Jeremaia 9:16 - Vakavakadewa Makawa

¹⁶ ka'u na dui vakasevi ira talega ki na veimatanitu, sa ra sega ni kila, se ko ira se na nodra qase: ia ka'u na lewa me muri ira e dua nai seleiwau, me'u vakaoti ira mada ga.

Ai Vola Tabu (Vakadewa Makawa Vakavoutaki 2021)

¹⁶ Ka'u na dui vakasevi ira talega ki na veimatanitu, sa ra sega ni kila, se ko ira se na nodra qase; ia ka'u na lewa me muri ira e dua nai seleiwau, me'u vakaoti ira mada ga.”

AI VOLA TABU

¹⁶ kaʼu na dui vakasevi ira talega ki na veimatanitu, sa ra tawa kila, se ko ira se na nodra qase: ia kaʼu na talamuri ira e dua nai seleiwau, meʼu vakaoti ira mada ga.

Vakavakadewa Vou kei na iVola tale eso

¹⁶ Au na vakasavi ira yani ki na veimatanitu ka ra sa sega ni bau rogoca, se kila se o ira na nodra qase. Au na tala mai na veimatanitu me valuti ira me yacova ni'u sa vakarusai ira vakadua.”

Ai Vola Tabu Ena Vakavakadewa Vou

¹⁶ Au na vakasavi ira yani ki na veimatanitu ka ra sa sega ni bau rogoca, se kila se o ira na nodra qase. Au na tala mai na veimatanitu me valuti ira me yacova ni'u sa vakarusai ira vakadua.”

Jeremaia 9:16 Iomraidhean Croise

Niemaia 1:8

Mo ni nanuma mada na vosa ko ni a vakarota vei Mosese na nomuni talatala, ni kemuni a kaya, Kevaka dou sa talaidredre, au na dui vakasevi kemudou yadua ki na veimatanitu:

NA SAME 106:27

Me vakabalea talega na nodra kawa e na veimatanitu, Ka dui vakasevi ira ki na veivanua.

Dauvunau 12:5

Ni ra na rerevaka talega na ka cecere, ka ra daurere lako e na gaunisala, ka sa se mai na amodi, ka sa ka bibi na vodre, ka sa mudu mai na garogaro: ni sa lako na tamata ki na nona vale sa tawa mudu, ka ra sa lako voli e na sala ko ira na dautagi yaso:

Jeremaia 13:24

o koya oqo ka'u na dui vakasevi ira tani kina me vaka na vu-ni-sila sa cagina tani e na cagi mai veikau:

Jeremaia 24:10

ia ka'u na vakayacora vei ira nai seleiwau, kei na viakana, kei na mate dauveiveitauvi, me ra takali mada mai na vanua ka'u a solia vei ira, ka vei ira na nodra qase.

Jeremaia 25:27

O koya oqo mo kaya kina vei ira, Sa kaya ko Jiova ni lewe vuqa na Kalou i Isireli: Dou gunu, mo dou mateni, ka lua, ka bale, ka kakua ni duri tale, e na vuku ni seleiwau ka'u na vakayacora vei kemudou.

Jeremaia 29:17

Sa kaya ko Jiova ni lewe vuqa; Raica, au na vakayacora vei ira nai seleiwau, kei na viakana, kei na mate dauveiveitauvi, ka cakavi ira me ra vaka na lolo ca sa sega ni laukana rawa, ni sa ca.

Jeremaia 44:27

Raica, au na vakaraici ira me ra ca kina, me ra kakua ni vinaka: a ra na vakaoti kece na Juta era tiko e na vanua ko Ijipita e nai seleiwau, kei na viakana, ka me ra oti dina ga.

Jeremaia 7:29

Kotiva na drau ni ulumu, ko iko Jerusalemi, ka biuta tani, ka ia na tagi e na veiyasana cecere; ni sa biuta ko Jiova ka vakalaiva nai tabatamata oqo sa cudruva ko koya.

Jeremaia 8:19

Raica, na domo ni nona tagi na goneyalewa ni noqu tamata e na vukudra era tiko e na vanua vakayawa; Sa sega beka ni tiko mai Saioni ko Jiova? sa sega beka ni tiko maikina na nona tui? A cava era sa vakacudrui au kina e na nodra matakau ceuceu, kei na nodra ka lasu na kai tani?

Isikeli 11:17

O koya oqo mo kaya kina, Sa kaya vakaoqo na Turaga ko Jiova; Io ka'u na vakasoqoni kemudou maivei ira na veimataqali, ka vakasoqoni kemudou mai na veivanua dou sa dui vakasevi kina, ia ka'u na solia vei kemudou na vanua ko Isireli.

