Josua 10:11 - Vakavakadewa Makawa

¹¹ Ia ni ra sa dro tiko e matadra na Isireli, e na sala sa lako sobu ki Pece-oroni, ka yaco ki Aseka, sa vakatauca tiko vei ira ko Jiova na vatu lelevu mai lomalagi, a ra sa mate kina: era sa lewe levu ka mate e na veivatu ni uca-cevata, a ra lewe lailai era vakamatea na Isireli e nai seleiwau.

Ai Vola Tabu (Vakadewa Makawa Vakavoutaki 2021)

¹¹ Ia ni ra sa dro tiko e matadra na Isireli, e na sala sa lako sobu ki Peci-oroni, ka yaco ki Aseka, sa vakatauca tiko vei ira ko Jiova na vatu lelevu mai lomalagi, a ra sa mate kina. Era sa lewe levu ka mate e na veivatu ni uca-cevata ka ra lewe lailai era vakamatea na Isireli e nai seleiwau.

AI VOLA TABU

¹¹ Ia ni ra sa dro tiko e na matadra na Isireli, e na sala sa lako sobu ki Peci-oroni, ka yaco ki Aseka, sa vakatauca tiko vei ira ko Jiova e so na vatu lelevu mai lomalagi, a ra sa mate kina: era sa lewe levu ka mate e na veivatu ni uca-cevata, a ra lewe lailai era vakamatea na luve i Isireli e nai seleiwau.

Vakavakadewa Vou kei na iVola tale eso

¹¹ Ia ni ra sa dro tiko mai vei ira na mataivalu ni Isireli ki na qakilo ni ulunivanua e Peci Oroni, sa qai vakatauca o Jiova me lutuki ira na vatu lelevu mai lagi, me yaco sara ki Aseka. Era lewe levu cake na meca era sa mate ena uca vatu lelevu, ka lailai e mate ena ligadra na Isireli.

Ai Vola Tabu Ena Vakavakadewa Vou

¹¹ Ia ni ra sa dro tiko mai vei ira na mataivalu ni Isireli ki na qakilo ni ulunivanua e Peci Oroni, sa qai vakatauca ko Jiova me lutuki ira na vatu lelevu mai lagi, me yaco sara ki Aseka. Era lewe levu cake na meca era sa mate ena uca vatu lelevu, ka lailai e mate ena ligadra na Isireli.

Josua 10:11 Iomraidhean Croise

Vakatekivu 19:24

Sa qai vakatauca ko Jiova na sulifure kei na bukawaqa maivei Jiova mai lomalagi, ki na dela i Sotoma kei Komora;

2 Samuela 18:8

ni sa veiseyaki nai valu e na vanua taucoko ko ya; a ra sa lewe vuqa sa mate e na veikau e na siga ko ya, a ra sa lewe lailai sa mate e nai seleiwau.

Jope 38:22

Ko sa curuma beka na lololo ni uca-vulavula? Se ko sa raica na lololo ni uca-cevata,

Jope 38:23

Ka'u sa maroroya ki na gauna ni rarawa, Ki na siga ni tuvai valu kei nai valu?

NA SAME 11:6

Ena vakatauca nai cori vei ira na tamata i valavala ca ko koya; Na bukawaqa kei na sulifure, kei na cava rerevaki sa kedrai votavota e na medra bilo.

NA SAME 147:17

Sa vakatauca na wai cevata me vaka na meme ni kakana: O cei sa vosota rawa na nona liliwa?

Aisea 28:2

Raica, sa le dua vei Jiova sa qaqa ka kaukauwa, ka sa vaka na uca cevata e tau bi, kei na cava sa dauveivakarusai, ka sa vaka na dobui sa vuabale, sai koya ena biuta vakaukauwa ki na qele na ligana.

Aisea 28:21

Ni na tu cake ko Jiova me vaka na nona tu mai na ulu-ni-vanua ko Pirasimi, ena cudru ko koya me vaka e na buca i Kipioni, me kitaka na nona cakacaka, na nona cakacaka sa dua tani; ka vakayacora na nonai valavala, na nonai valavala sa dua tani.

Aisea 30:30

Ia ena vakarogoya ko Jiova na domona vakaturaga, ena vakarairaitaka ko koya na ligana ni sa tau mai, e na cudru waqawaqa, kei na yameyame ni bukawaqa sa kata voli e na veiseyaki, kei na cava, kei na uca-cevata.

Isikeli 13:11

Mo kaya vei ira era sa boroya e nai boro ca, Ena bale ga: ena tau bi mai na uca; ia koi kemudou, na uca-cevata ka mata lelevu, dou na tau mai, ka dua na cava levu ena basuraka.

Vakarua 20:4

ni sa lako vata kei kemuni ko Jiova na nomuni Kalou, me veivala kei ira na nomuni meca ka totaki kemuni, ka me vakabulai kemuni.

Vakatakila 11:19

A sa dola na vale-ni-lotu ni Kalou mai lomalagi, a sa rairai e na nona vale na kato ni vola ni veiyalayalati: a sa qai muri na livaliva, kei na vosa, kei na kurukuru, kei na tavuki ni vanua, kei na uca-cevata levu.

Vakatakila 16:21

A sa lutuki ira na tamata na uca-cevata levu mai lomalagi, a kena bibi e dua na taledi: a ra sa vosavakacacataka na Kalou ko ira na tamata e na vuku ni mate ca ni uca-cevata; ni sa ka levu sara na mate ca oqo.

Dauveilewai 5:20

Era sa vala ko ira mai lomalagi; Era sa veivala kei Sisira na kalokalo e na nodra lako tu e na nodra gaunisala.