa Vou

⁴ “Mo ni lako mai vei au me da mai valuti Kipioni vata, baleta ni ra sa cakava e dua na veiyalayalati ni veisaututaki o ira na kena tamata vata kei Josua kei ira na Isireli.”

Josua 10:4 Iomraidhean Croise

Maciu 16:24

Sa qai kaya vei ira na nona tisaipeli ko Jisu, Kevaka e dua sa via muri au, me kakua ni muria na lomana, ia me colata na nona kauveilatai, ka muri au.

Joni 15:19

Kevaka dou sa vakavuravura, ena lomana na kai nona ko vuravura; ia ni dou sa sega ni vakavuravura, ka niu sa digitaki kemudou mai vuravura, sai koya oqo sa cati kemudou kina ko vuravura.

Cakacaka 21:28

a ra sa qoqolou, Oi kemudou na Isireli, dou veivuke mai: ko koya oqo na tamata sa dauvakavulici ira na tamata kece, e na veiyasana kecega, me ra cati ira na kai noda, kei na vunau, kei na tikina oqo: a sa kauta talega eso era sa matanitu tani ki na vale ni soro, a sa vakadukadukalitaka na tikina tabu oqo.

2 Timoci 3:12

Io, ko ira kecega era na via lotu dina vei Karisito Jisu, era na vakacacataki.

Jemesa 4:4

Oi kemudou na dauyalewa kei na dautagane, dou sa sega beka ni kila, ni sa veicati kei na Kalou na veivinakati kei vuravura? ia sa veimecaki kei na Kalou ko koya sa via veiwekani kei vuravura.

Josua 10:1

Ia ni sa rogoca ko Etoni-seteki na tui Jerusalemi ni sa kabai Ai ko Josua, a sa vaqeavutaka; (me vaka ka kitaka ko koya ki Jeriko kei na kena tui, sa kitaka vakakina ki Ai kei na kena tui;) ka ra sa veisaututaki ko ira na kai Kipioni kei ira na Isireli, ka ra tiko vata;

Josua 10:5

A ratou sa soqoni vata ko iratou limalima na nodra tui na Amoraiti, ko tui Jerusalemi, ko tui Epironi, ko tui Jarimoce, ko tui Lakisi, kei tui Ekiloni, a ra sa lako cake, ko iratou kei na nodratou i valu kecega, ka la'ki tiko me donui Kipioni, ka veivala kaya.

Josua 9:15

A sa kaya ko Josua me ra sautu tiko kei iratou, ka ia na veiyalayalati kei iratou, me ra bula: a sa bubului vei iratou ko ira na nodra turaga nai soqosoqo.

1 Pita 4:4

a ra sa kurabui ni dou sa sega ni gu vata kei ira ki nai valavala sa velavela uasivi era sa vosavakacacataki kemudou kina,

Vakatakila 16:14

Ni ratou sa yalo ni tevoro ko iratou, eratou sa kitaka na cakacaka mana, a ratou sa lako yani vei ira na tui ni veivanua kei vuravura taucoko, me vakasoqoni ira vata ki nai valu ni siga dina ko ya ni Kalou Kaukauwa.