Jeremaia 9:15 - Vakavakadewa Makawa

¹⁵ o koya oqo sa kaya kina vakaoqo ko Jiova ni lewe vuqa, na Kalou ni Isireli; Raica, koi au ka'u na vakani ira na tamata oqo e na kau gaga, ka vagunuvi ira e na wai gaga:

Ai Vola Tabu (Vakadewa Makawa Vakavoutaki 2021)

¹⁵ O koya oqo sa kaya kina vakaoqo ko Jiova-ni-lewevuqa, na Kalou ni Isireli: Raica, koi au ka'u na vakani ira na tamata oqo e na kau gaga, ka vagunuvi ira e na wai gaga.

AI VOLA TABU

¹⁵ o koya o qo sa vosa vakaoqo kina ko Jiova ni lewe vuqa, na Kalou nei Isireli; Raica, oi au kaʼu na vakani ira na tamata o qo e na kau gaga, ka vagunuvi ira e na wai gaga:

Vakavakadewa Vou kei na iVola tale eso

¹⁵ O koya oqo sa kaya kina o Jiova ni lewevuqa na nodra Kalou na Isireli. “Au sa solia vei ira na tamata oqo na kau gaga me ra kania kei na wai gaga me ra gunuva.

Ai Vola Tabu Ena Vakavakadewa Vou

¹⁵ O koya oqo sa kaya kina ko Jiova ni lewevuqa na nodra Kalou na Isireli. “Au sa solia vei ira na tamata oqo na kau gaga me ra kania kei na wai gaga me ra gunuva.

Jeremaia 9:15 Iomraidhean Croise

NA SAME 60:3

O ni sa vakayacora na ka rarawa vei ira na nomuni tamata; Ko ni sa vagunuvi keimami e na waini keimami yatayata kina.

NA SAME 69:21

Era sa solia talega na ka gaga me qau kakana; Kei na wai wiwi me'u gunuva ni'u a viagunu.

NA SAME 75:8

Ni sa taura tu e dua na bilo ko Jiova, sa damudamu na kena waini; Sa sinai e na ka e veiwaki vata, ka sa livia yani ko koya: Ia na kena soko, era na lobaka dina ka gunuva ko ira nai valavala ca kecega e vuravura.

NA SAME 80:5

O ni sa vakani ira e na madrai wai ni mata; Ka vagunuvi ira vakalevu e na wai ni matadra.

Aisea 2:17

Ia ena vakabalei sobu na yalolevu ni tamata, ka vakamalumalumutaki na viavialevu ni tamata: ia ko Jiova duaduaga ena cecere ena siga ko ya.

Aisea 2:22

Dou kua ni goleva e dua na tamata, sa tiko e na qara ni ucuna na nonai cegu: ni sa yaga ki na cava ko koya?

Jeremaia 23:15

O koya oqo sa kaya kina ko Jiova ni lewe vuqa e na vukudra na parofita; Raica, au na vakani ira e na kau gaga, ka vagunuvi ira e na wai gaga: ni sa lako yani na ka ca maivei ira na parofita ni Jerusalemi ki na vanua taucoko.

Jeremaia 24:10

ia ka'u na vakayacora vei ira nai seleiwau, kei na viakana, kei na mate dauveiveitauvi, me ra takali mada mai na vanua ka'u a solia vei ira, ka vei ira na nodra qase.

Jeremaia 25:15

Ni sa kaya vakaoqo vei au ko Jiova na nodra Kalou na Isireli; Mo taura na bilo waini ni cudru waqawaqa oqo mai na ligaqu, ka vagunuvi ira kina na veimatanitu, ka'u sa talai iko kina:

Jeremaia 44:27

Raica, au na vakaraici ira me ra ca kina, me ra kakua ni vinaka: a ra na vakaoti kece na Juta era tiko e na vanua ko Ijipita e nai seleiwau, kei na viakana, ka me ra oti dina ga.

Jeremaia 49:37

Ni'u na vakataqayataki ira na Ilama e na matadra na nodra meca, kei na matadra era segata me ra vakamatei ira: ia ka'u na vakayacora vei ira na ca, io na noqu cudru waqawaqa, sa kaya ko Jiova; ia ka'u na vakayacora vei ira nai seleiwau, ka me'u vakaoti ira sara:

Jeremaia 8:14

A cava eda sa tiko vakadua kina? dou soqoni vata, me da la'ki curu ki na veikoro vakabai, ia me da tiko lo kina: ni sai Jiova na noda Kalou ka vagalui keda, ka vagunuvi keda e na wai gaga, ni da sai valavala ca vei Jiova.

Lele i Jeremaia 3:15

Sa vakamamautaki au ko koya e na duva gaga, sa vakamatenitaki au e na wai gaga sara.

Lele i Jeremaia 3:19

Mo ni nanuma na noqu rarawa kei na noqu tiko sese, na duva gaga kei na wai gaga.

Isikeli 5:12

E dua na kemudou wase ena mate e na dauveiveitauvi, ia era na vakaoti ga e na dausiga e na kemudou maliwa: e dua tale na kemudou wase ena bale e nai seleiwau sa na vakavolivoliti iko: ia na kenai katolu ni kemudou wase ka'u na vakaseva ki na mata ni cagi kecega, ia ka'u na ucuna nai seleiwau me muri ira.

Isikeli 5:2

e dua na kena wase mo qai vakama e na bukawaqa e na loma ni koro, ni sa oti na veibogi sa buku kina na druadrua: ia mo taura e dua na kena wase, ka taya vakavolivolita e nai sele: ia na kenai katolu ni kena wase mo veibiuyaka ki na mata ni cagi; ia ka'u na ucuna nai seleiwau me muri ira.

Vakarua 28:36

Ena kauti kemuni ko Jiova, kei na nomuni tui ko ni na bulia me lewai kemuni, ki na dua na matanitu ko sa sega ni kila, koi kemuni, se ko ira na nomuni qase; ia ko ni na qarava maikina na kalou tani, na kau kei na vatu.

Vakarua 29:18

De dua vei kemuni na tagane, se na yalewa, se na matavuvale, se na mataqali, sa vuki tani edaidai na yalona maivei Jiova na noda Kalou, me la'ki qaravi ira na kalou ni veimatanitu oqori; de dua vei kemuni na waka sa tubu maikina na gaga kei na gagaduvaduva;

Vakatakila 8:11

ia na yaca ni kalokalo ko Gagaduvaduva; a sa gaga kina nai ka tolu ni wase ni wai; a sa le vuqa kina na tamata sa mate e na wai ni ra sa vakagagataki.