Joeli 2:1 - Vakavakadewa Makawa

¹ Dou uvuca na davui e Saioni, ka kacivaka nai valu e na noqu ulu-ni-vanua tabu; me ra sautaninini ko ira kecega na lewe ni vanua: ni sa lako mai na siga i Jiova, ka ni sa voleka mai;

Ai Vola Tabu (Vakadewa Makawa Vakavoutaki 2021)

¹ Dou uvuca na davui e Saioni; ka kacivaka nai valu e na noqu ulunivanua tabu! Me ra sautaninini ko ira kecega na lewe-ni-vanua, ni sa lako tiko mai na siga i Jiova, ka ni sa voleka mai—

AI VOLA TABU

¹ DOU uvuca na davui e Saioni, ka kacivaka nai valu e na noqu ulu-ni-vanua tabu; me ra sautaninini kecega na lewe ni vanua: ni sa lako mai na siga i Jiova, ni sa voleka mai;

Vakavakadewa Vou kei na iVola tale eso

¹ Dou uvuca na davui e Saioni; Dou vakatagica na alamu Ena noqu ulunivanua tabu! Dou sautaninini na leweniveivanua, Ni sa lako mai na siga i Jiova.

Ai Vola Tabu Ena Vakavakadewa Vou

¹ Dou uvuca na davui e Saioni; Dou vakatagica na alamu Ena noqu ulunivanua tabu! Dou sautaninini na leweniveivanua, Ni sa lako mai na siga i Jiova.

Joeli 2:1 Iomraidhean Croise

1 Veigauna 15:28

A ra sa kauta mai na kato ni veiyalayalati i Jiova ko ira kece na Isireli e na kaikaila, kei na domo ni koneti kei na davui, kei na sibali kei na soliteri, kei na api.

NA SAME 119:120

Sa sautaninini na lewequ ni'u rere vei kemuni; Ka'u sa rerevaka na nomuni lewa.

NA SAME 87:1

A nona yavu sa tu mai na ulu-ni-vanua tabu.

Lako Yani 10:14

Ia na vodre sa lakova na vanua taucoko ko Ijipita, ka tiko ga e na veiyasana kecega mai Ijipita: era ka rerevaki sara, sa sega na vodre e tautauvata kaya eliu, ena sega talega me tautauvata emuri.

Aisea 13:6

Dou qoqolou; ni sa voleka na siga i Jiova; ena yaco me vaka na veivakarusai maivei Koya na Kaukauwa.

Aisea 13:9

Raica, sa toro mai na siga ni Jiova, sa ka rarawa dina sara e na cudru levu kei na cudru waqawaqa, me vakarusa na vanua: ia ena vaqeavutaka ko koya na kena tamata i valavala ca.

Aisea 2:12

Ia ena dua na siga i Jiova ni lewe vuqa vei ira kecega era sa yalolevu ka viavialevu, kei ira kecega era sa vakaceceretaki; ia ena vakamalumalumutaki:

Aisea 66:2

Ia na ka kecega oqo sa bulia na ligaqu, ka sa tu mai na ka kecega oqo, sa kaya ko Jiova: ia na tamata oqo ka'u na goleva, io ko koya sa yalomalumalumu ka ramusu na yalona, ka sa rerevaka na noqu vosa.

Aisea 66:5

Dou rogoca na vosa i Jiova, koi kemudou sa rerevaka na nona vosa; Ko ira na wekamudou, ka cati kemudou, ka biuti kemudou tani e na vuku ni yacaqu, era sa kaya, Me vakarokorokotaki ko Jiova: ia ena rairai ga ko koya mo dou reki kina, ka ra na madua ga ko ira.

Jeremaia 16:10

Ia ena yaco, ni ko sa tukuna vei ira na tamata oqo na vosa kecega oqo, ka ra sa kaya vei iko, A cava sa cavuta kina ko Jiova vei keimami na ka ca levu kece oqo? se cava beka na neimami caka cala? se cava na neimami valavala ca keimami sai valavala ca kina vei Jiova na neimami Kalou?

Jeremaia 16:7

era na sega talega ni ia na dovi madrai e na vukudra e na somate, me vakacegui ira e na vuku ni mate; era na sega talega ni solia vei ira na bilo ni veivakacegui me ra gunuva e na vuku ni tamadra se na tinadra.

Jeremaia 4:5

Dou tukuna mai Juta, ka vakarogorogoya mai Jerusalemi; ka kaya, Dou uvuca na davui e na vanua: dou kaci yani, dou soqoni vata, ka kaya, Dou soqoni vata mai, me da la'ki curuma na veikoro vakabai.

