Joeli 2:2 - Vakavakadewa Makawa

² e dua na siga butobuto ka loaloa, a siga ni o kei na butobuto levu, me vaka na mataka ni sa kida mai e na veiulu-ni-vanua: io, e dua na mataqali lewe vuqa ka kaukauwa; sa sega sara e vakakina eliu, ena sega talega me vakakina emuri, e na veiyabaki ni tabatamata sa veitaravi.

Ai Vola Tabu (Vakadewa Makawa Vakavoutaki 2021)

² e dua na siga butobuto ka loaloa, a siga ni o kei na butobuto levu! Me vaka na mataka ni sa kida mai e na veiulunivanua, io, e dua na matatamata levu ka kaukauwa; sa sega sara e vakakina eliu, ena sega talega me vakakina e muri, e na veiyabaki ni tabatamata sa veitaravi.

AI VOLA TABU

² a siga butobuto ka loaloa, a siga ni o kei na butobuto levu, me vaka na mataka ni sa seselaka e na veiulu-ni-vanua: e dua na mataqali lewe vuqa ka kaukauwa; sa sega sara e vakakina eliu, ena sega talega me vakakina emuri, e na veiyabaki ni tabatamata sa veitaravi.

Vakavakadewa Vou kei na iVola tale eso

² E dua na siga vakaturubuto, E siga ni veio butobuto levu! Sa tadu mai na mataivalu qele ni vodre levu A sa vaka na buto e solega na veiulunivanua; E se qai yaco vakadua oqo, Ka na sega ni yaco tale maimuri.

Ai Vola Tabu Ena Vakavakadewa Vou

² E dua na siga vakaturubuto, E siga ni veio butobuto levu! Sa tadu mai na mataivalu qele ni vodre levu A sa vaka na buto e solega na veiulunivanua; E se qai yaco vakadua oqo, Ka na sega ni yaco tale maimuri.

Joeli 2:2 Iomraidhean Croise

NA SAME 10:6

Sa kaya e lomana, Ka'u na sega sara ni vakayavalati; Ka'u na sega ni kunea na rarawa mai nai tabatamata e dua ka yacova nai tabatamata kadua.

NA SAME 97:2

Sa vakavolivoliti koya na o kei na butobuto: Na yavu ni nonai tikotiko vakaturaga na yalododonu kei na lewa dodonu.

Lako Yani 10:14

Ia na vodre sa lakova na vanua taucoko ko Ijipita, ka tiko ga e na veiyasana kecega mai Ijipita: era ka rerevaki sara, sa sega na vodre e tautauvata kaya eliu, ena sega talega me tautauvata emuri.

Lako Yani 10:6

ia ena oso kina na nomu veivale, kei na nodra veivale kecega era qaravi iko, kei na nodra veivale na kai Ijipita kecega; a ka era sa sega ni raica na tamamu, se ko ira na tubumu, mai na gauna era a tiko kina e dela ni vanua ka yacova na gauna oqo. A sa vuki ko koya, ka curu tani maivei Fero.

Lako Yani 20:21

A sa tu vakayawa ko ira na tamata, a sa torova ko Mosese na butobuto loaloa sa tiko kina na Kalou.

Aisea 5:30

A ra na qolouvaki ira e na siga ko ya me vaka na vadugu ni wasawasa: ia ni sa rai ki vanua e dua, raica, sa butobuto! sa ka rarawa! ka sa tabonaki na rarama e na kena o.

Aisea 8:22

A ra na rai talega ki vuravura; ka kunea na ka rarawa kei na butobuto, na butobuto kei na yaluma; ka ra na vakasavi tani ki na butobuto loaloa.

Jeremaia 13:16

Dou vakarokorokotaki Jiova na nomudou Kalou, ni sa bera ni vakayacora na butobuto, ni sa bera talega ni tarabe na yavamudou e na veiulu-ni-vanua loaloa; ka dou sa yadrava na rarama, ka sa vukica ga ko koya me yaloyalo ni mate, ka cakava me butobuto sara.

Jeremaia 13:6

Sa bogi vuqa, sa qai kaya vei au ko Jiova, mo cavu tu, ka mo lako ki na Uferetisi, ka kauta maikina nai vau, ko ya ka'u a kaya mo vunia maikea.

Lele i Jeremaia 1:12

Sa ka wale beka vei kemudou koi kemudou kece sa lako voli yani? Dou mai raica, ka kila se dua na rarawa sa vaka na noqu rarawa, sa caka vei au, Ni sa qai vakararawataki au ko Jiova e na siga ni nona cudru katakata.

Isikeli 32:7

Ia ni'u na bokoci iko, ka'u na tabonaka na lomalagi, ka vakabutobutotaka na kena kalokalo; a mata-ni-siga ka'u na tabonaka e na o, a vula talega ena bureitaka na kena rarama.

