Jeremaia 9:7 - Vakavakadewa Makawa

⁷ O koya oqo sa kaya kina ko Jiova ni lewe vuqa, Raica, au na vakaririgi ira me vaka na siliva, ka vakatovolei ira; se cava me'u cakava e na vukuna na goneyalewa ni noqu tamata?

Ai Vola Tabu (Vakadewa Makawa Vakavoutaki 2021)

⁷ O koya oqo sa kaya kina ko Jiova-ni-lewevuqa, Raica, au na vakaririgi ira me vaka na siliva, ka vakatovolei ira; se cava me'u cakava e na vukuna na goneyalewa ni noqu tamata?

AI VOLA TABU

⁷ O koya o qo sa vosa vakaoqo kina ko Jiova ni lewe vuqa, Raica, au na vakaririgi ira me taka na siliva, ka vakatovolei ira; niʼu na cakacaka vakaevei e na vukuna na gonealewa ni noqu tamata?

Vakavakadewa Vou kei na iVola tale eso

⁷ Ena vuku ni ka oqo Sa kaya kina o Jiova, “Au na vakasavasavataki ira na noqu tamata Me vaka na vakasaqari ni kaukamea Ena gauna e buli kina. Kau na biuta na veivakatovolei e matadra. Era sa cakava na veika ca, Se cava tale me'u cakava vei ira.

Ai Vola Tabu Ena Vakavakadewa Vou

⁷ Ena vuku ni ka oqo Sa kaya kina ko Jiova, “Au na vakasavasavataki ira na noqu tamata Me vaka na vakasaqari ni kaukamea Ena gauna e buli kina. Kau na biuta na veivakatovolei e matadra. Era sa cakava na veika ca, Se cava tale me'u cakava vei ira.

Jeremaia 9:7 Iomraidhean Croise

2 Samuela 13:26

A sa kaya ko Apisalomi, Ia kevaka e segai, me lako mada kei keitou ko Aminoni na tuakaqu. A sa kaya vua na tui, A cava me lako kina kei iko ko koya?

2 Veigauna 36:15

A sa talai ira na nonai talatala kivei ira ko Jiova na Kalou ni nodra qase, sa sou e na mataka, ka talai ira; ni sa yalololoma ko koya vei ira na nona tamata, kei na yasana sa dautiko kina ko koya.

NA SAME 120:4

Sa vaka na gasau gagata ni tamata qaqa, Kei na qilaiso ni junipa sa waqa tu.

NA SAME 55:22

Mo biuta vei Jiova na nomu i colacola bibi, ena tokoni iko ko koya: Ena sega ni laivi ira na yalododonu me ra vakayavalataki e na dua na gauna.

NA SAME 62:5

Na yaloqu, mo wawa tikoga vua na Kalou; Ni sa vu mai vei koya ga na ka ka'u nuitaka tiko.

Aisea 1:25

Ia ka'u na tarai iko mada, ka sava tani laivi na nomu de ni kaukamea, ka kauta tani kecega na nomu ca:

Aisea 48:10

Raica, ka'u a vakatovolei iko e na buka, ka sa sega ni vaka na siliva; ka'u a digitaki iko e na kuro qele ni veivakararawataki.

Aisea 59:3

Ni sa dukadukali na ligamudou e na dra, kei nai qaqalo ni ligamudou e na caka cala; a tebenigusumudou sa vosa lasu; ka sa cavuta na ka ca na yamemudou.

Jeremaia 31:20

Sa noqu gone ni toko ko Ifireimi, se segai? sa gone daulomani, se segai? ni'u a vosataki koya vakaca, ka'u sa daunanumi koya tikoga: o koya oqo sa yavala kina na ketequ e na vukuna; ka'u na lomani koya sara, sa kaya ko Jiova.

Jeremaia 5:1

Dou veiciciyaki e na sala ni koro ko Jerusalemi, ka raica mada, ka kila, ka vakasaqara e na kena saqata, se dou sa kunea rawa e dua na tamata, se dua sa ia na lewa dodonu, se goleva na ka dina; ka'u na qai sega ni cudruva.

Jeremaia 6:27

Au sa lesi iko mo vale cecere e na kedra maliwa na noqu tamata, mo vale kaukauwa, mo kila ka vakatovolea kina na nodra i valavala:

Osea 4:1

Dou rogoca na vosa i Jiova, koi kemudou na Isireli: ni sa dua na veileti i Jiova kei ira na lewe ni vanua, ni sa sega na vosa dina, se na loloma, ka sa sega ni kilai na Kalou e na vanua.

Sakaraia 13:9

Ia ka'u na vakauta nai katolu ni wase e loma ni bukawaqa, ka vakasavasavataki ira me vaka sa vakasavasavataki na siliva, ka vakatovolei ira me vaka sa vakatovolei na koula: era na masuta na yacaqu ko ira, ia koi au talega ka'u na rogoci ira: au na kaya, Era sa noqu tamata ko ira: ia ko ira talega era na kaya, sa neimami Kalou Ko Jiova.

Malakai 3:3

ia ena tiko ko koya me vakawaicalataka ka vakasavasavataka na siliva: ia ena vakasavasavataki ira na Livai, ka savai ira me vaka na koula kei na siliva, me ra vakacabora vei Jiova nai madrali sa dodonu.

1 Pita 1:7

me sa kune kina na nomudou vakabauta ni sa vakatovolei, me talei vakalevu sara ka talei vakalailai na koula sa caca rawa ni sa vakatovolei e na bukawaqa, me ka ni vakavinavinaka, ka me dokai ka me vakacaucautaki, ni na rairai mai ko Jisu Karisito:

1 Pita 4:12

Oi kemudou sa lomani, kakua ni kidacala e na vuku ni rarawa katakata sa yaco me vakatovolei kemudou, me vaka sa yacovi kemudou na ka tani: