Josua 1:9 - Vakavakadewa Makawa

⁹ Au sa sega li ni vakaroti iko kina? mo kaukauwa ka qaqa; mo kakua ni rere, se yalolailai: ni sa tiko vata kei iko ko Jiova na nomu Kalou e na veiyasana kecega ko sa lako kina.

Ai Vola Tabu (Vakadewa Makawa Vakavoutaki 2021)

⁹ Au sa sega li ni vakaroti iko kina? Mo kaukauwa ka yaloqaqa; mo kakua ni rere, se yalolailai, ni sa tiko vata kei iko ko Jiova na nomu Kalou e na veivanua kecega ko sa lako kina.”

AI VOLA TABU

⁹ Au sa vunauci iko oti, ne? mo kaukauwa ka qaqa; mo kakua ni rere, se yalolailai: ni sa tiko kei iko ko Jiova na nomu Kalou e na yasana kecega ko lako kina.

Vakavakadewa Vou kei na iVola tale eso

⁹ Mo nanuma na noqu i vakaro, ‘Mo kaukauwa ka qaqa!’ Mo kakua ni rere se yalolailai, ni na tiko vata kei iko o Jiova na nomu Kalou ena vanua kecega o na lako kina.”

Ai Vola Tabu Ena Vakavakadewa Vou

⁹ Mo nanuma na noqu i vakaro, ‘Mo kaukauwa ka qaqa!’ Mo kakua ni rere se yalolailai, ni na tiko vata kei iko ko Jiova na nomu Kalou ena vanua kecega o na lako kina.”

Josua 1:9 Iomraidhean Croise

Vakatekivu 28:15

Ka, raica, ka'u na tiko vata kei iko, ka vakabulai iko e na nomu i lakolako kecega, au na vakalesui iko talega ki na vanua oqo; ni'u na sega ni biuti iko, ka me'u cakava mada vei iko na ka ka'u a vosa kina vei iko.

Vakatekivu 39:2

A sa tiko kei Josefa ko Jiova, a sa tamata yaco ko koya; a sa tiko e na vale ni nona turaga na kai Ijipita.

Vakatekivu 39:3

A sa raica na nona turaga ni sa tiko vata kaya ko Jiova, ka vakayacora ko Jiova na ka kecega sa cakava ko koya:

2 Samuela 13:28

A sa vakarota ko Apisalomi vei ira na nona cauravou, ka kaya, Dou raica mada ni sa marau na yalo i Aminoni e na waini, ka ni'u sa kaya vei kemudou, Dou mokuti Aminoni, dou qai vakamatei koya, kakua ni rere: ni'u sa vakarota vei kemudou: mo dou yalo doudou, ka qaqa.

1 Veigauna 28:20

A sa kaya kivei Solomoni na luvena ko Tevita, Mo kaukauwa ga ka yalodoudou, ka kitaka: kakua ni rere, se taqaya: ni na tiko vata kei iko ko Jiova na Kalou, na noqu Kalou, ena sega ni weletaki iko ko koya, se biuti iko, mo vakaotia mada na kena ka kecega sa yaga e na cakacaka ni nona vale ko Jiova.

2 Veigauna 15:7

Ia mo ni kaukauwa ga, ia me kakua ni malumalumu na ligamuni, ni na saumi na nomuni cakacaka.

NA SAME 46:7

Sa tiko vata kei keda ko Jiova ni lewe vuqa; A nodai drodro na Kalou i Jekope. Sela.

Aisea 41:10

kakua ni ko rere; ni'u sa tiko vata kei iko: kakua ni ko taqaya; ni'u sa nomu Kalou: ka'u na vakaukauwataki iko; io, ka'u na vukei iko; io, ka'u na tokoni iko e na ligaqu i matau sa daudina.

Aisea 43:1

Ia oqo sa qai vaka ko Jiova, ko koya ka cakavi iko, Jekope, ka buli iko, Isireli: Kakua ni ko rere; ni'u a voli iko, au a kacivi iko e na yacamu: ko sa noqu.

Aisea 43:5

Kakua ni ko rere, ni'u sa tiko vata kei iko: au na kauti ira na nomu kawa mai na tu-i-cake, ka'u na vakasoqoni ira na kai nomu mai ra talega:

Aisea 8:12

Dou kakua ni kaya sa dua na vere e na vuku ni ka kece era sa kaya kina na tamata oqo sa dua na vere; dou kakua talega ni rerevaka na ka era rerevaka, kakua talega ni kidroa kina.

