Jeremaia 9:10 - Vakavakadewa Makawa

¹⁰ E na vuku ni veiulu-ni-vanua ka'u na ia na tagi kei na qoqolou, kei na lele e na vuku ni veikoro ni veikau, ni sa kama, me sega e dua e lakova; ena sega ni rogoci kina na tagi ni manumanu; a manumanu vuka kei na manumanu ni vanua sa dro; sa ra yali.

Ai Vola Tabu (Vakadewa Makawa Vakavoutaki 2021)

¹⁰ “E na vuku ni veiulunivanua ka'u na ia na tagi kei na qoqolou, kei na lele e na vuku ni veikoro ni vanua lala, ni sa kama, me sega e dua e lakova; ena sega ni rogoci kina na tagi ni manumanu; a manumanu vuka kei na manumanu ni vanua sa dro; sa ra yali.

AI VOLA TABU

¹⁰ E na vuku ni veiulu-ni-vanua kaʼu na ia na tagi kei na qoqolou, kei na lele e na vuku ni veikoro ni veikau, ni sa kama, me sega e dua e lakova; ena tawa rogoci kina na domo ni manumanu; a manumanu ni lomalagi kei na manumanu ni vanua sa dro; sa yali.

Vakavakadewa Vou kei na iVola tale eso

¹⁰ A sa kaya o Jeremaia, “Au na tagicaka na veiulunivanua, Ka tagicaka na veico; Baleta ni ra sa dravuisiga, Ka sega me lako ena kedra maliwa. Sa sega ni bau rogo kina Na domo ni bulumakau; Era sa dro ga ka lako Na manumanu vuka kei ira na ka kila.”

Ai Vola Tabu Ena Vakavakadewa Vou

¹⁰ A sa kaya o Jeremaia, “Au na tagicaka na veiulunivanua, Ka tagicaka na veico; Baleta ni ra sa dravuisiga, Ka sega me lako ena kedra maliwa. Sa sega ni bau rogo kina Na domo ni bulumakau; Era sa dro ga ka lako Na manumanu vuka kei ira na ka kila.”

Jeremaia 9:10 Iomraidhean Croise

Aisea 41:15

Raica, ka'u na qisi iko moi samu-yara e gata ka vou ka vakabatina; ko na samuta na veiulu-ni-vanua, ka butuqaqia me matailalai, ia na veiulu-ni-koro ko na cakava me tautauvata kei na qa ni sila:

Aisea 49:19

A nomu veiyasana ka rusa ga ka lala, kei na nomu vanua ka vakarusai, io sa qai osooso sara mai e na vuku ni lewena; a ra na yawa tani sara ko ira era sa tilomi iko:

Jeremaia 12:10

Ai vakatawa e vuqa era sa vakacacana na noqu were-ni-vaini, era sa butuka sobu na noqu i votavota, era sa cakava na noqu vanua domoni me veikau lala:

Jeremaia 12:11

era sa cakava me tikina rusa, ia ni sa lala, sa tagi mai vei au; sa lala mai na vanua taucoko, ni sa sega na tamata sa nanuma kina:

Jeremaia 12:4

A cava na kena dede me tagi tiko kina na vanua, ka malai yani na co ni veiwere kecega, e na vuku ni nodra ca era tiko kina? sa oti na manumanu ni vanua kei na manumanu vuka; ni ra sa kaya, Ena sega ni kunea ko koya na kedai otioti.

Jeremaia 14:6

na asa kila talega, era sa tu mai na talasiga, era dramica na cagi me vaka na gata lelevu; sa malumalumu na matadra, ni sa sega na co.

Jeremaia 2:15

a luve ni laioni era sa tagici koya, era sa tabalaka na domodra, ka vakalalataka na nona vanua: na nona veikoro sa kama, sa sega e tiko kina.

Jeremaia 2:6

ka ra sa sega talega ni kaya, Evei ko Jiova ka kauti keda cake mai na vanua ko Ijipita, ka tuberi keda e loma ni veikau, e na vanua liwa lala ka sukusukura, na vanua ni dausiga kei na yaloyalo ni mate, na vanua sa sega e dua e lakova, ka sega na tamata e tiko kina?

Jeremaia 23:10

Ni sa oso na vanua e na dauyalewa; ni sa tagi na vanua e na vuku ni ruru; sa dravuisiga mai na veiyasana vinaka ni veikau, ka sa ca na nodra i valavala, ka sa sega ni dodonu na nodra lewa kaukauwa.

