Joeli 2:27 - Vakavakadewa Makawa

²⁷ Dou na qai kila ni'u sa tiko vata kei ira na Isireli, ka ni'u sa nomudou Kalou koi au ko Jiova, ka sega tale e dua tani: ka ra na sega sara ni madua ko ira na noqu tamata e na dua na gauna.

Ai Vola Tabu (Vakadewa Makawa Vakavoutaki 2021)

²⁷ Dou na qai kila ni'u sa tiko vata kei ira na Isireli, ka ni'u sa nomudou Kalou koi au ko Jiova, ka sega tale e dua. Ka ra na sega sara ni madua ko ira na noqu tamata e na dua na gauna.

AI VOLA TABU

²⁷ Dou na qai kila niʼu sa tiko kei ira na Isireli, ni sai au talega ko Jiova na nomudou Kalou, ka sega e dua tani: a ra na sega sara ni madua na noqu tamata e na dua na gauna.

Vakavakadewa Vou kei na iVola tale eso

²⁷ Dou na qai kila ni'u sa tiko kei ira na Isireli, Sa i au ga o Jiova, ka'u sa nomudou Kalou, Ka sa sega tale e dua. Era na sega tale vakadua Ni vakamaduataki na noqu tamata.

Ai Vola Tabu Ena Vakavakadewa Vou

²⁷ Dou na qai kila ni'u sa tiko kei ira na Isireli, Sa i au ga ko Jiova, ka'u sa nomudou Kalou, Ka sa sega tale e dua. Era na sega tale vakadua Ni vakamaduataki na noqu tamata.

Joeli 2:27 Iomraidhean Croise

NA SAME 46:5

Sa tiko e na kena loma-ni-koro na Kalou; ena sega ni vakayavalati: Ena sou na Kalou e na mataka me vukei koya.

NA SAME 68:18

O ni a lako ki cake, o ni sa vakabobulataki ira na bobula era lewe vuqa; O ni sa rawata nai solisoli me nodra na tamata; Io, me nodra na dautalaidredre, me sa tiko vata kei ira ko Jiova na Kalou.

Vosavakaibalebale 1:23

Dou saumaki mai e na noqu vunau: Raica, ka'u na sovaraka na Yaloqu vei kemudou, Ka'u na vakatakila na noqu vosa vei kemudou.

Aisea 12:6

Dou qoqolou ka kaila, na kai Saioni: ni sa levu e na kemudou maliwa ko Koya na Yalosavasava ni Isireli.

Aisea 44:3

Ni'u na sovaraka na wai vua sa viagunu, kei na wai drodro ki na qele mamaca: au na sovaraka na Yaloqu ki na nomu kawa, kei na noqu ka ni veivakalougatataki kivei ira sa tubu maivei iko:

Aisea 44:8

Dou kakua ni domobula, se taqaya: au a sega beka ni dautukuna vei iko mai na gauna ko ya, ka dauvakaraitaka? sai kemudou beka ga ena noqu i vakadinadina. Sa dua tale beka na Kalou, se koi au ga? io, sa sega tale na Uluvatu; ka'u sa sega ni kila e dua.

Aisea 45:18

Ni sa kaya vakaoqo ko Jiova, ko koya ka bulia na lomalagi; na Kalou, ko koya ka bulia na vuravura ka cakava; sa vakataudeitaka ko koya, a sa sega ni cakava me lala, sa bulia ga me tawa: Koi au ko Jiova; ka sa sega e dua tale:

Aisea 45:5

Koi au ko Jiova, ka sa sega e dua tani, sa sega tale na Kalou, sai au ga: ko a sega ni kilai au, ia ka'u sa vauci iko:

Aisea 45:6

me ra kila kina mai nai cadracadra ni mata-ni-siga kei na kenai dromudromu, ni sa sega e dua tani, sai au ga. Koi au ko Jiova, ka sa sega e dua tale:

Aisea 46:9

Dou vakananuma na ka makawa eliu ni sai au na Kalou, ka sa sega tale e dua: sai au na Kalou, ka sa sega e dua me keirau tautauvata kaya,

Aisea 49:23

Ko ira na tui era na susugi ira na luvemu, ia ko ira na nodra marama era na ia na veisusu vei iko: ni ra na cuva vakalotulotu vei iko, ka dramica na kuvu-ni-soso ni yavamu: ia ko na kila ni sai au ko Jiova, ka ra na sega ni madua ko ira era sa waraki au.

