Jeremaia 8:22 - Vakavakadewa Makawa

²² Sa sega beka nai botani mai Kiliati; sa sega beka na vuniwai maikea? a cava sa qai sega kina ni vakabulai mai na nona mate na goneyalewa ni noqu tamata?

Ai Vola Tabu (Vakadewa Makawa Vakavoutaki 2021)

²² Sa sega beka nai lumu wainimate mai Kiliati? Sa sega beka na vuniwai mai kea? A cava sa qai sega kina ni vakabulai mai na nona mate na goneyalewa ni noqu tamata?

AI VOLA TABU

²² Sa sega beka na wai-ni-mate mai Kiliati; sa sega beka na vu-ni-wai maikea? a cava sa qai sega kina ni bula na nona vue na gonealewa ni noqu tamata?

Vakavakadewa Vou kei na iVola tale eso

²² Sa sega li Na wai ni mate mai Kiliati? Sa sega beka Na vuniwai mai kea? A cava era sega ni vakabulai kina Na kai noqu?

Ai Vola Tabu Ena Vakavakadewa Vou

²² Sa sega li Na wai ni mate mai Kiliati? Sa sega beka Na vuniwai mai kea? A cava era sega ni vakabulai kina Na kai noqu?

Jeremaia 8:22 Iomraidhean Croise

Vakatekivu 37:25

A ra sa tiko sobu me ra kana: a ra sa ta cake, ka rai yani, ka raica, sa dua nai vavakoso vei ira na luve i Isimeli era sa lako mai Kiliati, kei na nodra kameli, era sa kauta na ka boi vinaka, kei na pami, kei na mura, era kauta sobu tiko ki Ijipita.

Vakatekivu 43:11

A sa kaya vei ira ko Isireli na tamadra, Kevaka sa qai vakaoqo, dou cakava mada na ka oqo; dou kauta e na nomudou taga eso na vuata ni vanua oqo ka vinaka cake, ka kauta sobu me ka ni loloma vua na tamata, e dua na pami lailai, ka dua na oni lailai, na ka boi vinaka, kei na mura, na ivi, kei na amodi:

Jeremaia 14:19

Ko ni sa biuti ira sara beka na Juta? sa vakasisilataki ira beka na Saioni na yalomuni? ena cava ko ni sa cudruvi keimami, ka keimami sa sega ni vakabulai tale rawa? keimami a yadrava na vakacegu, ka sa sega ni yaco e dua na ka vinaka; keimami kaya me yaco na gauna ni veivakabulai, ka raica, sa yaco na ka rarawa ga?

Jeremaia 22:6

Ni sa kaya vakaoqo ko Jiova ki na vale i tui Juta; Ko iko ko sa vakataki Kiliati na ulu i Lepanoni vei au: ia ka'u na lewai iko mo veikau ga, ka mo veikoro sa sega ni tawa.

Jeremaia 46:11

Mo lako cake ki Kiliati, ka kauta mai na memu wainimate, ko iko na goneyalewa, ni Ijipita: ena sega ni yaga ni sa levu mai na kemui botani; ni ko na sega ni bula.

Jeremaia 51:8

Sa vakasauri na kena bale ko Papiloni, ka sa rusa: dou qolouvaki koya; ia dou kauta na mena wai ni vutu, de sa na bula beka kina.

Jeremaia 6:7

Me vaka sa vakadavea na kena wai e dua na mata-ni-wai, sa vakadavea vakakina ko koya na nona ca: nai valavala kaukauwa kei na veivakacacani sa daurogo kina; sa tiko ga e mataqu na mate kei na vue.

Jeremaia 9:1

Me sa wai mada na uluqu, kei nai vurevure ni wai na mataqu, me'u tagi kina e na siga kei na bogi e na vukudra na nona vuetaki na goneyalewa ni noqu tamata!

Jeremaia 9:11

Ia ka'u na qisi Jerusalemi me koro rusa, me qara ni gata lelevu; ia na veikoro vaka-Juta ka'u na vakalalataka, me sega e tiko kina.

Lele i Jeremaia 2:13

A cava me'u tukuna vei iko? a cava me'u vakatautauvatataki iko kina, na goneyalewa ni Jerusalemi? A cava me'u vakatauvatana kei iko, me'u vakacegui iko kina, na goneyalewa ni Saioni? Ni sa levu me vaka na wasawasa na nomu vakacacani: ko cei me na vakabulai iko?

Isikeli 27:17

Ko Juta, kei na vanua ko Isireli, era dauveivoli kei iko: na witi ni Minici, kei Panake, kei na oni, kei na waiwai, kei na drega, era sa volitaka e na nomu rara ni vovoli.

Tiko mai na Lekutu 32:1

Ia ko ira na Rupeni kei na Kata, sa ka levu sara na nodra manumanu e yavai va: a ra sa raica na vanua ko Jaseri, kei na vanua ko Kiliati, ka raica, sa vanua dina ni manumanu e yavai va na vanua ko ya;

Luke 8:43

Ka dua na yalewa, sa turidrabalavu ka yabaki tinikarua, a sa vakaotia vei ira na vuniwai na nona ka kecega sa tu vua me bula kina, a sa sega ni bula vua e dua,