Joeli 1:13 - Vakavakadewa Makawa

¹³ Dou sulumaki kemudou mada e nai sulu taga, na bete, ka tagi; dou qoqolou, koi kemudou sa qarava nai cabocabo-ni-soro: dou mai curu, ka vakabogi e nai sulu taga, oi kemudou nai talatala ni noqu Kalou: ni sa bureitaki ki na vale ni nomudou Kalou nai madrali laukana kei nai madrali gunuvi.

Ai Vola Tabu (Vakadewa Makawa Vakavoutaki 2021)

¹³ Dou sulumaki kemudou mada e nai sulu taga na bete, ka tagi; dou qoqolou, koi kemudou sa qarava nai cabocabo-ni-soro. Dou mai curu, ka vakabogi e nai sulu taga, oi kemudou nai talatala ni noqu Kalou! Ni sa bureitaki ki na vale ni nomudou Kalou nai madrali laukana kei nai madrali gunuvi.

AI VOLA TABU

¹³ Dou vauci kemudou, na bete, ka osima: dou qoqolou, sa qarava nai cabocabo-ni-soro: dou mai curu, ka vakabogi e nai sulu taqarotu, oi kemudou nai talatala ni noqu Kalou: ni sa bureitaki ki na vale ni nomudou Kalou nai madrali laukana kei nai madrali gunuvi.

Vakavakadewa Vou kei na iVola tale eso

¹³ Dou vakaisulu taga na bete ka tagi Oi kemudou na bete dauvakacaboisoro! Dou curu ki loma ni Valenisoro Ka vakaloloku ena bogi taucoko! Sa sega sara na sila se na waini Me i madrali vua na nomudou Kalou.

Ai Vola Tabu Ena Vakavakadewa Vou

¹³ Dou vakaisulu taga na bete ka tagi Oi kemudou na bete dauvakacaboisoro! Dou curu ki loma ni Valenisoro Ka vakaloloku ena bogi taucoko! Sa sega sara na sila se na waini Me i madrali vua na nomudou Kalou.

Joeli 1:13 Iomraidhean Croise

2 Samuela 12:16

A sa vakamasuta na Kalou ko Tevita e na vuku ni gone; a sa lolo ko Tevita, ka curu, ka koto e na qele ka siga mai.

1 Tui 21:27

Ia ni sa rogoca na vosa oqo ko Eapi, sa dresulaka na nonai sulu, ka vakaisulutaki koya e nai sulu taga, ka lolo, ka koto e nai sulu taga, ka lako voli vakamalumalumu.

Aisea 22:12

Ia e na siga ko ya sa kacivi kemudou na Turaga ko Jiova ni lewe vuqa mo dou mai tagi ka tagi yaso, ka tasi ulu, ka vakaisulu e nai sulu taga:

Aisea 61:6

Ia koi kemudou, dou na vakatokai na bete i Jiova, dou na vakayacani nai talatala ni noda Kalou: dou na kania na nodra i yau na veimatanitu, ia dou na taukena talega na nodra lagilagi.

Jeremaia 4:8

E na vuku ni ka oqo dou vauca vei kemudou nai sulu taga, dou tagi ka qoqolou: ni sa sega ni suka tani vei keda na cudru waqawaqa i Jiova.

Jeremaia 9:10

E na vuku ni veiulu-ni-vanua ka'u na ia na tagi kei na qoqolou, kei na lele e na vuku ni veikoro ni veikau, ni sa kama, me sega e dua e lakova; ena sega ni rogoci kina na tagi ni manumanu; a manumanu vuka kei na manumanu ni vanua sa dro; sa ra yali.

Isikeli 21:12

Mo tagi ka qoqolou, ko iko na luve ni tamata: ni na tauci ira na noqu tamata, ena tauci ira kecega na turaga ni Isireli: ena tauci ira na noqu tamata na rerevaka nai seleiwau: o koya oqo mo lali dibi kina.

