Joeli 2:12 - Vakavakadewa Makawa

¹² Ia oqo ga, sa kaya ko Jiova, mo dou lesu mai vei au e na vu ni yalomudou, ka dou lolo talega, ka me vakawai na matamudou ka ia na tagi yaso:

Ai Vola Tabu (Vakadewa Makawa Vakavoutaki 2021)

¹² “Ia oqo ga,” sa kaya ko Jiova, “mo dou lesu mai vei au e na vu ni yalomudou, ka dou lolo talega, ka me vakawai na matamudou ka ia na tagi yaso;

AI VOLA TABU

¹² Ia o qo ga, sa kaya ko Jiova, mo dou lesu mai vei au e na vu ni yalomudou, o na lolo talega, kei na wai ni mata kei na tagi yaso:

Vakavakadewa Vou kei na iVola tale eso

¹² “Ia oqo ga,” sa kaya o Jiova, “Dou lesu mai vei au ena yalomudou taucoko, Dou lolo talega, ka tagi ena vakaloloku.

Ai Vola Tabu Ena Vakavakadewa Vou

¹² “Ia oqo ga,” sa kaya ko Jiova, “Dou lesu mai vei au ena yalomudou taucoko, Dou lolo talega, ka tagi ena vakaloloku.

Joeli 2:12 Iomraidhean Croise

2 Samuela 24:10

A sa beitaki Tevita na lomana ni sa wiliki ira oti na tamata. A sa kaya vei Jiova ko Tevita, Au sa kitaka na ca levu e na ka ka'u sa cakava: ia oqo, kemuni Jiova, mo ni kauta tani mada na noqu i valavala ca na nomuni tamata: ni'u sa cakava na ka lialia sara.

2 Veigauna 30:6

A sa lako ko ira sa cicitaka nai vola mai vua na tui, kei ira na nona tamata turaga, ki na veiyasana e Isireli kei Juta, ka me vaka na nona vosa na tui, ka kaya, Oi kemuni na Isireli, ni saumaki tale mai vei Jiova na Kalou i Eparaama, kei Aisake, kei Isireli, ena qai saumaki mai ko koya kivei kemuni sa vo, ka bula mai na ligadra na tui Asiria.

2 Veigauna 6:27

mo ni qai rogoca mai lomalagi, ka mo ni bokoca na nodra i valavala ca na nomuni tamata, io, na nomuni tamata na Isireli, ni kemuni sa vakavulici ira e na sala vinaka me ra lako kina; ka vakatauca na uca ki na nomuni vanua, ko ni sa solia vei ira na nomuni tamata me nodra i votavota.

Esiteri 4:16

Mo lako, mo vakasoqoni ira vata kece na Jiu era tiko e Susani, ka mo dou lolovaki au, ia mo dou kakua ni kana se gunu e na bogi se na siga, ka bogi tolu: koi au talega kei iratou na noqu goneyalewa keitou na lolo talega; ia ka'u na qai lako ga vua na tui, ia sa sega ni vaka na lawa: ia kevaka ka'u sa mate, au sa mate ga.

Lako Yani 33:5

Ni sa kaya eliu vei Mosese ko Jiova, Mo kaya vei ira na Isireli, Dou sa tamata domoqa: kevaka ka'u na lako vakalekaleka ga ki na kemudou maliwa, ka'u na vakarusai kemudou: o koya oqo, mo dou luvata tani mada vei kemudou na nomudou i ukuuku; me'u kila kina na ka me'u kitaka vei kemudou.

Aisea 22:12

Ia e na siga ko ya sa kacivi kemudou na Turaga ko Jiova ni lewe vuqa mo dou mai tagi ka tagi yaso, ka tasi ulu, ka vakaisulu e nai sulu taga:

Aisea 58:4

Raica, dou sa lolo ka sa tubu kina na veileti kei na veicudruvi, ka me veivacu kina e na ligai valavala ca: dou na sega ni lolo me vaka e na siga edaidai, me rogo kina ki cake na domomudou.

Jeremaia 3:22

Dou lesu mai, na gone sa dauvuki, ka'u na buluta na nomudou dauvuki. Mo ni raica, keimami sa lako mai vei kemuni; ni sai kemuni ko Jiova na neimami Kalou.

Jeremaia 36:7

Era na via vakamamasu beka e na mata i Jiova, ka dui lesu yadua mai na nona sala ca: ni sa levu na cudru kei na lesa sa cavuta ko Jiova me yaco vei ira na tamata oqo.

Jeremaia 4:1

Kevaka ko na lesu mai, na Isireli, sa kaya ko Jiova, mo lesu mai vei au: ia kevaka ko na biuta tani na nomu ka vakasisila e mataqu, ko na qai sega ni lako tani:

Jeremaia 4:2

ia ko na ia na bubului ka vaka, Sa bula ko Jiova, ka ia e na lomadina, kei na yalododonu, kei na cakacaka dodonu; ia era na vosavakalougatataki ira e na vukuna ko ira na lewe ni veimatanitu, ko koya talega era na vakacaucautaka.

