Jeremaia 9:26 - Vakavakadewa Makawa

²⁶ ko Ijipita, kei Juta, kei Itomi, kei na kawa i Amoni, kei Moapi, kei ira kece mai na veiyalayala, era sa tiko ga mai na veikau: ni ra sa sega ni cili ko ira na veimatanitu kecega oqori, ia na mataqali kece ni Isireli sa sega ni cili na yalodra.

Ai Vola Tabu (Vakadewa Makawa Vakavoutaki 2021)

²⁶ ko Ijipita, kei Juta, kei Itomi, kei na kawa i Amoni, kei Moapi, kei ira kece mai na veiyalayala era sa tiko ga e na vanua dravuisiga. Ni ra sa sega ni cili ko ira na veimatanitu kecega oqori, kei na vale kece i Isireli sa sega ni cili na yalodra.”

AI VOLA TABU

²⁶ ko Ijipita, kei Juta, kei Itomi, kei na luve i Amoni, kei Moapi, kei ira kece mai na veiyalayala, era sa tiko ga mai na veikau: ni sa tawa cilivi na veimatanitu kecega o qori, ia na mataqali kece nei Isireli era sa tawa cilivi e na yalodra.

Vakavakadewa Vou kei na iVola tale eso

²⁶ E Ijipita, Juta kei Itomi, o ira na luve i Amoni kei Moapi kei ira kece era tiko ena vanua dravuisiga ka sa kotiva na tutu ni drau ni uludra; ka ni ra sa tawa cili; sa tawa cili vaka talega e lomadra na Isireli.”

Ai Vola Tabu Ena Vakavakadewa Vou

²⁶ E Ijipita, Juta kei Itomi, o ira na luve i Amoni kei Moapi kei ira kece era tiko ena vanua dravuisiga ka sa kotiva na tutu ni drau ni uludra; ka ni ra sa tawa cili; sa tawa cili vaka talega e lomadra na Isireli.”

Jeremaia 9:26 Iomraidhean Croise

Jeremaia 10:1

Dou rogoca na vosa sa tukuna ko Jiova vei kemudou na mataqali i Isireli:

Jeremaia 4:4

Dou cilivi kemudou mo dou nei Jiova, ka kauta tani na vuso ni yalomudou, koi kemudou na kai Juta kei na lewe i Jerusalemi: de lako yani me vaka na bukawaqa na noqu cudru, ka waqa me sega e dua e bokoca rawa, e na vuku ni kena ca ni nomudou i valavala.

Jeremaia 40:11

Ia ko ira kece na Juta mai Moapi, vei ira talega na luve i Amoni, mai Itomi talega, kei ira mai na veivanua kece, ni ra sa rogoca ni sa laiva tu yani ko tui Papiloni na kedra vo ni Juta, ka sa lesi Kitalaia na luve i Eaikami na luve i Safani, me lewai ira;

Jeremaia 49:32

Ia na nodra kameli, ena yaco mei toki ni valu; kei na nodra manumanu e vuqa, me ka e tokitaki: ia ka'u na dui vakasevi ira era tiko e nai yalayala sa yawa sara ki na mata ni cagi kecega; ia ka'u na vakayacora na nodra ka rarawa mai na kena veiyasana kece, sa kaya ko Jiova.

Jeremaia 6:10

Me'u vosa vei cei, ka ia kina na vakatusa, me ra rogoca? raica, sa sega ni cilivi na daligadra, a ra sa sega ni vakarorogo rawa: raica, na vosa i Jiova sai tukutuku ca vei ira; era sa sega ni vinakata.

Isikeli 31:18

Ko sa qai vakataki cei beka e nai ukuuku kei na kemu levu cake e na kau ni Iteni? ia dou na kau sobu vata ga kei ira na kau ni Iteni ki na ruku i vuravura: dou na koto vata ga kei ira sa sega ni cili, kei ira era vakamatei e nai seleiwau. Sai koya oqo ko Fero kei ira kecega na nona lewe vuqa, sa kaya na Turaga ko Jiova.

Isikeli 32:19

O sa lagilagi cake vei cei li? mo lako sobu ga, ka koto vata kei ira era sa sega ni cilivi.

Isikeli 44:7

ni dou a kauti ira mai na kai tani, sa sega ni cilivi na yalodra, ka sega ni cilivi na yagodra, me mai tiko e na noqu tikina tabu, me vakacacana, io na noqu vale, ni dou a vakacabora tiko na noqu madrai, kei na uro kei na dra, ka ra sa vakacacataka na noqu veiyalayalati e na vuku ni nomudou i valavala vakasisila kecega.

Isikeli 44:9

Sa kaya vakaoqo na Turaga ko Jiova; Me kakua e dua na kai tani e sega ni cilivi na yalona, ka sega ni cilivi na yagona, me curuma na noqu vale tabu, io e dua vei ira na kai tani sa tiko vata kei ira na Isireli.

Vunau ni Soro 26:41

ni'u sai valavala vakatani talega vei ira, ka kauti ira ki na vanua ni nodra meca; kevaka sa qai malumalumu mai na lomadra sa sega ni cilivi, a ra sa qai vakadonuya nai sau ni nodra i valavala ca:

Cakacaka 7:51

Oi kemudou na yalokaukauwa, ka sega ni cili na yalomudou, kei na daligamudou, dou sa dauvorata tikoga na Yalo Tabu; ia koi kemudou dou sa kitaka me vakataki ira na nomudou qase.

Vakarua 30:6

Ena ciliva talega na yalomuni ko Jiova na nomuni Kalou, kei na yalodra na nomuni kawa, mo ni lomani Jiova kina na nomuni Kalou e na lomamuni taucoko, kei na yalomuni taucoko, mo ni bula kina.

1 Samuela 14:6

A sa kaya ko Jonacani vua na cauravou sa daucolata na nonai yaragi, Daru lako yani ki na nodra i tikotiko ni valu na tawa cili oqori; ena cakacaka beka e na vukudaru ko Jiova: ni sa sega ni dredre vei Jiova me ia na veivakabulai se ra lewe vuqa se ra lewe lailai.

1 Samuela 17:26

A sa taroga ko Tevita vei ira na tamata sa tu voleka vua, ka kaya, A cava na ka sa na caka vua na tamata sa na mokuta na kai Filisitia oqo, ka kauta tani nai rogorogo ca maivei ira na Isireli? ni sa tamata maivei ko la na kai Filisitia tawa cili oqo, me bolea na nona mataivalu na Kalou bula?