Jeremaia 8:2 - Vakavakadewa Makawa

² ka ra na veibiuyaka e na mata-ni-siga, kei na vula, kei na kalokalo ni lomalagi, oqori era sa lomana, oqori era sa qarava, oqori era sa muria, oqori era sa daulakova, oqori talega era sa sorova: ena sega ni kumuni vata tale se buluti; ena yaco ga me vaka na de-ni-manumanu e dela ni vanua.

Ai Vola Tabu (Vakadewa Makawa Vakavoutaki 2021)

² Ka ra na veibiuyaka e na mata-ni-siga, kei na vula, kei na kalokalo ni lomalagi, oqori era sa lomana, oqori era sa qarava, oqori era sa muria, oqori era sa dau lakova, oqori talega era sa soro kina. Ena sega ni kumuni vata tale se buluti; ena yaco ga me vaka na de-ni-manumanu e dela ni vanua.

AI VOLA TABU

² a ra na veibiuyaka e na mata ni siga, kei na vula, kei na kalokalo ni lomalagi, o qori era sa lomana, o qori era sa qarava, o qori era sa muria, o qori era sa daulakova, o qori talega era sa sorova: ena sega ni kumuni vata tale se buluti; ena yaco ga me vaka na de-ni-manumanu e dela ni vanua.

Vakavakadewa Vou kei na iVola tale eso

² Era na mai tuvalaki tu me cilava na matanisiga, na vula, kei na veikalokalo era a dau lomana ka qarava. Era na sega ni kumuni vata se bulu tale, ia era na vaka na benu ena dela ni qele.

Ai Vola Tabu Ena Vakavakadewa Vou

² Era na mai tuvalaki tu me cilava na matanisiga, na vula, kei na veikalokalo era a dau lomana ka qarava. Era na sega ni kumuni vata se bulu tale, ia era na vaka na benu ena dela ni qele.

Jeremaia 8:2 Iomraidhean Croise

2 Tui 17:16

A ra sa biuta kecega na vunau i Jiova na nodra Kalou, ka vakawaicalataka ka bulia me nodra e rua na luve ni pulumokau, ka cakava na kalouyalewa ni veikau, ka cuva ki na kalokalo kecega mai lomalagi, ka qaravi Peali.

2 Tui 21:3

A sa tara tale ko koya na veitikina cecere ka vakacacana ko Esekaia na tamana; a sa cakava eso nai cabocabo-ni-soro vei Peali, ka cakava e dua na kalouyalewa ni veikau, me vaka ka kitaka ko Eapi na tui Isireli, ka soro ki na kalokalo kecega ni lomalagi, ka qarava.

2 Tui 21:5

A sa cakava ko koya eso nai cabocabo-ni-soro e na vuku ni kalokalo kecega ni lomalagi e na loma ni rara vakabai ruarua mai na vale i Jiova.

2 Tui 23:5

A sa vakaoti ira na bete vakatevoro ko koya, ko ira ka ra lesia na tui Juta me vakama na ka boi vinaka e na veitikina cecere e na veikoro ni Juta, kei na veivanua sa voliti Jerusalemi: o ira talega era vakama na ka boi vinaka vei Peali, ki na mata-ni-siga, kei na vula, kei na kalokalo daulako, kei na kalokalo kecega ni lomalagi.

NA SAME 53:5

Era a rere vakalevu e na tikina sa sega kina na ka me ra rerevaka; Ni sa duibiubiuta na Kalou na suidra era sa mai soqoni vakaivalu vei iko: O ni sa vakamaduataki ira, ni sa beci ira na Kalou.

NA SAME 83:10

Era a rusa mai Edoa: Ka ra sa yaco me vaka na de ni manumanu e na vanua.