Taniela 10:19

ka kaya, O iko, na tamata daulomani, kakua ni ko rere: mo vakacegu, mo kaukauwa ga, io, mo kaukauwa ga mai. Ia ni sa vosa oti vei au ko koya, ka'u sa qai kaukauwa mai ka kaya, Mo ni vosa tiko mai, na noqu turaga; ni kemuni sa vakaukauwataki au.

Akeai 2:4

Ia mo gumatua mada ga Serupapeli, sa kaya ko Jiova; mo gumatua talega, Josua na luve i Jiosataki, na bete levu; mo dou gumatua kece talega, na lewe ni vanua, sa kaya ko Jiova, ia dou ia na cakacaka, ni'u sa tiko vata kei kemudou, sa kaya ko Jiova ni lewe vuqa.

Akeai 2:5

Me vaka na noqu vosa ni veiyalayalati kei kemudou, ni dou a lako mai Ijipita, sa tiko ga kei kemudou na Yaloqu: dou kakua ni rere.

Cakacaka 4:19

Sa qai vosa ko Pita kei Joni, a rau sa kaya vei ira, Mo ni lewa ga se sa dodonu se segai e na mata ni Kalou me keirau vakarorogo vei kemuni ka kua vua na Kalou:

Vakarua 1:21

raica, sa solia e matamuni na vanua ko Jiova na nomuni Kalou: mo ni lako cake mo ni taukena, me vaka na vosa i Jiova na Kalou ni nomuni qase vei kemuni; mo ni kakua ni rere, se yalolailai.

Vakarua 20:1

Ni kemuni sa lako yani me vala kei ira na nomuni meca, ka sa raica na ose kei na qiqi-ni-valu, kei na tamata era lewe vuqa, ka lewe lailai ko kemuni, mo ni kakua ni rerevaki ira: ni sa tiko vata kei kemuni ko Jiova na nomuni Kalou, o koya ka kauti kemuni cake mai na vanua ko Ijipita.

Vakarua 31:23

A sa vakaroti Josua na luve i Nuni, ka kaya, Mo kaukauwa ka qaqa: ni ko na kauti ira na Isireli ki na vanua ka'u a bubului kina vei ira: ia ka'u na tiko vata kei iko.

Vakarua 31:28

Ni vakasoqoni ira vata vei au na qase kecega ni nomuni veimataqali, kei ira na nomuni turaga lalai, me'u tukuna e daligadra na vosa oqo, ka cavuti lomalagi kei vuravura me kilai ira ni ra sa ca.

Josua 1:10

Ia ko Josua, sa qai vakaroti ira na nodra turaga lalai na tamata, ka kaya,

Josua 1:17

Me vaka keimami a vakarorogo vei Mosese e na ka kecega, keimami na vakarorogo vakakina vei iko: ia me tiko vata ga kei iko ko Jiova na nomu Kalou, me vaka sa tiko vata kei Mosese ko koya:

Josua 1:18

Ena vakamatei na tamata vakaaduaga sa talaidredre ki na nomu vunau, ka sega ni vakarorogo ki na nomu vosa e na ka kece ko sa vakaroti koya kina: ia mo kaukauwa ga ka yalodei.

Josua 10:25

A sa kaya vei ira ko Josua, Dou kakua ni rere, se yalolailai, dou kaukauwa ka qaqa: ni na cakava vakaoqo ko Jiova vei ira na nomudou meca kecega dou na veivala kei ira.

Josua 10:8

A sa kaya vei Josua ko Jiova, Mo kakua ni rerevaki ira; ni'u sa soli ira ki na ligamu; ena sega e dua vei ira me tu rawa e matamu.

Josua 3:7

A sa kaya vei Josua ko Jiova, Au na vakatekivu me'u vakalevulevui iko e na siga oqo e na matadra na Isireli kecega, me ra kila ni'u na tiko vata kei iko me vaka ka'u a tiko vata kei Mosese.

Josua 6:27

A sa tiko kei Josua ko Jiova, a sa kuruseta na vanua taucoko na kenai rogorogo.

Josua 8:1

A sa kaya vei Josua ko Jiova, Mo kakua ni rere, se yalolailai: mo kauti ira na tamata i valu kecega, ka cavu tu, mo lako cake ki Ai: raica, au sa soli tui Ai ki na ligamu, kei ira na nona tamata, kei na nona koro, kei na nona vanua:

Dauveilewai 6:14

A sa gole vua ko Jiova, ka kaya, Mo lako e na nomu kaukauwa oqo, ia ko na vakabulai ira na Isireli mai na ligadra na kai Mitiani: au sa sega li ni talai iko?

1 Samuela 10:7

Ia ni na yacovi kemuni na veivakatakilakila oqo, mo ni kitaka na ka sa tu me caka; ni sa tiko vata kei kemuni na Kalou.