Jona 1:3 - Vakavakadewa Makawa

³ Ia ka sa cavu tu ko Jona me dro ki Tasisi mai na mata i Jiova, ka sa lako sobu ki Jopa; ka sa kunea e dua na waqa sa vakarau ki Tasisi: ka sa solia na nonai vodovodo, ka la'ki vodoka, ka me soko vata kei ira ki Tasisi mai na mata i Jiova.

Ai Vola Tabu (Vakadewa Makawa Vakavoutaki 2021)

³ Ia sa qai cavu tu ko Jona me dro ki Tasisi mai na mata i Jiova, ka sa lako sobu ki Jopa. A sa kunea e dua na waqa sa vakarau ki Tasisi; ka sa solia na nona i vodovodo, ka la'ki vodoka, ka me soko vata kei ira ki Tasisi mai na mata i Jiova.

AI VOLA TABU

³ Ia ka sa tu cake ko Jona me dro ki Tarisisi mai na mata i Jiova, a sa lako sobu ki Yafa; a sa kunea e dua na waqa sa soko ki Tarisisi: a sa solia nai lavo me nona vodovodo, ka laʼki vodoka, ka me lako kei ira ki Tarisisi mai na mata i Jiova.

Vakavakadewa Vou kei na iVola tale eso

³ Ia sa qai muria o Jona na sala e veibasai me rawa ni dro tani kina mai vei Jiova. A sa lako sobu i Jopa ka kunea kina e dua na waqa e vakarau soko tiko ki Tasisi mai Sipeini. A la'ki sauma sara na nona i vodovodo ka vodo ki waqa vata kei ira na kai mua me soko yani ki Sipeini, me na tiko yawa sara mai vei Jiova.

Ai Vola Tabu Ena Vakavakadewa Vou

³ Ia sa qai muria o Jona na sala e veibasai me rawa ni dro tani kina mai vei Jiova. A sa lako sobu i Jopa ka kunea kina e dua na waqa e vakarau soko tiko ki Tasisi mai Sipeni. A la'ki sauma sara na nona i vodovodo ka vodo ki waqa vata kei ira na kai mua me soko yani ki Sipeni, me na tiko yawa sara mai vei Jiova.

Jona 1:3 Iomraidhean Croise

Vakatekivu 3:8

A rau a rogoca na domo ni Kalou ko Jiova ni sa lako voli e na were, ni sa mudremudre na siga: a rau sa vunitaki rau e loma ni veikau ni were, ko Atama kei na watina mai na mata ni Kalou ko Jiova.

Vakatekivu 4:16

A sa lako tani mai na mata i Jiova ko Keni, ka la'ki tiko ki na vanua ko Noti, vaka ki na tu-i-cake mai Iteni.

1 Tui 19:3

Ia ni sa rogoca ko koya, sa cavu tu, ka dro yani me bula, ka yaco ki Pieri-sepa, ka nei Juta, ka laiva maikea na nona cauravou.

1 Tui 19:9

A sa la'ki curuma e dua na qara vatu maikea, ka moce kina; ka raica, sa vosa vua ko Jiova, ka kaya vua, A cava ko sa tiko kina eke, Ilaija?

2 Veigauna 2:15

Ia oqo, na witi, kei na parile, na waiwai, kei na waini, sa cavuta ko koya na noqu turaga, e vinaka me kau mai vei keimami na nomu tamata;

2 Veigauna 2:16

ia keimami na ta kau mai Lepanoni, me rauta na ka ena yaga vei iko: ia keimami na waqabilibilitaka vei iko e na wasawasa ki Jopa; ia ena nomu i tavi mo kauta cake maikea ki Jerusalemi.

2 Veigauna 9:21

Ni sa lako ki Tasisi na nona waqa na tui, kei ira na tamata nei Airami: sa dautale vakadua mai e na veiyabaki tolu na veiwaqa ni Tasisi, ka usana mai na koula, kei na siliva, na tabua, ka so na geli, ka so na pikoki.

Esera 3:7

Era a solia talega nai lavo vei ira na matai ni vatu, kei ira na matai ni kau; kei na kakana, kei na medra, kei na waiwai, vei ira na kai Saitoni, kei ira na kai Taia, me ra kauta mai na vu ni sitari mai Lepanoni ki na wasawasa mai Jopa, me vaka na ka sa solia vei ira ko Sairusi na tui Perisia.

Jope 1:12

Ka sa kaya vei Setani ko Jiova, Raica, sa soli ki ligamu na nona ka kecega; ia mo kakua ni dodoka na ligamu mo tarai koya. A sa lako tani ko Setani mai na mata i Jiova.

Jope 2:7

Sa qai lako tani ko Setani mai na mata i Jiova, ka yaviti Jope e na vidikoso, mai na qeteqete ni yavana ka cavaraka na buradelana.

