Joeli 2:10 - Vakavakadewa Makawa

¹⁰ Sa na tavuki e matadra, ko vuravura; sa na yavala na lomalagi: ena vakabutobutotaki na mata-ni-siga kei na vula, ia na kalokalo ena sega tiko ni cila mai:

Ai Vola Tabu (Vakadewa Makawa Vakavoutaki 2021)

¹⁰ Sa na tavuki e matadra ko vuravura, sa na yavala na lomalagi. Ena vakabutobutotaki na mata-ni-siga kei na vula, ia na kalokalo ena sega tiko ni cila mai.

AI VOLA TABU

¹⁰ Mai matadra, sa na tavuki ko vuravura; sa na yavala na lomalagi: a mata-ni-siga kei na vula ena vakabutobutotaki, kei na kalokalo ena kakua ni cila mai:

Vakavakadewa Vou kei na iVola tale eso

¹⁰ Sa uneune na vanua era butuka yani Ka sakure na lomalagi. Sa tabogo na matanisiga kei na vula, Ka ra tabonaka na kedra rarama na veikalokalo.

Ai Vola Tabu Ena Vakavakadewa Vou

¹⁰ Sa uneune na vanua era butuka yani Ka sakure na lomalagi. Sa tabogo na matanisiga kei na vula, Ka ra tabonaka na kedra rarama na veikalokalo.

Joeli 2:10 Iomraidhean Croise

NA SAME 114:7

Mo sautaninini, ko iko vuravura, e na mata ni Turaga, E na mata ni Kalou i Jekope;

NA SAME 18:7

Sa qai yavala ko vuravura, ka sa sautaninini Sa yavavala talega na yavu ni veiulu-ni-vanua, Sa yavala ni sa cudru ko koya.

Aisea 13:10

Ni na sega ni cila mai na kalokalo ni lomalagi kei na veikalokalo era vakayacani vata; ena butobuto na mata-ni-siga ni sa lako tu, kei na vula ena sega talega ni cila mai.

Aisea 34:4

Ena waicala yani na kalokalo kecega ni lomalagi, ka na vivigi vata na lomalagi me vaka nai vola balavu sa vivigi tu: ena lutu mai na kalokalo kecega, me vaka sa mira mai na drau ni vaini, ka vaka sa qeqera mai na vua ni lolo.

Aisea 5:30

A ra na qolouvaki ira e na siga ko ya me vaka na vadugu ni wasawasa: ia ni sa rai ki vanua e dua, raica, sa butobuto! sa ka rarawa! ka sa tabonaki na rarama e na kena o.

Jeremaia 4:23

Au a raici vuravura, ka raica, sa sega ni vakarautaki, ka sa lala tu, kei na lomalagi, ka sa sega na kena rarama.

Joeli 2:2

e dua na siga butobuto ka loaloa, a siga ni o kei na butobuto levu, me vaka na mataka ni sa kida mai e na veiulu-ni-vanua: io, e dua na mataqali lewe vuqa ka kaukauwa; sa sega sara e vakakina eliu, ena sega talega me vakakina emuri, e na veiyabaki ni tabatamata sa veitaravi.

Joeli 2:31

a mata-ni-siga ena vuki me butobuto, kei na vula me dra, ena qai yaco mai emuri na siga i Jiova, e levu ka rerevaki.

Joeli 3:4

Ia ka cava tale mo dou cakava vei au, koi kemudou mai Taia, kei Saitoni, kei na yasayasa vaka-Filisitia kecega? dou na solia beka vei au e dua na kenai sau? ia ke dou sa saumi au rawa, ke na vakatotolo ka vakasauri na noqu vakasuka na kemudoui sau ki na ulumudou.

Emosi 5:8

dou golevi koya ka buli Akituro kei Oraioni, ka sa vukica na butobuto loaloa me mataka, ia na siga sa vukica ko koya me bogi butobuto: ka sa kaciva na wai ni wasawasa, ka sovaraka sobu ki na dela i vuravura: ko Jiova na yacana:

Neumi 1:5

Na veiulu-ni-vanua sa sautaninini e na vukuna, na veiulu-ni-koro talega sa waicala, sa tavuki talega na vanua e matana, io ko vuravura, kei ira kecega era tiko kina.

Maciu 24:29

Ia ni sa oti mada na gauna rarawa ko ya, ena qai vakabutobutotaki vakasauri na mata-ni-siga, ena sega talega ni cila na rarama ni vula, ka na lutu mai lomalagi na veikalokalo, ka na veitosoyaki na veika kaukauwa ni lomalagi:

Maciu 27:51

Ka raica, sa sei rua nai lati ni vale ni soro mai na tikina e cake ka kauta kira; a sa tavuki na vanua, a sa kavida rua na veivatu lelevu;

Cakacaka 2:20

Ena vuki na mata-ni-siga me butobuto, Kei na vula me dra, Ena qai yaco emuri na siga i Jiova, Sa levu ka rogo tiko:

Vakatakila 20:11

IA ka'u a raica e dua nai tikotiko-vakaturaga e levu ka vulavula, kei koya talega sa tiko kina, a sa dro tani mai vua ko vuravura kei lomalagi; a sa sega na vanua e kune me rau tiko kina.

Vakatakila 6:12

IA ka'u sa raica ni sa cecega ko koya nai kaono ni drega, ka raica! sa tavuki vakalevu na vanua: a sa loaloa sara na mata-ni-siga me vaka nai sulu vutika ni manumanu loaloa, a sa liadra na vula;

Vakatakila 8:12

A SA uvuca nai kava ni agilose, a sa yaviti kina nai katolu ni tiki ni mata-ni-siga, kei nai katolu ni tiki ni vula, kei nai katolu ni wase ni veikalokalo: ia nai katolu ni kena wase vei ira sa vakabutobutotaki a sa sega talega ni rarama nai katolu ni wase ni siga, ka sa vaka talega kina na bogi.

Vakatakila 9:2

A sa dolava ko koya nai bulubulu e sega ni vakabotona; a sa kuvu cake na kubou mai bulu, me vaka na kubou ni lovo levu; a sa butobuto na mata-ni-siga, kei na macawa, e na vuku ni kubou sa kuvu cake mai bulu.