Jeremaia 5:22

dou sa sega beka ni rerevaki au? sa kaya ko Jiova: dou na sega beka ni sautaninini e mataqu, ka'u sa yalana na waitui e na nuku me sa sega ni sivia e na dua nai lesilesi e sega ni mudu: ia ke sa vakauaua, ke sa sega ni gumatua rawa; ke sa vadugu, ke sa sega ni sivia mai?

Isikeli 12:23

O koya oqo mo tukuna kina vei ira, Sa kaya vakaoqo na Turaga ko Jiova; Au na muduka na vosa vakaibalebale ko ya, a ra na sega ni cavuta tale me vosa vakaibalebale e Isireli; ia mo kaya ga vei ira, Sa voleka mai na kena gauna, kei nai vakadinadina ni raivotu kecega.

Isikeli 21:12

Mo tagi ka qoqolou, ko iko na luve ni tamata: ni na tauci ira na noqu tamata, ena tauci ira kecega na turaga ni Isireli: ena tauci ira na noqu tamata na rerevaka nai seleiwau: o koya oqo mo lali dibi kina.

Isikeli 30:3

Ni sa voleka mai na siga, io, sa voleka mai na siga i Jiova, na siga loaloa; ena kedra gauna na veimatanitu.

Isikeli 33:3

ke sa raica ko koya nai seleiwau ni sa lako tiko mai ki na vanua, ka sa uvuca na davui, ka vakasalataki ira na tamata;

Isikeli 33:6

Ia kevaka sa raica ko koya nai vakatawa ni sa lako tiko mai nai seleiwau, ka sa sega ni uvuca na davui, ka ra sa sega ni vakasalataki na tamata; kevaka sa yaco mai nai seleiwau, ka sa mate kina e dua vei ira na tamata, sa mate yani ko koya e na nonai valavala ca; ia na nona mate ka'u na taroga vua nai vakatawa.

Isikeli 7:10

Dou raica na kena siga, raica, sa yaco mai: sa lako tu yani na mataka; sa seraki mai na taba ni kau, sa kubu mai na viavialevu.

Isikeli 7:12

Sa yaco na kena gauna, sa toro voleka mai na siga: me kakua ni reki ko koya sa voli ka: me kakua talega ni tagi ko koya sa volitaka: ni sa cudruvi kecega na kedra lewe vuqa.

Taniela 6:26

E dua na lawa ka'u sa vakatura, ka vaka, E na veiyasana kecega e na noqu matanitu, me ra sautaninini ka rere ga na tamata e na mata ni Kalou i Taniela: ni sa Kalou bula ko koya, ka dei na nona tiko ka sega ni mudu, ia na nona matanitu ena sega ni ca rawa, kei na nona lewa ena yacova nai otioti.

Taniela 9:16

Kemuni na Turaga, me vaka na nomuni cakacaka dodonu kece, me suka tani mada ga na nomuni cudru kei na nomuni lesa mai na nomuni koro ko Jerusalemi, na nomuni ulu-ni-vanua tabu: ia na neimami valavala ca, kei na nodra caka ca na neimami qase, sa vuna na kena vakarogocataki ko Jerusalemi kei ira na nomuni tamata vei ira kece era tiko vakavolivoliti keimami.

Taniela 9:20

Ia ni'u a vosa tiko, a masu, ka vakatusa na noqu i valavala ca, kei na nodra i valavala ca na kai noqu na Isireli, ka ni'u sa tauca na noqu kere loloma e na mata i Jiova na noqu Kalou e na vuku ni ulu-ni-vanua tabu ni noqu Kalou:

Osea 5:8

Dou uvuca na koneti mai Kipea, kei na davui mai Rama; tabalaka na kaila mai Peci-aveni, sa cicimuri iko, ko iko Penijamini.

Osea 8:1

Me toka ki na gusumu na davui, ka kaya, Ena lako mai ko koya, me vaka na ikeli, ki na vale i Jiova, ni ra sa vakacataka na noqu veiyalayalati, ka ra sa talaidredre ki na noqu vunau.

Joeli 1:15

Ulei na siga ko ya! ni sa voleka na siga i Jiova, ia ena yaco mai me vaka na veivakarusai maivei Koya sa Kaukauwa.

Joeli 2:11

ia ko Jiova ena tabalaka na domona ni sa liutaki ira na nona mataivalu: ni sa ka levu sara na nonai valu: sa kaukauwa talega ko koya sa vakayacora na nona vosa: sa ka levu na siga i Jiova ka rerevaki sara; ia ko cei me na vosota rawa?

Joeli 2:15

Dou uvuca na davui e Saioni, dou vakatabuya na siga me ia kina na lolo, kacivaka me dua mada nai soqosoqo tabu:

Joeli 2:31

a mata-ni-siga ena vuki me butobuto, kei na vula me dra, ena qai yaco mai emuri na siga i Jiova, e levu ka rerevaki.

Joeli 3:14

Na kedra lewe vuqa, na kedra lewe vuqa e na buca ni veicudruvi! ni sa voleka mai na siga i Jiova e na buca ni veicudruvi.

