Joeli 2:17 - Vakavakadewa Makawa

¹⁷ Me ra mai tagi na bete e na macawa ni curucuru ni vale kei nai cabocabo-ni-soro, ka me ra kaya, Mo ni yalololoma mai, Jiova, vei ira na nomuni tamata, ka kakua ni solia na nomuni votavota me vakarogocataki, ka me lewai ira ko ira na veimatanitu: me ra veikayaka vakacava ko ira na veimatanitu, Sa evei li na nodra Kalou?

Ai Vola Tabu (Vakadewa Makawa Vakavoutaki 2021)

¹⁷ Me ra mai tagi na bete e na maliwa ni curucuru ni vale kei nai cabocabo-ni-soro; ka me ra kaya, “Mo ni yalololoma mai, Jiova, vei ira na nomuni tamata, ka kakua ni solia na nomuni votavota me vakarogocataki, ka me lewai ira ko ira na veimatanitu. Me ra veikayaka vakacava ko ira na veimatanitu, ‘Sa evei li na nodra Kalou?’ ”

AI VOLA TABU

¹⁷ E na tadrua ni curucuru ni vale kei nai cabocabo-ni-soro, me ra mai tagi kina na bete, ia me ra kaya, Mo yalololoma mai, Jiova, vei ira na nomu tamata, ka kakua ni solia na nomui votavota me vakarogocataki, me lewai ira ko ira na veimatanitu: me kainaki vakacava vei ira na veimataqali, Sa evei li na nodra Kalou?

Vakavakadewa Vou kei na iVola tale eso

¹⁷ Me ra tagi ga ka cabo masu O ira na bete kei na i talatala i Jiova dauveiqaravi Ena maliwa ni matamata ki na Valenisoro Kei na i cabocabonisoro, ka kaya: “Ni yalololoma vei ira na nomuni tamata, na Kalou, Ni kakua ni cudruvi keimami Se me ra vakalialiai keimami na veimatanitu Ni ra sa kaya, “Evei na nomudou Kalou?”

Ai Vola Tabu Ena Vakavakadewa Vou

¹⁷ Me ra tagi ga ka cabo masu O ira na bete kei na i talatala i Jiova dauveiqaravi Ena maliwa ni matamata ki na Valenisoro Kei na i cabocabonisoro, ka kaya: “Ni yalololoma vei ira na nomuni tamata, na Kalou, Ni kakua ni cudruvi keimami Se me ra vakalialiai keimami na veimatanitu Ni ra sa kaya, “Evei na nomudou Kalou?”

Joeli 2:17 Iomraidhean Croise

1 Tui 6:3

Ia na varada e na mata ni vale ni soro, e ruasagavulu na kiupiti na kena balavu, me tautauvata kei na raraba ni vale; sa tini na kiupiti na kena raraba e na mata ni vale.

1 Tui 9:7

au na qai muduki ira tani na Isireli mai na vanua ka'u a solia vei ira; ia na vale oqo ka'u sa vakatabuya ki na yacaqu, au na biuta tani e mataqu; ena daucavuti talega e nai bole ko ira na Isireli, ka na vosabecitaki vei ira na veimatanitu kecega:

2 Veigauna 7:20

au na qai cavuivuvutaki ira mai na vanua au a solia vei ira; ia na vale oqo, ka'u sa vakatabuya oti ki na yacaqu, au na biuta tani e mataqu, ia ka'u na cakava me vakaibole ca ka me vakasiusiutaki e na veimatanitu kecega.

2 Veigauna 8:12

Sa qai vakacabora ko Solomoni nai soro kama vei Jiova e dela ni cabocabo-ni-soro i Jiova, sa cakava ko koya e na mata ni varada,

Niemaia 9:36

Ni raica, keimami sa qali e na siga oqo, ia na vanua ko ni a solia vei ira na neimami qase, me ra kania na vuana kei na kena vinaka, raica, keimami sa bobula kina:

NA SAME 115:2

E na cava me ra kaya na veimatanitu, Sa evei na nodra Kalou?

NA SAME 42:10

Sa vaka nai seleiwau e na suiqu, na nodra vakasewasewani au na noqu meca; Ni ra tarogi au e na veisiga, Evei na nomu Kalou?

NA SAME 42:11

Na yaloqu, o sa bibi lako e na vuku ni cava? O sa nuiqawaqawa e lomaqu e na vuku ni cava? Mo nuitaka na Kalou; ni'u na vakavinavinaka tale vua, Na vu ni bula ni mataqu kei na noqu Kalou.

NA SAME 42:3

A qau kakana tiko na wai ni mataqu e na siga kei na bogi, Ni ra kaya tikoga vei au, Evei na nomu Kalou?

NA SAME 42:4

Ni'u sa nanuma na ka oqo, sa luvu na yaloqu e lomaqu: Ni'u a lako vata kei ira na le vuqa, au a lako vata kei ira ki na vale ni Kalou, E na domo ni reki kei na vakavinavinaka, kei ira na le vuqa era ia na so levu tabu.

NA SAME 74:10

A cava na kena dede, na Kalou, ni na vosa ca tiko na meca? Ena sega beka ni mudu na nodra vosacataka tiko na yacamuni na meca?

NA SAME 79:10

Me ra kaya vakacava na veimatanitu, Sa evei na nodra Kalou? Me kilai vei ira na veimatanitu e na mata i keimami Ni sa cudruvaki na kedra dra na nomuni tamata sa vakadavei.

NA SAME 79:4

Keimami sa rogo ca vei ira sa tiko voleka vei keimami, Ka sa vakalialiai ka dredrevaki vei ira era tiko voleka vei keimami.