Isikeli 12:15

Ka ra na kila ni sai au ko Jiova, ni'u sa dui vakasevi ira ki na veimatanitu, ka duibiubiuti ira ki na veivanua.

Isikeli 14:17

Kevaka ka'u na vakayacora ki na vanua nai seleiwau, ka kaya, Nai seleiwau, mo lako voli yani ki na loma ni vanua; ka me'u muduka tani maikina na tamata kei na manumanu:

Isikeli 20:23

Au a dulaka cake talega na ligaqu vei ira e na vanua liwa lala, me'u dui vakasevi ira ki na veimatanitu tani, ka duibiubiuti ira ki na veivanua;

Isikeli 27:2

Ia ko iko, na luve ni tamata, mo taurivaka na lele e na vuku i Taia;

Isikeli 5:12

E dua na kemudou wase ena mate e na dauveiveitauvi, ia era na vakaoti ga e na dausiga e na kemudou maliwa: e dua tale na kemudou wase ena bale e nai seleiwau sa na vakavolivoliti iko: ia na kenai katolu ni kemudou wase ka'u na vakaseva ki na mata ni cagi kecega, ia ka'u na ucuna nai seleiwau me muri ira.

Isikeli 5:2

e dua na kena wase mo qai vakama e na bukawaqa e na loma ni koro, ni sa oti na veibogi sa buku kina na druadrua: ia mo taura e dua na kena wase, ka taya vakavolivolita e nai sele: ia na kenai katolu ni kena wase mo veibiuyaka ki na mata ni cagi; ia ka'u na ucuna nai seleiwau me muri ira.

Vunau ni Soro 26:33

Ia ka'u na vakasesei kemudou ki na veimatanitu, ka ucuna nai seleiwau me muri kemudou: ia na nomudou vanua ena lekutu wale, ka na lala na nomudou veikoro.

Emosi 5:16

O koya oqo sa kaya kina ko Jiova, na Kalou ni lewe vuqa, na Turaga; E na saqata ni koro kecega ena ia na tagi; e na salatu kece talega era na kaya ulei! ulei! ka ra na kaciva nai vakatau-ni-were me tagi, kei ira sa dau ni tagi me ra mai tagi yaso.

Maika 2:4

E na siga ko ya ena taurivaki na kemudoui bole, ka lelevaki kemudou e na lele vakaloloma, ka vaka, Eda sa vakacacani vakaidina: a nodra i votavota na kai noqu sa volitaka ko koya: sa kauta tani vei au ko koya! sa vota kina ko koya na noda veiwere vua na dauvuki.

Sakaraia 7:14

ia ka'u a caginataki ira tani yani ki na veimatanitu kece era a sega ni kila: ia sa lala laivi tu na vanua, me sega ni veilakovi, ni ra sa vakavuna na kena lala tu na vanua sa vinakati sara.

Vakarua 28:25

Ena soli kemuni ko Jiova mo ni moku e na matadra na nomuni meca; ko ni na lako yani e na dua na sala me vala kei ira, ka kubu e na sala e vitu e matadra: ia ko ni na veikauyaki ki na matanitu kecega e vuravura.

Vakarua 28:36

Ena kauti kemuni ko Jiova, kei na nomuni tui ko ni na bulia me lewai kemuni, ki na dua na matanitu ko sa sega ni kila, koi kemuni, se ko ira na nomuni qase; ia ko ni na qarava maikina na kalou tani, na kau kei na vatu.

Vakarua 28:64

Ia ena dui vakasevi kemuni ko Jiova vei ira na matanitu kecega, mai na dua nai yalayala kei vuravura ka yacova na kenai yalayala kadua; ia ko ni na qarava maikea na kalou tani, ko ni a sega ni kila, koi kemuni se ko ira na nomuni qase, io na kau kei na vatu.

Vakarua 32:26

Au a kaya, Au na vakasavi ira ki na tikina vuni, Au na muduki ira me ra kakua ni nanumi tale vei ira na tamata:

Vakarua 4:27

Ena vakasevi kemuni voli ko Jiova ki na veimatanitu, ia kemuni na le vica walega e vo e na kedra maliwa na veimatanitu sa kauti kemuni yani kina ko Jiova:

Jemesa 1:1

Koi au ko Jemesa, nai talatala ni Kalou kei na Turaga ko Jisu Karisito sa loloma yani vei ira na yavusa e tinikarua era sa Duiveiseyaki.