Joeli 3:17

Dou na qai kila kina ni sai au ko Jiova na nomudou Kalou ka tiko mai Saioni, na noqu ulu-ni-vanua tabu: ena qai tabu ko Jerusalemi, ka na sega tale na kai tani me lako voli kina.

Emosi 3:6

Me na uvuci li na davui e loma ni koro, ka sega ni rere kina na tamata? me dua li na ca e na koro, me na sega ni vakayacora ko Jiova?

Emosi 5:18

E ca vei kemudou sa gadreva me yaco na siga i Jiova! e vaka tale evei na kena yaga vei kemudou? a siga i Jiova sa butobuto, ka sega ni rarama.

Emosi 8:2

A sa tarogi au ko koya, A cava ko sa raica, Emosi? Au a kaya, E dua na sova vuata dreu. Sa qai kaya vei au ko Jiova, Sa yaco mai nai vakataotioti vei ira na noqu tamata na Isireli; au na sega sara ni vosoti ira tale.

Opetaia 1:15

Ni sa voleka mai na siga i Jiova vei ira kece na veimatanitu: ka me vaka na ka ko sa cakava, ena caka vakakina vei iko: na kemui sau ena lauta na ulumu.

Sefanaia 1:14

Sa voleka mai na siga i Jiova na siga ka uasivi, sa voleka mai, io sa kusa sara mai; a domo ni siga i Jiova, sa ka rarawa na nona tagi kina na tamata qaqa.

Sefanaia 1:16

a siga ni davui kei na kaila ni valu, ki na veikoro vakabai, kei na veivale ni valu e cecere.

Sefanaia 1:7

Mo tiko lo e na mata ni Turaga ko Jiova: ni sa voleka mai na siga i Jiova: ni sa vakarautaka ko Jiova e dua me vakamatei, ka sa lesi ira sa sureta ko koya.

Sefanaia 3:11

E na siga ko ya ko na sega ni madua e na vuku ni nomu i valavala kecega, ko a talaidredre kina vei au: ni'u na qai kauti ira tani maivei iko na kai nomu era yalodaumarau vakaqaciqacia; ia ko na sega ni viavialevu tale e na noqu ulu-ni-vanua tabu.

Sakaraia 14:1

Raica, sa lako mai na siga i Jiova, ena qai votai kina na kemui toki ni valu e na kemu maliwa.

Sakaraia 8:3

Sa kaya vakaoqo ko Jiova; Au sa qai lesu mai ki Saioni, ia ka'u na tiko ga e na loma i Jerusalemi: ena vakatokai talega ko Jerusalemi, me koro daudina; kei na ulu-ni-vanua i Jiova ni lewe vuqa, me ulu-ni-vanua tabu.

Malakai 4:1

Ia raica, sa lako mai na siga ko ya, ena waqa me vaka na lovo; ia ko ira kece era viavialevu, kei ira kece sa caka ca, era na vaka na vu-ni-sila: ia ena vakamai ira na siga ko ya sa lako mai, sa kaya ko Jiova ni lewe vuqa, me kakua kina ni vo vei ira na wakana se na tabana.

Tiko mai na Lekutu 10:2

Mo cakava vei iko e rua na davui siliva; mo cakava e na siliva sa lautuki: ia mo uvuca me ra vakasoqoni vata kina nai vavakoso taucoko, ka me ra cavu tu kina me lako talega na veivavakoso.

Tiko mai na Lekutu 10:3

Ia ni ra sa uvuca, me ra qai soqoni vata vei iko nai vavakoso taucoko ki na katuba ni vale ni veitavaki.

1 Korinica 14:8

Ia kevaka ena rorogo na davui-ni-valu ka sega ni kilai na kena rorogo, o cei ena vakarautaki koya me laki valu?

Filipai 2:12

Ia koi kemudou, kau sa daulomana, me vaka na nomudou talairawarawa e na veigauna sa oti, dou sa sega ni ia walega niu sa tiko vei kemudou, dou sa uasivi cake kina niu sa takali, dou kitaka vakakina na cakacaka dou sa bula sara kina e na rere kei na sautaninini.

1 Cesalonaika 5:2

Ni dou sa kila dina sara vakataki kemudou ni na lako mai na siga ni Turaga, me vaka na daubutako e na bogi.

Jemesa 5:8

Dou wawa talega koi kemudou; vakataudeitaka na yalomudou: ni sa roro mai na nona lako mai na Turaga.

1 Pita 4:7

Ia ka sa voleka nai vakataotioti ni ka kecega: dou yalomatua kina, ka dauyadrava na masumasu.

Vakatakila 6:17

ni sa qai yaco mai na siga dina ni nona cudru; ia ko cei ena yatedei me na tu dei rawa?