Josua 1:5 - Vakavakadewa Makawa

⁵ Ena sega e dua me vorati iko rawa e na veisiga kecega ko na bula kina: au na tiko vata kei iko, me vaka ka'u a tiko vata kei Mosese: au na sega ni weletaki iko, se biuti iko.

Ai Vola Tabu (Vakadewa Makawa Vakavoutaki 2021)

⁵ Ena sega e dua me vorati iko rawa e na veisiga kecega ko na bula kina. Au na tiko vata kei iko, me vaka ka'u a tiko vata kei Mosese; au na sega ni weletaki iko, se biuti iko.

AI VOLA TABU

⁵ Ena sega e dua me tu rawa e matamu e na veisiga kecega ko na bula kina: au na tiko kei iko, me vaka kaʼu a tiko kei Mosese: au na sega ni gu ca vei iko, se biuti iko.

Vakavakadewa Vou kei na iVola tale eso

⁵ I Josua, ena sega ni rawa vua e dua me vakadrukai iko ena veisiga kecega o bula kina. Au na tiko ga kei iko me vaka au a dau tiko kei Mosese ka'u na sega ni laivi iko.

Ai Vola Tabu Ena Vakavakadewa Vou

⁵ I Josua, ena sega ni rawa vua e dua me vakadrukai iko ena veisiga kecega o bula kina. Au na tiko ga kei iko me vaka au a dau tiko kei Mosese ka'u na sega ni laivi iko.

Josua 1:5 Iomraidhean Croise

Vakatekivu 39:2

A sa tiko kei Josefa ko Jiova, a sa tamata yaco ko koya; a sa tiko e na vale ni nona turaga na kai Ijipita.

1 Tui 1:37

me vaka ka tiko ko Jiova kei na noqu turaga na tui, me tiko vakakina ko koya kei Solomoni, ka cakava me uasivi cake na nonai tikotiko vakaturaga e na nonai tikotiko vakaturaga na noqu turaga ko Tevita na tui.

1 Tui 11:38

Ia kevaka ko na vakarorogo ki na ka kecega ka'u na vakarota vei iko, ka muria na noqu sala, ka cakava na ka e dodonu vei au, mo vakabauta na noqu i lesilesi kei na noqu i vakaro, me vaka ka cakava na noqu i talatala ko Tevita; au na qai tiko vata kei iko, ka tara vei iko na vale dei, me vaka ka'u a tara vei Tevita, ka soli ira na Isireli vei iko.

1 Tui 6:13

ia ka'u na tiko ga e na kedra maliwa na Isireli, ka sega ni biuti ira na noqu tamata na Isireli.

1 Tui 8:57

Me tiko vata ga kei keda ko Jiova na noda Kalou, me vaka sa tiko vata kei ira na noda qase: me kakua ni biuti keda, se lako tani vei keda:

1 Veigauna 28:20

A sa kaya kivei Solomoni na luvena ko Tevita, Mo kaukauwa ga ka yalodoudou, ka kitaka: kakua ni rere, se taqaya: ni na tiko vata kei iko ko Jiova na Kalou, na noqu Kalou, ena sega ni weletaki iko ko koya, se biuti iko, mo vakaotia mada na kena ka kecega sa yaga e na cakacaka ni nona vale ko Jiova.

NA SAME 46:11

Sa tiko vata kei keda ko Jiova ni lewe vuqa; A nodai drodro na Kalou i Jekope. Sela.

Lako Yani 3:12

A sa kaya ko koya, Au na tiko vakaidina kei iko: ia oqo sa kenai vakatakilakila vei iko, ni'u sa talai iko: Ni ko sa kauti ira tani na tamata mai Ijipita, dou na qarava na Kalou e na ulu-ni-vanua oqo.

Aisea 42:16

ka'u na tuberi ira na mataboko e na sala era sa lecava; ka'u na kauti ira e nai lakolako era sa sega ni kila: ka'u na vakararamataka na butobuto e matadra, ka vakadodonutaka na ka sa takelo. Na ka oqo ka'u na cakava vei ira, ka sega ni biuti ira.

Jeremaia 1:8

Mo kakua ni rerevaka na matadra: ni'u sa tiko vata kei iko koi au, me'u vakabulai iko, sa kaya ko Jiova.

Taniela 11:16

Ia ko koya sa mai vala kaya ena vakayacora na lomana, ena sega talega e dua me tu rawa e matana: ena mai tiko talega ko koya e na vanua matalau, o koya ena vakarusai e na ligana.

