Jeremaia 9:11 - Vakavakadewa Makawa

¹¹ Ia ka'u na qisi Jerusalemi me koro rusa, me qara ni gata lelevu; ia na veikoro vaka-Juta ka'u na vakalalataka, me sega e tiko kina.

Ai Vola Tabu (Vakadewa Makawa Vakavoutaki 2021)

¹¹ Ia ka'u na qisi Jerusalemi me koro rusa, me qara ni gata lelevu; ia na veikoro vaka-Juta ka'u na vakalalataka, me sega e tiko kina.”

AI VOLA TABU

¹¹ Ia kaʼu na cakavi Jerusalemi me koro rusa, me qara ni gata lelevu; ia na veikoro vaka-Juta kaʼu na vakalalataka, me sega e tiko kina.

Vakavakadewa Vou kei na iVola tale eso

¹¹ A sa kaya o Jiova, “Au na vukici Jerusalemi Me dua na i binibini Ka sa rusa me dua na vanua Me nodra i tikotiko na koli; Kei na veikoro e Juta Me dua na vanua lala.”

Ai Vola Tabu Ena Vakavakadewa Vou

¹¹ A sa kaya ko Jiova, “Au na vukici Jerusalemi Me dua na i binibini Ka sa rusa me dua na vanua Me nodra i tikotiko na koli; Kei na veikoro e Juta Me dua na vanua lala.”

Jeremaia 9:11 Iomraidhean Croise

Niemaia 4:2

A sa vosa ko koya e matadra na wekana kei nai valu ni Samaria, ka kaya, A cava era sa mai kitaka ko ira na Jiu malumalumu oqo? era na vakaukauwataki ira li vakataki ira? era na vakacaboi soro li? era na vakaotia beka e na dua bau na siga? era na vakavinakataka tale li na veivatu mai nai soqosoqo sa kama oti?

NA SAME 107:43

Ko ira era sa vuku, ka vakanananu ki na ka oqo, Era na kila na yalololoma i Jiova.

NA SAME 44:19

Ia ko ni sa vakamavoataki keimami e na vanua ni gata, O ni sa ubi keimami talega e na yaloyalo ni mate.

NA SAME 79:1

Kemuni na Kalou, era sa curu mai ki na nomuni vanua ko ira na kai tani; Era sa vakadukadukalitaka na nomuni vale tabu; Era sa vakacacani Jerusalemi me sa bukebuke walega.

Aisea 13:22

ena tagi na wolifa e na nodra veivale vakaturaga; kei na gata lelevu e na nodra bure vinaka: ka sa voleka ni yaco na kena gauna, ia na kena siga ena sega ni vakaberaberataki.

Aisea 25:2

Ni kemuni sa vukica na koro me suva walega; na koro kaukauwa me koro rusa; na nodra i tikotiko vakaturaga na kai tani me kakua ni koro; ena sega sara ni tara tale.

Aisea 34:13

Ena tubu e na kena vale vakaturaga na wa-vakavotona; na salato kei na soni e na kena veikoro ni valu: ena nodra i tikotiko na wolifa, kei na nodra rara na ositereji.

Aisea 44:26

ka'u sa vakadinadinataka na nona vosa na noqu tamata; ka vakayacora na nodra i vakavuvuli na noqu i talatala; ka'u sa kaya ki Jerusalemi, Ko na tawa; ki na veikoro talega vaka Juta, Dou na tara; ia na kena tikina sa ca ka'u na vakavinakataka tale:

Jeremaia 1:15

ni'u na kacivi ira kece na veimataqali ni veimatanitu mai na tokalau, sa kaya ko Jiova; a ra na lako mai, ka ra na dui vakatura na nodra i tikotiko vakaturaga e na matamata-ni-koro mai Jerusalemi, kei na kena bai kecega e vakavolivolita, kei na veikoro vaka-Juta kecega:

Jeremaia 10:22

Raica, sa rogo mai na domo ni rogorogo, ia e dua na ue levu mai na vanua mai na tokalau, me vakalalataka na veikoro vaka-Juta, ka me qara ni gata lelevu.

Jeremaia 16:10

Ia ena yaco, ni ko sa tukuna vei ira na tamata oqo na vosa kecega oqo, ka ra sa kaya vei iko, A cava sa cavuta kina ko Jiova vei keimami na ka ca levu kece oqo? se cava beka na neimami caka cala? se cava na neimami valavala ca keimami sai valavala ca kina vei Jiova na neimami Kalou?

Jeremaia 25:11

Ia na vanua taucoko oqo ena lala tu ga, ka vakurabuitaki; ka ra na qaravi tui Papiloni na veimatanitu oqo ka vitusagavulu na yabaki.

Jeremaia 25:18

io, ko Jerusalemi, kei na veikoro e Juta, kei na nodra tui, kei na nodra turaga, me cakava me ra lala tu, me ra vakurabuitaki, ka vakasiusiutaki, ka vosavosacati; me vaka e na siga oqo;

Jeremaia 26:18

Ko Maika na kai Moreseci, sa ia na parofisai e na gauna i Esekaia na tui Juta, ka sa vosa vei ira kece na Juta, ka kaya, Sa vosa vakaoqo ko Jiova ni lewe vuqa; Ko Saioni, ena cukiti me vaka na were; kei Jerusalemi ena yaco me bukebuke walega; kei na ulu-ni-vanua ni vale tabu, ena vaka na veitikina cecere ni veikau.