Isikeli 34:12

Me vaka sa vakasaqara na nona qele ni sipi nai vakatawa e na siga sa tiko kina e na kedra maliwa na nona sipi sa veiseyaki; au na vakasaqara vakakina na noqu qele ni sipi, ka kaliraki ira mai na veiyasana kecega era sa dui veiseyaki kina e na siga loaloa ka butobuto.

Isikeli 38:9

Ko na cabe mai me vaka na cava, ko na lako cake mai me vaka na o, mo dou ubia na vanua, ko iko, kei na nomu mataivalu kecega, ia koi kemudou vata kei na veimataqali e vuqa.

Taniela 12:1

Ia e na gauna ko ya ena tu cake ko Maikeli, na turaga levu o koya sa totaki ira na luvedra na kai nomu: ena qai yaco e dua na gauna rarawa, sa sega sara e vakakina mai nai vakatekivu ni matanitu ka yacova na gauna ko ya: ia e na gauna ko ya era na vakabulai na kai nomu, ko ira kece sa na kune ni ra volai e nai vola.

Taniela 9:12

A sa vakadinadinataka ko koya na nona vosa ni veicudruvi ka baleti keimami, kei ira na neimami turaga ni lewa era sa lewai keimami, ni sa vakayacora kina vei keimami na ca levu: ni sa sega ni caka e ruku i lomalagi taucoko me vaka na ka sa caka i Jerusalemi.

Joeli 1:6

Ni sa dua na matanitu sa lako cake mai ki na noqu vanua, e kaukauwa ka sa sega ni wili rawa, a batidra sa vaka na bati ni laioni, ka ra sa vakagalegalena me vaka na laioni yalewa.

Joeli 2:25

Ia ka'u na solia tale vei kemudou na vuata ni veiyabaki sa kania na vodre dina kei na vodre dramidrami, kei na nuve, kei na vodre dauquru, na noqu i valu levu ka'u a tala yani vei kemudou.

Joeli 2:31

a mata-ni-siga ena vuki me butobuto, kei na vula me dra, ena qai yaco mai emuri na siga i Jiova, e levu ka rerevaki.

Joeli 2:5

Ena vaka na rorogo ni qiqi-ni-valu e na dela ni ulu-ni-vanua na nodra ladelade, me vaka na rorogo ni yameyame ni bukawaqa sa kania na vu-ni-sila, me vaka na mataqali qaqa e lautuva vakaivalu.

Joeli 3:4

Ia ka cava tale mo dou cakava vei au, koi kemudou mai Taia, kei Saitoni, kei na yasayasa vaka-Filisitia kecega? dou na solia beka vei au e dua na kenai sau? ia ke dou sa saumi au rawa, ke na vakatotolo ka vakasauri na noqu vakasuka na kemudoui sau ki na ulumudou.

Emosi 4:13

Mo kila ni sai koya ka bulia na veiulu-ni-vanua, ka vakatubura na cagi, ka sa tukuna vua na tamata na ka e vakananuma kina, o koya sa cakava na mataka me butobuto, ka sa butuka na veiyasana cecere kei vuravura, na yacana ko Jiova, na Kalou ni lewe vuqa.

Sefanaia 1:7

Mo tiko lo e na mata ni Turaga ko Jiova: ni sa voleka mai na siga i Jiova: ni sa vakarautaka ko Jiova e dua me vakamatei, ka sa lesi ira sa sureta ko koya.

Sakaraia 14:6

Ia ena yaco e na siga ko ya, ena sega kina na rarama e talei, na butobuto loaloa ga.

Maciu 24:21

ni na qai levu sara na rarawa, ka sega ni vakakina eliu mai nai vakatekivu kei vuravura ka yacova na gauna oqo, ka na sega sara talega emuri.

Marika 13:19

Ni na yaco na ka rarawa e na gauna ko ya; sa sega ni vakakina mai nai vakatekivu ni nona buli ka na Kalou ka yacova na siga oqo, ka na sega talega emuri.

Vakarua 32:7

Nanuma na gauna eliu sara, Mo ni vakasama na yabaki ni tabatamata e vuqa: Taroga na tamamuni, ka na vakatakila vei kemuni ko koya; Ko ira na nomuni qase, ka ra na tukuna vei kemuni.

Iperiu 12:18

Ni dou sa sega ni lako mai ki na ulu-ni-vanua sa tarai rawa, a sa caudre e na buka, kei na o loaloa, kei na butobuto, kei na cava,

Ai Vola I Juta 1:13

a ua ni waitui sa cudrucudru, sa vusolaka na nodra ka e veivakamaduataki; a kalokalo sa veilakoyaki, sa tu ga me nodra na butobuto loaloa sa sega ni mudu.

Vakatakila 9:2

A sa dolava ko koya nai bulubulu e sega ni vakabotona; a sa kuvu cake na kubou mai bulu, me vaka na kubou ni lovo levu; a sa butobuto na mata-ni-siga, kei na macawa, e na vuku ni kubou sa kuvu cake mai bulu.