Joeli 2:13 - Vakavakadewa Makawa

¹³ ia dou dresulaka na yalomudou, ka kua ni dresulaka na nomudou i sulu, ka lesu vei Jiova na nomudou Kalou: ni sa dauyalovinaka ka yalololoma, sa berabera ni cudru, ka sa ka levu na nona loloma, ka sa veivutunitaka na nona via cudruvi ira.

Ai Vola Tabu (Vakadewa Makawa Vakavoutaki 2021)

¹³ ia dou dresulaka na yalomudou ka segai na nomudou i sulu.” Dou lesu vei Jiova na nomudou Kalou, ni sa dauyalovinaka ka yalololoma, sa berabera ni cudru ka sa ka levu na nona loloma, ka sa veivutunitaka na nona via cudruvi ira.

AI VOLA TABU

¹³ ia dou dresulaka na yalomudou, ka sega ni nomudoui sulu, ka lesu vei Jiova na nomudou Kalou: ni sa daulomasoli ka yalololoma, sa berabera ni cudru, a sa vutu ni loloma, a sa veivutunitaka na ca.

Vakavakadewa Vou kei na iVola tale eso

¹³ Me dusia na nomudou veivutuni dina Na yalo sa raramusumusu; Ni sa sega ni yaga na dresulaki wale ga ni nomudou i sulu.” Dou lesu vei Jiova na nomudou Kalou, Ni sa yalovinaka ka yalololoma o koya; Sa berabera na nona cudru Ka vutuniyau ena loloma sa tudei; Dou veivutunitaka na nomudou caka cala.

Ai Vola Tabu Ena Vakavakadewa Vou

¹³ Me dusia na nomudou veivutuni dina Na yalo sa raramusumusu; Ni sa sega ni yaga na dresulaki wale ga ni nomudou i sulu.” Dou lesu vei Jiova na nomudou Kalou, Ni sa yalovinaka ka yalololoma o koya; Sa berabera na nona cudru Ka vutuniyau ena loloma sa tudei; Dou veivutunitaka na nomudou caka cala.

Joeli 2:13 Iomraidhean Croise

Vakatekivu 37:29

A sa lesu ki nai keli ko Rupeni; ka raica, sa sega ni tiko e nai keli ko Josefa; sa qai dresulaka na nonai sulu,

Vakatekivu 37:34

A sa dresulaka nonai sulu ko Jekope, ka vauca nai sulu taqarotu ki na tolona, ka tagicaka na luvena bogi vuqa.

2 Samuela 1:11

A sa taura na nonai sulu ko Tevita, ka dresulaka, ka ra kitaka vaka talega kina na tamata kece era tiko vata kaya:

1 Tui 21:27

Ia ni sa rogoca na vosa oqo ko Eapi, sa dresulaka na nonai sulu, ka vakaisulutaki koya e nai sulu taga, ka lolo, ka koto e nai sulu taga, ka lako voli vakamalumalumu.

2 Tui 22:11

Ia ni sa rogoca ko koya na tui na vosa ni vola ni vunau, sa dresulaka na nonai sulu.

2 Tui 22:19

Ni sa malumalumu na yalomu, ka ko sa vakamalumalumutaki iko e na mata i Jiova, ni ko a rogoca na ka ka'u a kaya e na vuku ni tikina oqo, e na vukudra talega era tiko kina, ka me ra vakarusai, ka vatonaki me ra ca, ni ko sa dresulaka talega na nomu i sulu, ka tagi e mataqu; au sa vakarogoci iko talega koi au, sa kaya ko Jiova:

2 Tui 5:7

Ia ni sa wilika oti nai vola ko tui Isireli, sa dresuka na nonai sulu, a sa kaya, Oi au beka na Kalou, me'u ia na veivakamatei kei na veivakabulai, sa talaki kina vei au na tamata oqo me'u vakabula e dua na tamata mai na nona vukavuka? ia dou kila mada, ka raica, ni sa via vakatubu ca vei au ko koya.

2 Tui 6:30

Ia ni sa rogoca ko koya na tui na nona vosa na yalewa, sa dresulaka na nonai sulu; (a sa lako voli ko koya e dela ni bai;) a sa rai yani ko ira na tamata, ka raica, sa vakaisulu e loma ko koya e nai sulu taga.

2 Veigauna 6:27

mo ni qai rogoca mai lomalagi, ka mo ni bokoca na nodra i valavala ca na nomuni tamata, io, na nomuni tamata na Isireli, ni kemuni sa vakavulici ira e na sala vinaka me ra lako kina; ka vakatauca na uca ki na nomuni vanua, ko ni sa solia vei ira na nomuni tamata me nodra i votavota.

Niemaia 9:17

ka sa bese ni talairawarawa, ka sega ni nanuma na nomuni cakacaka mana ko ni a kitaka e na kedra maliwa; a ra sa vakadomoqataki ira ga, ka lesia e na nodra talaidredre e dua na turaga, ka me ra lesu kina me ra bobula tale: ia koi kemuni na Kalou sa dauviabokoca na ca, ka dauloloma ka yalovinaka, sa dauberabera ni cudru, ka levu na nomuni yalololoma, ka sega kina ni biuti ira:

Jope 1:20

Sa qai tu cake ko Jope, ka dresulaka na nonai sulu, ka tasia na uluna, ka cuva ki na qele, ka lotu,

NA SAME 103:8

Sa yalololoma ko Jiova ka daulomasoli, Sa daubera ni cudru, ka daulevu na nona yalololoma.