Jeremaia 26:9

A cava ko sa ia kina na parofisai e na yaca i Jiova, ka vaka, Ena vakataki Sailo na vale oqo, ia na koro oqo ena lala me sega e tiko kina? A ra sa soqoni vata vakaca vei Jeremaia ko ira na tamata kecega e na vale i Jiova.

Jeremaia 34:22

Raica, au na vakarota, sa kaya ko Jiova, ka vakalesui ira tale mai ki na koro oqo; ka ra na mai kaba, ka rawa, ka vakama e na bukawaqa; ia na veikoro vaka-Juta ka'u na vakalalataka, me sega e dua e tiko kina.

Jeremaia 4:27

Ni sa kaya vakaoqo ko Jiova, Ena lala na vanua taucoko; ia ka'u na sega ni vakaotia sara.

Jeremaia 44:2

Sa kaya vakaoqo ko Jiova ni lewe vuqa, na Kalou ni Isireli; Koi kemudou, dou sa raica na ca kece ka'u sa vakayacora ki Jerusalemi, kei na veikoro vaka-Juta kecega; ka raica, sa lala e na siga edaidai, sa sega e tiko kina,

Jeremaia 49:33

Ia ko Asori, ena kedrai tikotiko na gata lelevu, ena lala ka sega ni mudu: ena sega ni tiko kina e dua na tamata, se vakatawa e dua na luve ni tamata.

Jeremaia 50:3

Ni sa lako cake mai vei koya e dua na matanitu mai na mata ni tokalau, ka na vakalalataka ko koya na nona vanua, ia ena sega e dua me tiko kina: ko ira na tamata kei na manumanu talega era na yavalati, era na lako tani yani.

Jeremaia 51:37

Ia ko Papiloni, ena dua na koro rusa, ena qara ni gata lelevu, me ka e veivakidacalataki, ka vakasiusiutaki, me sega e dua e tiko kina.

Jeremaia 8:22

Sa sega beka nai botani mai Kiliati; sa sega beka na vuniwai maikea? a cava sa qai sega kina ni vakabulai mai na nona mate na goneyalewa ni noqu tamata?

Lele i Jeremaia 1:4

Sa tagi na sala ki Saioni, ni sa sega e dua sa lako mai ki na nona so levu tabu: A nona matamata-ni-koro kecega sa lala, ko ira na nona bete era sa vutugu: Ko ira na nona goneyalewa, era sa rarawa, io sa rarawa vakalevu sara ko koya.

Lele i Jeremaia 2:2

Sa tiloma kecega ko koya na Turaga na nodra i tikotiko na Jekope, ka sega ni lomana: Sa talaraka sobu ko koya e na nona cudru na bai ni valu ni goneyalewa ni Juta; Sa biuta sobu ki na qele: Sa vakacacana na matanitu kei ira na kena turaga.

Lele i Jeremaia 3:47

A rere kei nai cori sa yacovi keimami; na veivakalalataki kei na veivakarusai.

Vunau ni Soro 26:32

Au na vakarusa talega na vanua: a ra na kurabui kina ko ira na nomudou meca era tiko kina.

Maika 1:6

O koya oqo ka'u na kitaki Samaria kina me sa vaka e dua nai binibini e loma ni were, kei nai teitei e na were-ni-vaini: ia ka'u na sovabiuta na kena veivatu ki na buca, ka vakavotuya na kena yavu.

Maika 3:12

O koya oqo ena cukiti kina ko Saioni me vaka na were e na vukumudou, ia ko Jerusalemi ena yaco me bukebuke walega, kei na ulu-ni-vanua ni vale tabu ena vaka na veitikina cecere ni veikau.

Maika 6:16

Ni sa dauvakabau na ka sa lesia ko Omirai, kei nai valavala kecega ni mataqali i Eapi, dou sa muria talega na nodra i vakavuvuli; me'u kitaki kemudou kina mo dou lala sara, ka mo dou vakasiusiutaki: ia na kedrai rogorogo ca na noqu tamata ena baleti kemudou.

Vakarua 29:23

ni sa sulifure ka masima na vanua taucoko, sa kama, sa sega ni tei, ka sa sega ni vua, se vakatubura na co, sa vaka ni sa vakarusai ko Sotoma kei Komora, ko Etima, kei Sepoimi, ko ira sa vakarusa ko Jiova e nona cudru kei na nona lesa:

Vakatakila 18:2

A sa kaci e na domo levu sara ko koya, ka kaya, Sa bale ko Papiloni na koro levu, sa bale, a sa yaco me nodra i tikotiko na tevoro, kei na qara ni yalo velavela kecega, kei na qara ni manumanu vuka kecega sa tawa-savasava ka sevaki.