Joeli 1:4 - Vakavakadewa Makawa

⁴ A ka sa vakavoca na vodre dauquru, sa kania na vodre dina; kei na ka sa vakavoca na vodre dina, sa kania na vodre dramidrami; kei na ka sa vakavoca na vodre dramidrami, sa kania na nuve.

Ai Vola Tabu (Vakadewa Makawa Vakavoutaki 2021)

⁴ A ka sa vakavoca na vodre dauquru, sa kania na vodre dina; kei na ka sa vakavoca na vodre dina, sa kania na vodre dramidrami, kei na ka sa vakavoca na vodre dramidrami, sa kania na vodre dauvakacaca.

AI VOLA TABU

⁴ A ka sa voca na vodre dauquru, sa kania na vodre dina; kei na ka sa voca na vodre dina, sa kania na vodre dramidrami; kei na ka sa voca na vodre dramidrami, sa kania na nuve.

Vakavakadewa Vou kei na iVola tale eso

⁴ A ka sa vakavoca na vodre dauquru, Sa kania na vodre dina, A ka sa vakavoca na vodre dina, Sa kania na vodre dramidrami. A ka sa vakavoca na vodre dramidrami, Sa kania na kena yavato.

Ai Vola Tabu Ena Vakavakadewa Vou

⁴ A ka sa vakavoca na vodre dauquru, Sa kania na vodre dina, A ka sa vakavoca na vodre dina, Sa kania na vodre dramidrami. A ka sa vakavoca na vodre dramidrami, Sa kania na kena yavato.

Joeli 1:4 Iomraidhean Croise

1 Tui 8:37

Kevaka sa dausiga na vanua, kevaka sa dua na mate levu, kevaka sa ca mai nai teitei, se malai levu, se kania na vodre, se na nuve; kevaka era sa bukuya na druadrua e na vanua ni nodra veikoro ko ira na meca; kevaka sa dua na rarawa levu, se dua na mate;

2 Veigauna 6:28

Kevaka sa dausiga na vanua, kevaka sa dua na mate levu, kevaka sa kania nai teitei na cagi todra, se dua na malai levu, se na vodre, se na nuve; kevaka sa buku druadrua ko ira na meca e na veikoro ni nodra vanua; kevaka sa dua na rarawa levu, se dua na mate;

2 Veigauna 7:13

Kevaka ka'u sa sogoti lomalagi me sega kina ni tau na uca, se'u vakarota na vodre me kania na vanua, se'u tala na mate levu ki na kedra maliwa na noqu tamata;

NA SAME 105:34

Sa vosa, ka sa lako mai na vodre, Kei na nuve, era sa sega ni wili rawa,

NA SAME 78:46

Ka sa solia talega na nodra vuata ki na nuve, Kei na ka era oca kina ki na vodre.

Lako Yani 10:4

ia kevaka ko sa bese tiko ni laivi ira na noqu tamata me ra lako, raica, e na mataka ka'u na kauta mai na vodre ki na nomu veiyasana:

Lako Yani 10:5

ia era na ubia na dela ni vanua, me kakua ni raici rawa na vanua: a ra na kania na ka sa vo ka bula tiko, o koya sa vakavoca vei kemuni na uca-cevata, ka kania na kau kecega sa tubu mai na vanua me kemudou:

Aisea 33:4

Ia na nomudou i toki ni valu ena kumuni me vaka sa daukumuna na banuve; me vaka na nodra veiladeyaki na vodre ena ladeva vakakina na ka oqori.

Jeremaia 51:14

Sa bubului ko Jiova ni lewe vuqa ka sa cavuti koya, ka kaya, E dina au na vakaosoosoi iko e na tamata, me vaka na nuve; a ra na kailataki iko vakaivalu.

Jeremaia 51:27

Dou vakarewataka na kuila e na vanua, uvuca na davui e na veivanua, vakarautaka na veivanua me ra vala kaya, kacivi ira na lewe ni veimatanitu ni Ararata, kei Mini, kei Asikenasi, me ra mai la'ki kabai koya; lesia e dua me kena kapiteni ni valu; me vakauti ira cake mai na ose me vaka na nuve cocogaigai.

Joeli 2:25

Ia ka'u na solia tale vei kemudou na vuata ni veiyabaki sa kania na vodre dina kei na vodre dramidrami, kei na nuve, kei na vodre dauquru, na noqu i valu levu ka'u a tala yani vei kemudou.

Emosi 4:9

Au a cudruvi kemudou e na cagi todra kei na bokata: ni sa levu mai na nomudou veiwere, kei na nomudou veiwere-ni-vaini, kei na nomudou veilolo, kei na nomudou veiolive, sa kania ga na vodre dauquru: ia dou a sega ni lesu vei au, sa kaya ko Jiova.

Emosi 7:1

Sa vakaoqo na ka e vakaraitaka vei au na Turaga ko Jiova; ka raica, sa bulia na vodre ni sa qai tekivu me tubu na co emuri; ka raica, sa kena co emuri oqo ni sa tamusuki oti na nona co na tui.

Malakai 3:11

Ia ka'u na vunauca na dauvakacaca e na vukumudou, me kakua ni vakacacana na vua ni nomudou qele; ena sega talega ni sewaruta na vua ni nomudou vaini e na were, sa kaya ko Jiova ni lewe vuqa.

Vakarua 28:38

E levu na sore ni sila ko ni na kauta yani ki na nomuni were, ka lailai na ka ko ni na yauta tale mai; ni ra na kania na vodre.

Vakarua 28:42

Ena kania na nomuni kau kecega kei na vuata ni nomuni vanua na vodre.