NA SAME 106:45

A sa nanuma e na vukudra na nona veiyalayalati, Ka sa veivutuni me vaka na kena levu ni nona yalololoma:

NA SAME 34:18

Sa voleka ko Jiova vei ira sa ramusu na yalodra; Ka sa vakabulai ira sa dasila na lomadra.

NA SAME 51:17

Ai soro vua na Kalou na yalo sa raramusumusu; A yalo sa ramusu, ka bibivoro, ko ni na sega ni cata, na Kalou.

NA SAME 86:15

Ia sai kemuni na Turaga, na Kalou sa dauyalololoma, ka daulomasoli, Sa vosovoso vakadede, ka dauyalovinaka ka daudina.

NA SAME 86:5

Ni kemuni sa Turaga dauyalovinaka, ka daulomadonu; Ka daulevu na nomuni loloma vei ira kecega era tagi vei kemuni.

Aisea 57:15

Ni sa kaya vakaoqo ko Koya sa cecere ka levu, ka sa tikotiko ga e na gauna tawa mudu, na yacana ko Koya ka Yalosavasava; Au sa tiko e na tikina cecere ka tabu, kei koya talega sa ramusu ka malumalumu na yalona, me vakabula na yalo i koya sa yalomalumalumu, ka vakabula na lomadra sa bibivoro.

Aisea 58:5

Me vaka li oqo na lolo ka'u sa vinakata, na siga me vakamalumalumutaki koya kina na tamata? me sa vakacuva li na uluna me vaka na kuta, ka tevuka nai sulu taga kei na dravusa me nonai davodavo? ko na vakatoka li na ka oqo na lolo, na siga sa vinakata ko Jiova?

Aisea 66:2

Ia na ka kecega oqo sa bulia na ligaqu, ka sa tu mai na ka kecega oqo, sa kaya ko Jiova: ia na tamata oqo ka'u na goleva, io ko koya sa yalomalumalumu ka ramusu na yalona, ka sa rerevaka na noqu vosa.

Jeremaia 36:7

Era na via vakamamasu beka e na mata i Jiova, ka dui lesu yadua mai na nona sala ca: ni sa levu na cudru kei na lesa sa cavuta ko Jiova me yaco vei ira na tamata oqo.

Jeremaia 41:5

sa qai lako mai eso mai Sikemi, kei Sailo, kei Samaria, era le walusagavulu na tamata, sa tasi na kumidra, ka sa kadresu na nodra i sulu, ka ra tava tu, era sa taura na ka me cabori kei nai madrali boi vinaka, me kau mai ki na vale i Jiova.

Jeremaia 42:10

Kevaka dou na tiko dina ga e na vanua oqo, au na qai tarai kemudou cake, ka sega ni talaraki kemudou sobu, au na tei kemudou, ka sega ni cavuti kemudou cake: ni'u sa veivutuni e na vuku ni ca ka'u sa cakava vei kemudou.

Isikeli 9:4

a sa kaya vua ko Jiova, Mo lako voli yani e na loma ni koro, e na loma i Jerusalemi, ka vola nai vakatakilakila e na yadredra na tamata era sa vutugu ka qoqolou e na vuku ni ka vakasisila kecega sa caka e na loma ni koro.

Osea 14:1

Ko iko na Isireli, mo lesu mada vei Jiova na nomu Kalou; ni ko sa bale e na nomu caka cala.

Jona 3:9

O cei e kila de sa na saumaki beka na Kalou ka veivutuni, ka lesu mai na nona cudru waqawaqa, me da kakua ni rusa?

Jona 4:2

A sa masu vei Jiova, ka kaya, Kemuni Jiova, sai koya ga oqo ka'u a kaya ni'u a tiko e na noqu vanua, se segai? sai koya talega oqo ka'u a dro vakatotolo kina ki Tasisi: ni'u a kila ko ni sa Kalou daulomasoli, ka yalololoma, ka cudru vakamalua, ka dauyalovinaka, ka sa dauveivutuni e na vuku ni ca.

Maika 7:18

O cei na Kalou me tautauvata kei kemuni, ka bokoca na caka cala, ka sa buluta na nodra talaidredre na kena vo ni nonai votavota? ka sa sega ni cudru tiko me sega ni mudu, ni sa vinakata ko koya me yalololoma.

Neumi 1:3

Sa daubera ni cudru ko Jiova, ka sa levu na nona kaukauwa, ia ena sega sara ni vakadonui ira na tamata ca: sa dua na sala i Jiova e na covulaca kei na cava, ia sa kena kuvu-ni-soso ni yavana na o.

Tiko mai na Lekutu 14:18

Ko Jiova sa vosavosa vakadede, ka sa levu na nona yalololoma, a sa sega ni sauma nai valavala ca kei na talaidredre, ia sa sega ga ni vakadonuya na tamata ca: ka sa cudruvaka na nodra caka ca na qase vei ira na luvedra, ka yacova nai katolu ni tabatamata, kei na kenai kava.

Roma 2:4

se ko sa beca beka na nona loloma levu, kei na nona vosota vakadede, kei na nona cudru vakamalua; ka ko sa sega ni vakasama ni sa tuberi iko ki na veivutuni na loloma ni Kalou?

Efeso 2:4

ia, na Kalou, sa vutu ni loloma, e na vuku ni nona loloma levu sa lomani keda kina,

1 Timoci 4:8

Ni sa yaga vakalailai ga na ogaoga vakayago: ia na lotu sa yaga e na ka kecega, ni sa yalataki kina na ka ni bula oqo, kei na ka ni bula talega ena muri mai.