Aisea 53:6

Koi keda kece eda sa sese ga me vaka na sipi; eda sa dui lesu tani ki na noda sala koi keda yadua; ia ko Jiova sa vakatauca vei koya na noda caka cala kecega.

Isikeli 37:6

ia ka'u na solia vei kemudou na ua, ka vakatubura cake na lewemudou, ka ubi kemudou e na kulimudou, ka vakacuruma vei kemudou na cegu, dou na qai bula; ia dou na kila ni sai au ko Jiova.

Isikeli 39:22

Era na qai kila ko ira na mataqali i Isireli ni sai au ko Jiova na nodra Kalou mai na siga ko ya ka ia tiko ki muri.

Isikeli 39:28

era na qai kila ni sai au ko Jiova na nodra Kalou, ka'u a vakauti ira tani vakabobula ki na veimatanitu tani: ia ka'u sa qai vakasoqoni ira mai ki na nodra vanua, ka sega ni vakalaiva tale yani e dua vei ira.

Isikeli 39:29

Au na sega talega ni tabonaka tale na mataqu vei ira: ni'u sa sovaraka na Yaloqu ki na mataqali i Isireli, sa kaya na Turaga ko Jiova.

Joeli 2:26

Ia ni sa sautu, dou na kana, ka mamau, ka vakacaucautaka na yaca i Jiova na nomudou Kalou, o koya sa ka mana na nona cakacaka vei kemudou: a ra na sega ni madua ko ira na noqu tamata e na dua na gauna.

Joeli 3:17

Dou na qai kila kina ni sai au ko Jiova na nomudou Kalou ka tiko mai Saioni, na noqu ulu-ni-vanua tabu: ena qai tabu ko Jerusalemi, ka na sega tale na kai tani me lako voli kina.

Joeli 3:21

Ia ka'u na cavuta me tawa cala na kedra dra ka'u a sega ni cavuta me tawa cala: ni sa tiko ga mai Saioni ko Jiova.

Sefanaia 3:11

E na siga ko ya ko na sega ni madua e na vuku ni nomu i valavala kecega, ko a talaidredre kina vei au: ni'u na qai kauti ira tani maivei iko na kai nomu era yalodaumarau vakaqaciqacia; ia ko na sega ni viavialevu tale e na noqu ulu-ni-vanua tabu.

Sefanaia 3:17

Ko Jiova na nomu Kalou ka tiko kei iko sa kaukauwa ko koya, ena ia na veivakabulai; ena rekitaki iko ko koya e na marau, ena vakacegu e na nona loloma; ena marautaki iko e na sere.

Sakaraia 2:9

Io, raica, au na dulaka na ligaqu vei ira, a ra na kau mei toki ni valu vei ira ka nodra bobula: ia dou na kila ni sa talai au mai ko Jiova ni lewe vuqa.

Tiko mai na Lekutu 11:29

A sa kaya vua ko Mosese, Ko sa vuvu e na vukuqu, ne? e vinaka mada ke ra sa parofita na tamata kecega i Jiova, ka solia vei ira na Yalona ko Jiova.

Tiko mai na Lekutu 23:21

Sa sega ni raica ko koya na cala vei ira na Jekope, Ia sa sega ni raica ko koya na yalovakatani vei ira na Isireli: Sa tiko kaya ko Jiova na nodra Kalou, Ia sa dua na tui sa kailavaki e na kedra maliwa.

2 Korinica 6:16

se rau na to vata vakaevei na vale ni Kalou kei na veimatakau? ni da sa vale ni Kalou bula; me vaka sa kaya na Kalou, Au na tiko e na lomadra, ka lako voli kina; ia kau na nodra Kalou, ka ra na noqu tamata.

Vakarua 23:14

ni sa lako voli e na nomuni tikotiko ko Jiova na nomuni Kalou, me vakabulai kemuni, ka me soli ira na nomuni meca vei kemuni; o koya me savasava kina na nomuni tikotiko: me kakua kina ni raica ko koya na ka ca vei kemuni, ka gole tani maivei kemuni.

1 Pita 2:6

O koya sa tu talega e nai Vola Tabu, Raica, au sa viritaka mai Saioni na vatu ni yavu e na tutu-ni-vale, sa digitaki, ka talei; Ia ko koya sa vakabauti koya ena sega ni vakamaduataki:

Vakatakila 21:3

Ia ka'u a rogoca e dua na domo levu mai lomalagi, sa kaya, Raica, a vale ni Kalou sa tu vei ira na tamata, ia ena tiko vata kei ira ko koya, ia era na nona tamata, ia ko koya na Kalou ena tiko vata kei ira, me nodra Kalou.