Jona 1:2 - Vakavakadewa Makawa

² Mo cavu tu, mo lako ki Ninive, na koro levu ko ya, ka vunauca; ni sa lako cake mai ki mataqu na nodra ca.

Ai Vola Tabu (Vakadewa Makawa Vakavoutaki 2021)

² “Mo cavu tu, mo lako ki Ninive, na koro levu ko ya, ka vunauca; ni sa lako cake mai ki mataqu na nodra ca.”

AI VOLA TABU

² Mo tu cake, mo lako ki Ninive, na koro levu ko ya, ka vunauca; ni sa lako cake mai ki mataqu na nodra ca.

Vakavakadewa Vou kei na iVola tale eso

² A sa kaya vua, “Mo lako ki na koro levu o Ninive ka la'ki vunauca; au sa rui kauwaitaka vakalevu na levu ni nodra i valavala ca na lewena.”

Ai Vola Tabu Ena Vakavakadewa Vou

² A sa kaya vua, “Mo lako ki na koro levu o Ninive ka la'ki vunauca; au sa rui kauwaitaka vakalevu na levu ni nodra i valavala ca na lewena.”

Jona 1:2 Iomraidhean Croise

Vakatekivu 10:11

Sa lako tani yani ko koya mai na vanua ko ya ki Asiria, a sa tara na koro ko Ninive, kei na koro ko Riopoci, kei Kela,

2 Tui 19:36

A sa lako tani ko Senakaripi na tui Asiria, ka la'ki lesu, ka tiko mai Ninive.

2 Veigauna 28:9

A sa tiko maikea e dua na parofita i Jiova, na yacana ko Oteti: a sa curu yani ko koya ka la'ki tavaki ira na mataivalu ka la'ki Samaria, ka kaya vei ira, Raica, ni sa cudru ko Jiova na Kalou ni nomuni qase vei ira na Juta, sa soli ira kina ki na ligamuni, ia ko ni sa mokuti ira e na cudru sa yala ki lomalagi.

Esera 9:6

ka kaya, Kemuni na noqu Kalou, au sa madua ka velavela ni'u tacake vei kemuni na noqu Kalou: ni sa tubu cake na neimami caka cala ka sa sivia na uluimami, a sa tubu na neimami talaidredre me yala ki lomalagi.

Aisea 37:37

A sa lesu tani ko Senakaripi na tui Asiria, ka la'ki tiko mai Ninive.

Aisea 58:1

Mo kaci vakadomoilevu, kakua ni vakacegu, tabalaka na domomu me vaka na davui, ka vakatakila vei ira na noqu tamata na nodra talaidredre, ia ki na mataqali i Jekope na nodra i valavala ca.

Jeremaia 20:9

Au a qai kaya, Au na sega ni cavuti koya, se vosa tale e na yacana. Ia na nona vosa, sa tu e lomaqu me vaka na bukawaqa, sa sogo tu e na suiqu, ia ka'u sa oca ni'u kinoca, ka sega ni'u rawata.

Isikeli 2:7

Ia mo tukuna ga vei ira na noqu vosa, se ra na vakarorogo, se ra na kakua: ni ra sa dautalaidredre vakalevu.

Osea 7:2

A ra sa sega ni kaya e lomadra ni ka'u sa nanuma tiko na nodra ca kece: sa qai vakavolivoliti ira na nodra i valavala: sa tu ga e mataqu.

Jona 3:2

Mo cavu tu, mo lako ki Ninive, na koro levu ko ya, ka vunautaka kina na vunau ka'u a kaya vei iko.

Jona 3:3

A sa cavu tu ko Jona, ka lako yani ki Ninive, me vaka na vosa i Jiova. Ia ko Ninive na koro levu sara eda na bogi tolu ni da lako tu me vakavolivolita.

Jona 4:11

ia me'u kakua li ni lomani Ninive, na koro levu ko ya, era sa tiko kina e le dua na drau ka ruasagavulu na udolu na tamata era sega ni kila rawa na ligadra i matau mai na ligadra i mawi; ka sa levu talega kina na manumanu?

Maika 3:8

Ia e dina ni'u sa sinai e na kaukauwa maivei koya na Yalo i Jiova, e na lewa dodonu talega, kei na yalodei, me'u tukuna rawa vei ira na Jekope na nodra talaidredre, vei ira talega na Isireli na nodra i valavala ca.

Neumi 1:1

Na vosa ni parofisai bibi ka baleti Ninive. Oqo nai vola ni raivotu i Neumi na kai Elikosi.

Neumi 3:19

Sa sega ni malumu rawa na nomu ramusu; sa ka rarawa na nomu vue: o ira kece era rogoca na kemui rogorogo era na cobo e na vukumu: ni ko cei li ka sega ni yaco tiko kina na nomu ca?

Maciu 10:18

ia dou na kau ki na matadra na kovana kei na tui e na vukuqu, mei vakadinadina vei ira, vei ira talega na veimatanitu tani.

Maciu 12:41

Era na tu cake e na veilewai na kai Ninive ka vakadinadinataka na nodra cala nai tabatamata oqo, ni ra a veivutuni e na vunau i Jona; ka raica, sa dua eke sa uasivi vei Jona.

Jemesa 5:4

Raica, sa tagi na kedrai voli na tamata daucakacaka, era sa tamusuka na nomudou veiwere, o koya dou sa bureitaka: ia sa curu ki na daligana na Turaga ni lewe vuqa na nodra tagi era sa dautamusuka.

Vakatakila 18:5

Ni sa yacovi lomalagi na nonai valavala ca, a sa nanuma na nonai valavala ca na Kalou.