Jeremaia 50:3

Ni sa lako cake mai vei koya e dua na matanitu mai na mata ni tokalau, ka na vakalalataka ko koya na nona vanua, ia ena sega e dua me tiko kina: ko ira na tamata kei na manumanu talega era na yavalati, era na lako tani yani.

Jeremaia 7:29

Kotiva na drau ni ulumu, ko iko Jerusalemi, ka biuta tani, ka ia na tagi e na veiyasana cecere; ni sa biuta ko Jiova ka vakalaiva nai tabatamata oqo sa cudruva ko koya.

Jeremaia 8:18

Ni'u sa via vakacegui au mai na ka rarawa, sa malumalumu ga na yaloqu e lomaqu.

Lele i Jeremaia 1:16

E na vuku ni ka oqo ka'u sa tagi kina; mai na mataqu, io mai na mataqu sa dave sobu na wai, Ni sa yawa vei au ko koya na dauveivakacegui me na vakabulabulataka na yaloqu: Era sa luveniyali ko ira na luvequ, ni sa gumatua na meca.

Lele i Jeremaia 2:11

Sa malumalumu na mataqu ni sa vakawai, sa rise na bati ni ketequ, Sa sova ki na qele na yatequ, e na vuku ni nona rusa na goneyalewa ni kai noqu; Ni ra sa matabuto mai e na sala ni koro ko ira na gone lalai kei na gone sa sucu tiko.

Lele i Jeremaia 5:18

E na vuku ni ulu-ni-vanua ko Saioni, ni sa lala tu, Sa lako voli e delana na fokise.

Isikeli 14:15

Kevaka ka'u sa lewa me lakova na vanua na manumanu ca ka ra vakacacana, me sa lala, ka sega na tamata me lako voli rawa kina e na vuku ni manumanu:

Isikeli 27:2

Ia ko iko, na luve ni tamata, mo taurivaka na lele e na vuku i Taia;

Isikeli 29:11

Ena sega ni lako voli kina e dua na yava ni tamata, se dua na yava ni manumanu, ena sega talega ni tawa ka yabaki vasagavulu.

Isikeli 33:28

Ni'u na vakalalataka sara na vanua, ena mudu talega na nona kaukauwa sa viavialevu; ena lala talega na veiulu-ni-vanua i Isireli, me sega e dua na tamata me lakova.

Isikeli 6:6

E na nomudou i tikotiko kecega ena rusa kina na veikoro; ia na veiyasana cecere, ena lala ga; me rusa ka me vakacacani kina na nomudou i cabocabo-ni-soro, ka na musuki ka me oti na nomudou matakau, ka me ta sobu na nomudou matakau, ka me yavu laivi sara na nomudou cakacaka;

Osea 4:3

O koya oqo ena tagi kina na vanua, a ra na dui ceguoca kecega ko ira era tiko kina, kei na manumanu ni vanua, kei na manumanu vuka; io, na ika talega ni waitui ena kau tani.

Joeli 1:13

Dou sulumaki kemudou mada e nai sulu taga, na bete, ka tagi; dou qoqolou, koi kemudou sa qarava nai cabocabo-ni-soro: dou mai curu, ka vakabogi e nai sulu taga, oi kemudou nai talatala ni noqu Kalou: ni sa bureitaki ki na vale ni nomudou Kalou nai madrali laukana kei nai madrali gunuvi.

Joeli 1:19

I Jiova, ka'u na tagi vei kemuni: ni sa kama e na bukawaqa na vanua veico mai veikau, ia na yameyame ni bukawaqa sa kama kina na kau kecega ni vanua.

Emosi 5:1

Dou rogoca na vosa oqo ka'u sa lagata, io, na kemudou lele, na mataqali i Isireli.

Emosi 5:16

O koya oqo sa kaya kina ko Jiova, na Kalou ni lewe vuqa, na Turaga; E na saqata ni koro kecega ena ia na tagi; e na salatu kece talega era na kaya ulei! ulei! ka ra na kaciva nai vakatau-ni-were me tagi, kei ira sa dau ni tagi me ra mai tagi yaso.

Maika 2:4

E na siga ko ya ena taurivaki na kemudoui bole, ka lelevaki kemudou e na lele vakaloloma, ka vaka, Eda sa vakacacani vakaidina: a nodra i votavota na kai noqu sa volitaka ko koya: sa kauta tani vei au ko koya! sa vota kina ko koya na noda veiwere vua na dauvuki.

Maika 3:12

O koya oqo ena cukiti kina ko Saioni me vaka na were e na vukumudou, ia ko Jerusalemi ena yaco me bukebuke walega, kei na ulu-ni-vanua ni vale tabu ena vaka na veitikina cecere ni veikau.