Jope 2:3 - Vakavakadewa Makawa

³ Ka sa kaya vei Setani ko Jiova, Ko sa vakanananu beka ki na noqu tamata ko Jope, ni sa sega e dua e tautauvata kaya e vuravura, a tamata yalododonu ka daucaka dodonu, a sa rerevaka na Kalou, ka sega ni torova na ca? ia ko a mai vakauqeti au me'u vakarusai koya walega, ia sa taura matua tikoga ko koya na nona yalododonu.

Ai Vola Tabu (Vakadewa Makawa Vakavoutaki 2021)

³ Ka sa kaya vei Setani ko Jiova, “Ko bau vakananuma li na noqu tamata ko Jope, ni sa sega e dua e tautauvata kaya e vuravura, a tamata yalododonu ka daucaka dodonu, a sa rerevaka na Kalou, ka sega ni torova na ca? Ia ko a mai vakauqeti au me'u vakarusai koya walega, ia sa taura matua tikoga ko koya na nona yalododonu.”

AI VOLA TABU

³ A sa kaya vei Setani ko Jiova, O sa sega beka ni vakanananu ki na noqu tamata ko Jope, ni sa sega e tautauvata kaya e vuravura, a tamata yalododonu ka daucaka dodonu, a sa rerevaka na Kalou, ka tawa torova na ca? ia ko sa kitaki au meʼu vakarusai koya walega, a sa taura matua tikoga ko koya na nona yalododonu.

Vakavakadewa Vou kei na iVola tale eso

³ A qai taroga o Jiova, ka kaya, O sa bau kilai Jope tiko li na noqu tamata, se sega? E sega sara ni dua na tamata yalo dina ka vinaka sa tiko e vuravura me tautauvata kei koya. Sa qaravi au tiko o koya, ka sa dau qarauna vakavinaka sara me kakua ni cakava e dua na ka ca. A dei tu na nona vakabauta, e dina ga ni'u a vakadonuya na nomu sasaga mo la'ki vakacacani koya ka sega na vuna.

Ai Vola Tabu Ena Vakavakadewa Vou

³ A qai taroga ko Jiova, ka kaya, O sa bau kilai Jope tiko li na noqu tamata, se sega? E sega sara ni dua na tamata yalo dina ka vinaka sa tiko e vuravura me tautauvata kei koya. Sa qaravi au tiko o koya, ka sa dau qarauna vakavinaka sara me kakua ni cakava e dua na ka ca. A dei tu na nona vakabauta, e dina ga ni'u a vakadonuya na nomu sasaga mo la'ki vakacacani koya ka sega na vuna.

Jope 2:3 Iomraidhean Croise

Vakatekivu 6:9

Oqo nai tukutuku kei Noa: a tamata yalododonu ko Noa, ka sega ni cala e na nonai tabatamata, a rau a daulako vata kei na Kalou ko Noa.

2 Samuela 20:20

A sa vosa ko Joapi, ka kaya, Me yawa sara, me yawa sara vei au, me'u tiloma se vakarusa.

Jope 1:1

Sa dua na tamata mai na vanua ko Usi, na yacana ko Jope; ia na tamata ko ya sa yalododonu ka daucaka dodonu, a sa rerevaka tiko na Kalou, ka sega ni torova na ca.

Jope 1:11

Ia mo dodoka mada na ligamuni, ka tara na nona ka kecega, ena qai vosavakacacataki kemuni ki matamuni.

Jope 1:6

Ia sa dua na siga era sa lako mai kina na luve ni Kalou me vakaraitaki ira e na mata i Jiova, a sa lako talega mai kei ira ko Setani.

Jope 1:8

Ka sa kaya vei Setani ko Jiova, Ko sa vakanananu beka vua na noqu tamata ko Jope, ni sa sega e dua e tautauvata kaya e vuravura, a tamata yalododonu ka daucaka dodonu, ka sa rerevaka na Kalou, ka sega ni torova na ca?

Jope 13:15

Kevaka sa vakamatei au ko koya, ka'u na vakararavi ga vua: Ia na noqu i valavala ka'u na vakadinadinataka e matana.

Jope 2:2

Ka sa kaya vei Setani ko Jiova, Ko sa lako maivei? A sa vosa vei Jiova ko Setani, ka kaya, Au sa veilakoyaki tu e vuravura, ka gade voli kina.

Jope 2:4

Ka sa vosa vei Jiova ko Setani, ka kaya, nai sau ni kulina na kulina, ia na nona ka kecega ena solia na tamata me bula kina.

Jope 9:17

Ni sa vorolaki au ko koya e na cava, Ka sa vakamavoataki au vakalevu wale.

Jope 9:20

Kevaka ka'u sa vakadonui au, ena vakacalai au na gusuqu: Kevaka ka'u sa kaya ka'u sa sega ni cala, ena vakatakilai au ni'u sa yalovakatani.

NA SAME 26:1

I Jiova, mo ni lewai au; ni'u a muria lako na noqu yalododonu: Au a vakararavi talega vei Jiova; ka'u na sega ni tidara.

NA SAME 37:37

Vakasamataka na tamata yalododonu, ka raica na daucaka dodonu: Ni sa kenai otioti ni tamata ko ya na vakacegu.

NA SAME 41:12

Ia koi au, ko ni sa vakataudeitaki au e na noqu yalododonu, Ka vakataudeitaki au e matamuni ka sega ni mudu.

Vosavakaibalebale 11:8

Sa dauvakabulai mai na ka rarawa na yalododonu, Ka sa yaco na tamata ca me kenai sosomi.

Vosavakaibalebale 13:6

A nonai valavala dodonu na tamata dodonu sa maroroi koya e na sala: Ia na nona caka ca na tamata ca sa vukici koya.

Vosavakaibalebale 14:2

O koya sa muria tiko na nona yalododonu sa rerevaki Jiova: Ia ko koya sa veve na nonai valavala sa beci koya.

Vosavakaibalebale 15:8

Sa ka vakasisila vei Jiova na nodra i soro nai valavala ca: Ia na nodra masu na yalododonu sa vinakata ko koya.

Vosavakaibalebale 16:17

Sa nona salatu na yalododonu me lako tani mai na ca: Sa maroroya na yalona ko koya sa raica vinaka na nona sala.

Joni 9:3

Sa kaya ko Jisu, Sa sega ni valavala ca ko koya oqo, se tamana kei tinana, me vakatakilai ga na cakacaka ni Kalou e na vukuna.

Filipai 3:12

Au sa sega ni vaka kau sa rawata kece, seu yaco sara yani: ia kau sa muria tikoga, meu taura dina na ka ka tauri au kina ko Jisu Karisito.

Jemesa 1:12

Sa kalougata na tamata sa vosota ni sa vakatovolei, io, ni sa vakatovolei oti, ena rawata nai sala ni bula o koya sa yalataka na Turaga kivei ira sa lomani koya.

1 Pita 1:7

me sa kune kina na nomudou vakabauta ni sa vakatovolei, me talei vakalevu sara ka talei vakalailai na koula sa caca rawa ni sa vakatovolei e na bukawaqa, me ka ni vakavinavinaka, ka me dokai ka me vakacaucautaki, ni na rairai mai ko Jisu Karisito:

1 Pita 5:10

Ia na Kalou sa dauia na loloma kecega, o koya sa kacivi kemudou ki na nonai ukuuku tawa mudu e na vuku i Karisito Jisu, ni dou sa vakararawataki mada e na gauna eso, ena qai vakavinakataki kemudou sara, mo dou vakataudeitaki, mo dou vakaukauwataki.