Isikeli 27:31

ka ra na tasia sara na uludra e na vukumu, ka vauci ira e nai sulu taga, ka ra na tagicaki iko, ni sa rarawa na lomadra, ka ra na qoqolou e na rarawa.

Isikeli 7:18

A ra na vauci ira e nai sulu taga, ena nodra i tutuvi talega na domobula; era na matamadua ko ira kecega, era na ulu cou ko ira kece talega.

Osea 9:5

A cava mo dou qai cakava e na siga ni so tabu, kei na siga ni so levu i Jiova?

Joeli 2:12

Ia oqo ga, sa kaya ko Jiova, mo dou lesu mai vei au e na vu ni yalomudou, ka dou lolo talega, ka me vakawai na matamudou ka ia na tagi yaso:

Joeli 2:14

O cei sa kila, se na lesu beka ga ko koya ka veivutuni, ka laiva ki muri na ka ni veivakalougatataki; io, nai madrali laukana kei nai madrali gunuvi vei Jiova na nomudou Kalou?

Joeli 2:17

Me ra mai tagi na bete e na macawa ni curucuru ni vale kei nai cabocabo-ni-soro, ka me ra kaya, Mo ni yalololoma mai, Jiova, vei ira na nomuni tamata, ka kakua ni solia na nomuni votavota me vakarogocataki, ka me lewai ira ko ira na veimatanitu: me ra veikayaka vakacava ko ira na veimatanitu, Sa evei li na nodra Kalou?

Tiko mai na Lekutu 28:14

Ia na kedrai madrali liviraki me waini e lima na paidi ki na pulumokau, ka tolu na paidi ka levu cake ki na sipi tagane, ka rua na paidi ka levu cake ki na lami: oqo nai soro kama e na vula yadua, e na yabaki taucoko.

Tiko mai na Lekutu 28:4

Mo vakacabora e dua na lami e na mataka, ka vakacabora na kenai karua ni lami e na yakavi;

Tiko mai na Lekutu 28:7

Ia na kenai madrali liviraki e rua na paidi ka levu cake ki na lami e dua: mo liviraka e na tikina tabu na waini mei madrali liviraki vei Jiova.

Tiko mai na Lekutu 29:6

mei kuri ni soro kama ni vula vou, kei na kenai madrali laukana, kei nai soro kama sa ia tikoga, kei na kenai madrali laukana, kei na kedrai madrali liviraki, me vaka na kenai valavala, me ka boi vinaka, na ka sa vakacabori e na bukawaqa vei Jiova.

1 Korinica 4:1

Me vakasami keitou na tamata yadua, ni keitou sa nona tamata cakacaka na Karisito, kei nai talatala e na veika vuni ni Kalou.

1 Korinica 9:13

Dou sa sega beka ni kila, ni ra sa kana e na ka ni vale-ni-soro ko ira sa dauia na cakacaka tabu? era sa rawata na kedra mai nai cabocabo-ni-soro ko ira era sa dauqarava nai cabocabo-ni-soro?

2 Korinica 11:23

Era sai talatala i Karisito? (au sa vosa me vaka na lialia,) au sa uasivi cake; au a daucakacaka vakalevu cake, au a yaviti vakalevu sara, au a tiko vakavuqa cake e na vale ni veivesu, au a voleka ni mate vakavuqa.

2 Korinica 3:6

o koya sa vakarautaki keitou me keitou sai talatala ni veiyalayalati vou: a sa sega ni vaka sa volai, a ka vakayalo ga; ni sa ia na veivakamatei na ka sa volai, ka sa ia na veivakabulai na ka vakayalo.

2 Korinica 6:4

ia e na ka kecega keitou sa vakadinadina ni keitou sai talatala ni Kalou, e na dauvosota sara, e na ka rarawa, e na veivakasaurarataki, e na yaluma,

Vakatakila 11:3

Ia ka'u na solia vei rau na noqu i talatala, me rau parofisai rawa ka siga e dua na udolu ka rua na drau ka onosagavulu, ka rau na vakaisulu e nai sulu taga.