NA SAME 89:41

Sa betiraki koya ko ira kece sa lako voli e na sala: Sa rogo ca vei ira era tiko voleka vua.

NA SAME 89:51

Era sa vosa ca kina, Jiova, ko ira na nomuni meca; Era sa vosacataka kina na nonai lakolako ko ni a lumuta.

Lako Yani 34:9

Ka kaya, Kemuni na Turaga, kevaka ko sa lomani au, me lako mada kei keimami na noqu Turaga; ni ra sa tamata domoqa ko ira; mo ni kakua talega ni cudruvaka na neimami caka ca, kei na neimami caka cala, ia mo ni taukeni keimami.

Aisea 22:12

Ia e na siga ko ya sa kacivi kemudou na Turaga ko Jiova ni lewe vuqa mo dou mai tagi ka tagi yaso, ka tasi ulu, ka vakaisulu e nai sulu taga:

Aisea 37:20

Ia oqo, Jiova na neimami Kalou, mo ni vakabulai keimami mada mai na ligana, me kila kina na veimatanitu kecega e vuravura ni sai kemuni duaduaga ko Jiova.

Isikeli 20:9

Ia ka'u a cakacaka ga e na vuku ni yacaqu, me kakua ni vakacacani e matadra na veimatanitu, era sa tiko kina kei ira, ka'u a vakatakilai au vei ira e matadra, ni'u a kauti ira tani mai na vanua ko Ijipita.

Isikeli 8:16

A sa kauti au ko koya ki na lomanibai e loma ni vale i Jiova, ka raica, sa tiko mai na mata ni vale i Jiova, e na tadrua ni curucuru kei nai cabocabo-ni-soro, e lewe ruasagavulu ka lima beka na tagane, era sa vakanadaku ki na vale i Jiova, ka vakanamata ki na tu-i-cake; a ra sa cuva ki na mata-ni-siga vaka ki na tu-i-cake.

Osea 14:2

Vakarautaka mada na nomu vosa, ka lesu vei Jiova: ka kaya vua, Mo ni kauta tani kece na neitou caka cala, ka mo ni yalovinaka mai vei keitou: keitou na qai cabora nai madrali ni tebenigusu i keitou.

Joeli 1:13

Dou sulumaki kemudou mada e nai sulu taga, na bete, ka tagi; dou qoqolou, koi kemudou sa qarava nai cabocabo-ni-soro: dou mai curu, ka vakabogi e nai sulu taga, oi kemudou nai talatala ni noqu Kalou: ni sa bureitaki ki na vale ni nomudou Kalou nai madrali laukana kei nai madrali gunuvi.

Joeli 1:9

Sa mudu sara mai na vale i Jiova nai madrali laukana kei nai madrali gunuvi: era sa tagi na bete, nai talatala i Jiova.

Emosi 7:2

Ia ni ra sa kania oti na co ni vanua, au a qai kaya, Kemuni na Turaga Jiova, au masuti kemuni mo ni loloma mada mai, ena tu rawa vakaevei ko Jekope? ni sa lailai ko koya.

Emosi 7:5

Au a qai kaya, Kemuni na Turaga Jiova, mo ni kakua mada: ena tu rawa vakaevei ko Jekope? ni sa lailai ko koya.

Maika 7:10

Ena qai kunea ko koya sa noqu meca, ena luvu talega e na madua ko koya ka kaya vei au, Sa evei ko Jiova na nomu Kalou? ena raici koya na mataqu: ena qai buturaki sobu ko koya me vaka na lolobo e na saqata.

Malakai 1:9

Ia oqo, ka'u masuti kemudou mo dou kerekere mada vua na Kalou, me lomani keda mai: sai kemudou ga e vuna na ka oqori: me na vakadonui kemudou li ko koya? sa kaya ko Jiova ni lewe vuqa.

Tiko mai na Lekutu 25:6

Ka raica, sa lako mai e dua vei ira na Isireli, ka kauta mai kivei ira na wekana e dua na yalewa ni Mitiani, e na mata i Mosese, e matadra talega nai soqosoqo taucoko ni Isireli, ni ra sa tagi tiko mai na katuba ni vale ni veitavaki.

Maciu 23:35

me yaco kina vei kemudou nai sau ni kedra dra na tamata yalododonu kecega ka vakadavei e vuravura: mai na dra nei Epeli na yalododonu ka yaco ki na dra nei Sakaraia na luvei Parakaia, ko koya dou a vakamatea e na tadrua ni vale ni soro kei nai cabocabo-ni-madrali.

Maciu 27:43

sa dauvakararavi ko koya vua na Kalou; me vakabulai koya edaidai ko koya, kevaka e vinakati koya: ni sa kaya, Oi au na Luve ni Kalou.

Vakarua 28:37

Ia ko ni na yaco me ka ni veivakurabuitaki, nai bole ca, kei na ka e dredrevaki, e na kedra maliwa na matanitu kecega sa kauti kemuni kina ko Jiova.

Vakarua 32:27

Kevaka ka'u sa sega ni rerevaka na cudru ni meca, De ra nanuma cala ko ira era vakasaurarataki ira, Io de ra kaya, Sa cecere na ligada, A sa sega ni kitaka na ka oqo ko Jiova.

Josua 7:9

Era na rogoca na kai Kenani kei ira kece sa tiko e na vanua oqo, ka ra na mai vakavolivoliti keimami, ka vakaotia na yaca i keimami e vuravura, ia ka cava kemuni na cakava e na vuku ni yacamuni levu?