Maciu 28:20

vakavulici ira me ra vakabauta na ka kece kau a vosa kina vei kemudou: ka mo dou kila, au sa tiko vata kei kemudou e na veisiga kecega, ka yacova nai vakataotioti kei vuravura. Emeni.

Roma 8:31

A cava me da qai kaya e na veika oqo? Kevaka sa totaki keda na Kalou, o cei me noda meca?

Roma 8:37

E segai, e na ka kecega oqo eda sa gumatua sara kina, e na vuku i koya sa lomani keda.

Vakarua 20:1

Ni kemuni sa lako yani me vala kei ira na nomuni meca, ka sa raica na ose kei na qiqi-ni-valu, kei na tamata era lewe vuqa, ka lewe lailai ko kemuni, mo ni kakua ni rerevaki ira: ni sa tiko vata kei kemuni ko Jiova na nomuni Kalou, o koya ka kauti kemuni cake mai na vanua ko Ijipita.

Vakarua 20:4

ni sa lako vata kei kemuni ko Jiova na nomuni Kalou, me veivala kei ira na nomuni meca ka totaki kemuni, ka me vakabulai kemuni.

Vakarua 31:23

A sa vakaroti Josua na luve i Nuni, ka kaya, Mo kaukauwa ka qaqa: ni ko na kauti ira na Isireli ki na vanua ka'u a bubului kina vei ira: ia ka'u na tiko vata kei iko.

Vakarua 4:31

(ni sa Kalou yalololoma ko Jiova na nomuni Kalou;) ena sega ni weletaki kemuni, se vakarusai kemuni, se guilecava na veiyalayalati kei ira na nomuni qase sa bubului kina vei ira ko koya.

Vakarua 7:24

Ia ena soli ira na nodra tui ki na ligamuni, ia kemuni na bokoca na yacadra e ruku i lomalagi: sa na sega na tamata me tu rawa e matamuni, ko ni na vakarusai ira sara ga.

2 Timoci 4:17

Ia sa tu vata kei au na Turaga, a sa vakaukauwataki au; me kilai sara e na vukuqu na ka sa vunautaki, me ra rogoca talega na veimatanitu kecega; ia kau a vakabulai mai na gusu ni laioni.

Iperiu 13:5

Mo dou kakua ni daukocova nai lavo: ia dou lomavinaka e na ka sa tu vei kemudou: ni sa kaya ko koya, Au na sega sara ni biuti iko, se vakalaivi iko.

Josua 1:17

Me vaka keimami a vakarorogo vei Mosese e na ka kecega, keimami na vakarorogo vakakina vei iko: ia me tiko vata ga kei iko ko Jiova na nomu Kalou, me vaka sa tiko vata kei Mosese ko koya:

Josua 1:9

Au sa sega li ni vakaroti iko kina? mo kaukauwa ka qaqa; mo kakua ni rere, se yalolailai: ni sa tiko vata kei iko ko Jiova na nomu Kalou e na veiyasana kecega ko sa lako kina.

Josua 10:8

A sa kaya vei Josua ko Jiova, Mo kakua ni rerevaki ira; ni'u sa soli ira ki na ligamu; ena sega e dua vei ira me tu rawa e matamu.

Josua 21:44

A sa vakacegui ira ko Jiova, e na yasana kecega, me vaka na ka kecega ka bubului kina vei ira na nodra qase; a sa sega ni dua na tamata vei ira kecega na nodra meca me vorati ira rawa; sa solia na nodra meca kecega ki na ligadra ko Jiova.

Josua 3:7

A sa kaya vei Josua ko Jiova, Au na vakatekivu me'u vakalevulevui iko e na siga oqo e na matadra na Isireli kecega, me ra kila ni'u na tiko vata kei iko me vaka ka'u a tiko vata kei Mosese.

Josua 6:27

A sa tiko kei Josua ko Jiova, a sa kuruseta na vanua taucoko na kenai rogorogo.

Dauveilewai 2:18

Ia ni sa vakatubura vei ira ko Jiova eso na dauveilewai, sa tiko vata kaya na dauveilewai ko Jiova, ka sa vakabulai ira mai na ligadra na nodra meca e na gauna kecega ni dauveilewai: ni sa veivutuni ko Jiova e na vuku ni nodra vuturi e na matadra era dauvakacacani ira ka dauvakararawataki ira.

Dauveilewai 6:16

A sa kaya vua ko Jiova, Au na tiko vakaidina kei iko, ia ko na mokuti ira na kai Mitiani me vaka era le dua bauga na tamata.

1 Samuela 10:7

Ia ni na yacovi kemuni na veivakatakilakila oqo, mo ni kitaka na ka sa tu me caka; ni sa tiko vata kei kemuni na Kalou.