Joeli 2:14 - Vakavakadewa Makawa

¹⁴ O cei sa kila, se na lesu beka ga ko koya ka veivutuni, ka laiva ki muri na ka ni veivakalougatataki; io, nai madrali laukana kei nai madrali gunuvi vei Jiova na nomudou Kalou?

Ai Vola Tabu (Vakadewa Makawa Vakavoutaki 2021)

¹⁴ O cei sa kila, se na lesu beka ga ko koya ka veivutuni, ka biuta tu mai na ka ni veivakalougatataki, io, nai madrali laukana kei nai madrali gunuvi vei Jiova na nomudou Kalou?

AI VOLA TABU

¹⁴ O cei sa kila, ena lesu beka ga ka veivutuni, ka laiva kimuri na ka e veivakalougatataki; io, nai madrali laukana kei nai madrali gunuvi vei Jiova na nomudou Kalou?

Vakavakadewa Vou kei na iVola tale eso

¹⁴ O cei li e kila rawa De veisautaka na lomana o Jiova na nomudou Kalou Ka vakalougatataki kemudou ena sautu ni kakana. Dou na qai rawa ni vakacaboisoro kina vua.

Ai Vola Tabu Ena Vakavakadewa Vou

¹⁴ O cei li e kila rawa De veisautaka na lomana ko Jiova na nomudou Kalou Ka vakalougatataki kemudou ena sautu ni kakana. Dou na qai rawa ni vakacaboisoro kina vua.

Joeli 2:14 Iomraidhean Croise

2 Samuela 12:22

A sa kaya ko koya, Ni sa bula tiko na gone, ka'u a lolo ka tagi; ni'u a kaya, O cei e kila se na lomani au ko Jiova, se segai, me bula na gone?

2 Samuela 16:12

Ena raica beka na noqu rarawa ko Jiova, ka caka vinaka vei au ko Jiova, e na vuku ni nona ruru edaidai oqo.

2 Tui 19:4

Ena rogoca beka ko Jiova na nomu Kalou na vosa kecega i Rapisake, o koya sa tala mai ko tui Asiria na nona turaga, me vosavakacacataka na Kalou bula; ia ena vunauca na vosa sa rogoca ko Jiova na nomu Kalou: o koya mo qai cavuta na masu e na vukudra na lewe lailai sa vo tiko.

Lako Yani 32:30

Ia e na mataka sa kaya vei ira na tamata ko Mosese, Dou sa kitaka e dua na ca levu: ia kau na qai cabe cake vei Jiova; ka'u na buluta rawa beka na nomudou i valavala ca.

Aisea 65:8

Sa kaya vakaoqo ko Jiova; Me vaka sa kune na waini vou e nai soso vua ni vaini, ka sa kaya e dua, Mo kakua ni vakacataka, ni sa tu kina na ka ni veivakalougatataki; ka'u na kitaka vakakina e na vukudra na noqu tamata, me'u kakua ni vakacataki ira kecega:

Jeremaia 18:8

kevaka ena lesu na vanua ko ya mai na nodra ca, ka'u a lewa me ra ca kina, ka'u na qai veivutunitaka na ca ka'u a nanuma me'u cakava vei ira.

Jeremaia 26:13

o koya oqo dou vakavinakataka na nomudou i tovo kei na nomudou i valavala, ka vakarorogo ki na domo i Jiova na nomudou Kalou; ena qai veivutunitaka ko Jiova na ca sa kaya ena yacovi kemudou.

Jeremaia 26:3

era na vakarorogo beka, ka lesu na tamata yadua mai na nonai tovo ca, me'u veivutunitaka na ca, ka'u sa nakita me'u cakava vei ira ni sa ca na nodra i valavala.

Joeli 1:13

Dou sulumaki kemudou mada e nai sulu taga, na bete, ka tagi; dou qoqolou, koi kemudou sa qarava nai cabocabo-ni-soro: dou mai curu, ka vakabogi e nai sulu taga, oi kemudou nai talatala ni noqu Kalou: ni sa bureitaki ki na vale ni nomudou Kalou nai madrali laukana kei nai madrali gunuvi.

Joeli 1:16

Sa sega li ni vakaoti tani mai vei keda na kakana, io na marau kei na reki mai na vale ni noda Kalou?

Joeli 1:9

Sa mudu sara mai na vale i Jiova nai madrali laukana kei nai madrali gunuvi: era sa tagi na bete, nai talatala i Jiova.

Emosi 5:15

Dou cata na ka ca, ka vinakata na ka vinaka, ka vakadeitaka na lewa dodonu e na matamata-ni-koro: ena qai yalololoma beka ko Jiova na Kalou ni lewe vuqa vei ira na kena vo vei Josefa.

Jona 1:6

A sa lako vua na turaga ni waqa, ka kaya vua, A cava soti ko sa moce tiko kina? tu cake, ka tagi vua na nomu Kalou, de sa nanumi keda beka na Kalou, me da kakua ni mate.

Jona 3:9

O cei e kila de sa na saumaki beka na Kalou ka veivutuni, ka lesu mai na nona cudru waqawaqa, me da kakua ni rusa?

Sefanaia 2:3

Dou vakasaqarai Jiova, oi kemudou kece sa yalomalumalumu e na vanua, oi kemudou sa cakava na nona lewa; dou qara mada na yalododonu, vakasaqara na yalomalumalumu: dou na vuni beka kina e na siga ni cudru i Jiova.

Akeai 2:19

Sa vo li na sila e na lololo? ia na vaini, kei na lolo, kei na pomekaraneti, kei na olive, sa sega sara ni vua mai; Tekivu vata kei na siga oqo ka'u na vakalougatataki kemudou.

2 Timoci 2:25

me vakatavulici ira e na yalomalumalumu era sa dauveivorati; de solia beka vei ira na Kalou na veivutuni me ra kila kina na ka dina,

Josua 14:12

Ia oqo, mo solia kina vei au na ulu-ni-vanua oqo, ka vosa kina ko Jiova e na siga ko ya; ni ko a rogoca e na siga koya ni ra sa tiko kina na luve i Anaki, ka sa lelevu ka vakabai na veikoro: ena tiko beka kei au ko Jiova, ka'u na qai vakasavi ira rawa, me vaka ka kaya ko Jiova.

1 Samuela 6:5

Ia dou qai cakava eso nai vakatakarakara ni nomudou somunadara, ka so nai vakatakarakara ni nomudou kalavo sa vakacacana na vanua; ia dou vakarokorokotaka na Kalou ni Isireli: ena qai vakamamadataka beka ko koya na ligana vei kemudou, kei ira na nomudou kalou, kei na nomudou vanua.