Isikeli 33:11

Mo kaya vei ira, Me vaka na dina ni noqu bula, sa kaya na Turaga ko Jiova, au sa sega ni vinakata me mate na tamata ca; au vinakata ga me lesu mai na tamata ca mai na nonai tovo, ka me bula: dou lesu mai, dou lesu mai mai na nomudou i tovo ca; e na vuku ni cava dou sa via mate kina, koi kemudou na mataqali i Isireli?

Taniela 9:3

Ia ka'u a vaqara na mataqu vua na Turaga na Kalou, me'u vakasaqarai koya e na masumasu, kei na kere loloma, e na lolo, kei nai sulu taga, kei na dravusa:

Osea 12:6

Ia ko iko, mo lesu mai kina vua na nomu Kalou mo vakabauta nai valavala loloma kei na ka dodonu, ka waraki koya tikoga na nomu Kalou.

Osea 12:7

Sa dua na dauveivoli ko koya, ai vakarau ni bibi daulasu sa tu e ligana: sa vinakata me ia na veivakasaurarataki.

Osea 14:1

Ko iko na Isireli, mo lesu mada vei Jiova na nomu Kalou; ni ko sa bale e na nomu caka cala.

Osea 6:1

Me da mai lesu vei Jiova: ni sa ia na veidresulaki, ka sa na vakabulai keda talega ko koya; sa ia oti na veiyaviti, ia ena vauca talega ko koya na noda mavoa.

Joeli 1:13

Dou sulumaki kemudou mada e nai sulu taga, na bete, ka tagi; dou qoqolou, koi kemudou sa qarava nai cabocabo-ni-soro: dou mai curu, ka vakabogi e nai sulu taga, oi kemudou nai talatala ni noqu Kalou: ni sa bureitaki ki na vale ni nomudou Kalou nai madrali laukana kei nai madrali gunuvi.

Sakaraia 7:3

ka vosa talega vei ira na bete era tiko e na vale i Jiova ni lewe vuqa, kei ira na parofita, ka kaya, Me keitou ia tiko li na tagi e nai kalima ni vula, ka tawasei keitou, me vaka na ka keitou sa dui cakava e na veiyabaki e vuqa oqo?

Sakaraia 7:5

Mo kaya vei ira kece na lewe ni vanua, kei ira na bete, ka vaka, Ni dou a lolo ka tagi e nai kalima ni vula kei na kenai kavitu, e na yabaki e vitusagavulu ko ya, dou sa lolo li vei au, io vei au?

Malakai 1:9

Ia oqo, ka'u masuti kemudou mo dou kerekere mada vua na Kalou, me lomani keda mai: sai kemudou ga e vuna na ka oqori: me na vakadonui kemudou li ko koya? sa kaya ko Jiova ni lewe vuqa.

Cakacaka 26:20

ia ka’u sa tukuna mada eliu vei ira mai Tamasiko, kei Jerusalemi, kei na yasayasa kece vaka-Jutia, vei ira talega na veimatanitu tani, me ra veivutuni ka saumaki mai kivua na Kalou, ka kitaka nai valavala e kilikili kei na veivutuni.

Dauveilewai 2:4

Ia ni sa vosataka oti na vosa oqo ko koya na agilose i Jiova, kivei ira kecega na Isireli, era sa qai tabalaka cake na domodra ko ira na tamata, ka tagi.

Dauveilewai 20:26

Era sa qai lako cake ko ira kecega na Isireli, kei ira kecega na tamata, ka lako ki na vale ni Kalou, ka tagi, ka tiko kina e na mata i Jiova, ka lolo e na siga ko ya ka bogivaka, a ra sa vakacabora eso nai soro kama, ka so nai madrali ni veivinakati, e na mata i Jiova.

1 Samuela 7:3

A sa vosa vei ira kecega na mataqali i Isireli ko Samuela, ka kaya, Kevaka kemuni sa saumaki vei Jiova e na yalomuni taucoko, mo ni biuta na nodra kalou na kai tani kei Aseteroci mai na kemuni maliwa, ka vakarautaka na yalomuni vei Jiova, ka qaravi koya duaduaga; ena qai vakabulai kemuni ko koya mai na ligadra na kai Filisitia.

1 Samuela 7:6

A ra sa soqoni vata ki Misipa, a ra sa taki wai, ka sovara e na mata i Jiova, ka lolo e na siga ko ya, a ra sa kaya maikea, Eda sai valavala ca vei Jiova. A sa lewai ira na Isireli ko Samuela mai Misipa.