NA SAME 107:23

O ira era sa soko voli e na wasawasa e na waqa vanua, Ka kitaka na nodra cakacaka e na wai levu;

Aisea 2:16

kei na waqa kecega ni Tasisi, kei nai yaya kecega e dauvinakati.

Aisea 23:1

Na vosa ni parofisai bibi kei Taia. Dou qoqolou, na waqa ni Tasisi, ni sa vakalalataki; sa sega na vale, sa sega e dua me curu kina: sa tukuni vei ira mai na vanua ko Kitimi.

Aisea 23:10

Mo vuabale e nomu vanua me vaka na uciwai, ko iko na goneyalewa ni Tasisi; sa sega tale na kenai tarovi.

Aisea 23:6

Dou lako ki tai kadua ki Tasisi; dou qoqolou, na lewe ni yanuyanu.

Aisea 60:9

Era na waraki au ga na veiyanuyanu, ia na waqa ni Tasisi sa na liu, me kauti ira mai na luvemu mai na vanua vakayawa, na nodra siliva kei na nodra koula talega, ki na yaca i Jiova na nomu Kalou, me nei Koya na Yalosavasava ni Isireli, ni sa vakalagilagitaki iko.

Jeremaia 10:9

nai botani siliva sa kau mai Tasisi, kei na koula mai Ufasi, na cakacaka ni matai, kei na liga i koya na matai ni koula: na ka pelu ka lokaloka sa nodra i sulu: sa nodra cakacaka kecega na tamata vuku:

Isikeli 2:8

Ia ko iko, na luve ni tamata, mo rogoca na ka ka'u sa kaya vei iko; mo kakua ni talaidredre me vaka na mataqali dautalaidredre ko ya: mo dalaga, ka kania na ka ka'u sa solia vei iko.

Isikeli 27:12

O Tasisi, sa dauveivoli kei iko e na vuku ni kena levu ni yau kecega; na siliva, na aironi, na tini, kei na uma, era sa veivolitaka e na nomu rara ni veivoli.

Isikeli 3:14

Ia na yalo, sa laveti au cake, ka kauti au yani, ia ka'u sa lako ka rarawa tu ka katakata na yaloqu; ia na liga i Jiova sa tiko vakaukauwa ga vei au.

Jona 1:10

A ra sa qai rere vakalevu sara ko ira na tamata, ka ra kaya vua, A cava ko sa cakava kina na ka oqo? ni ra sa qai kila sa dro ko koya mai na mata i Jiova, ni sa tukuna oti vei ira.

Jona 4:2

A sa masu vei Jiova, ka kaya, Kemuni Jiova, sai koya ga oqo ka'u a kaya ni'u a tiko e na noqu vanua, se segai? sai koya talega oqo ka'u a dro vakatotolo kina ki Tasisi: ni'u a kila ko ni sa Kalou daulomasoli, ka yalololoma, ka cudru vakamalua, ka dauyalovinaka, ka sa dauveivutuni e na vuku ni ca.

Luke 9:62

A sa kaya vua ko Jisu, E sega e dua na tamata sa taura nai siviyara ka qai rai kimuri, me yaga e na matanitu ni Kalou.

Cakacaka 15:38

A sa sega ni vinakata ko Paula me rau kauti koya, ni sa biuti rau eliu mai Pamifilia ko koya, ka sega ni lako vata kei rau ki na cakacaka.

Cakacaka 26:19

Ia ni sa oti oqo, i Akaripa na tui, au sa sega ni talaidredre ki na raivotu vakalomalagi:

Cakacaka 9:36

A sa tiko mai Jopa e dua sa lotu ko Tapaica na yacana, a kenai balebale ko Tokasa: sa dauoga sara na yalewa oqo e na cakacaka vinaka, kei na cakacaka loloma sa kitaka tiko.

Cakacaka 9:38

Ia ni sa veivolekati ko Jopa kei Lita, ka ra sa rogoca ko ira sa lotu ni sa tiko kina ko Pita, era sa tala e lewe rua na tamata vei koya, me masuta me lako vakatotolo sara mai vei ira.

Cakacaka 9:42

A ka oqo sa kilai mai Jopa taucoko; a ra sa lewe vuqa sa vakabauta na Turaga.

Cakacaka 9:43

A sa tiko bogi vuqa ko koya mai Jopa kei Saimoni a matai ni kuli-ni-manumanu.

1 Korinica 9:16

Ia kevaka kau sa vunautaka nai tukutuku-vinaka, sa sega na ka meu dokai au kina: ni kau sa vakasaurarataki; io sa ca sara vei au, kevaka kau sa sega ni vunautaka nai tukutuku-vinaka!

2 Cesalonaika 1:9

sa nodra cudruvi na veivakarusai tawa mudu mai na mata ni Turaga, mai na nona kaukauwa vakaidina talega;

Josua 19:46

kei Me-jarikoni, kei Rakoni, kei nai yalayala e na mata i Jopa.