NA SAME 83:11

Mo ni cakava na nodra turaga me ra vakataki Orepi, kei Siepi: Ia na nodra turaga kecega me vakataki Sepa kei Salimuna:

Dauvunau 6:3

Kevaka sa dua na tamata ka sa sucu e le dua na drau na luvena, ka sa vuqa na yabaki sa bula kina, ka mani vuqa kina na siga ni nona yabaki, ka sa sega ga ni mamau na yalona e na vinaka, ka sa sega talega na kena somate; au sa kaya, sa vinaka na lutudole ka ca ko koya:

Jeremaia 14:16

Ia na tamata era sa dauparofisai vei ira era na biu tu ki na saqata ni koro ko Jerusalemi e na vuku ni dausiga kei nai seleiwau; ena sega talega e dua me buluti ira, ko ira, se na watidra, se na luvedra tagane, se na luvedra yalewa: ia ka'u na sovaraka ga vei ira na nodra ca.

Jeremaia 16:11

ia mo kaya vei ira, E na vukudra na nomudou qase ni ra sa biuti au, sa kaya ko Jiova, ka ra sa muria na kalou tani, ka qaravi ira, ka sorovi ira, ia era sa biuti au, ka ra sa sega ni vakabauta na noqu vunau;

Jeremaia 16:4

Era na mate e na mate ca; era na sega ni tagicaki; era na sega talega ni bulu; era na vaka na de-ni-manumanu e dela ni soso: ena vakaoti ira sara nai seleiwau, kei na viakana; ia na yagodra ena kedra na manumanu vuka, kei na manumanu ni vanua.

Jeremaia 16:6

A ra na mate na turaga kei na tamata wale e na vanua oqo: era na sega ni buluti, ena sega e tagicaki ira, se tavalaki ira, se tasi ira e na vukudra:

Jeremaia 19:13

ena vakasisilataki talega na veivale mai Jerusalemi, kei na nodratou veivale na tui Juta, me vaka na kena vakasisila na tikina ko Tofeci, ni ra sa vakama e dela ni veivale kecega na ka boi vinaka ki na veikalokalo kecega ni lomalagi, ka livia nai sevu vei ira na kalou tani.

Jeremaia 22:19

Ena buluti ga vaka na asa, ni sa yarataki ka biu ki taudaku ni matamata-ni-koro ko Jerusalemi.

Jeremaia 25:33

Ia na vuetaki kei Jiova era na davo tu yani e na siga ko ya mai nai yalayala kei vuravura e dua ki nai yalayala kei vuravura kadua: era na sega ni tagicaki, se kau vata mai, se buluti; era na vaka na de-ni-manumanu e na dela ni vanua.

Jeremaia 31:40

Ia na buca kecega ni yago mate, kei na dravusa, kei na vanua kecega ka yaco ki na soniwai ko Kitironi, ka yaco sara ki na tutu ni matamata-ni-koro ni ose vaka ki na tu-i-cake, ena tabu me nei Jiova; ena sega ni cavuti tale, se talaraki sobu e na dua na gauna.

Jeremaia 36:30

O koya oqo sa kaya kina ko Jiova e na vuku i Jioiakimi na tui Juta; Ena sega e dua mai vua me tiko e nai tikotiko vakaturaga i Tevita: ia na yagona ka mate ena biu tu ga ki na katakata e na siga, kei na tegu cevata e na bogi.

Jeremaia 9:20

Ia dou rogoca na vosa i Jiova, koi kemudou na yalewa, ka vakabauta e na daligamudou na vosa ni gusuna, ka vakavulici ira na luvemudou yalewa e na tagi, kei ira yadua na kai nona na lele.

Jeremaia 9:21

Ni sa cabe mai ki na noda katuba ko mate, ka sa curuma na noda vale vakaturaga, me muduka na gone mai taudaku, kei ira na cauravou mai na saqata ni koro.

Jeremaia 9:22

Mo vaka, Sa kaya vakaoqo ko Jiova, Ia ena bale na yago ni tamata, me vaka na de-ni-manumanu, e dela ni vanua, ka vaka na sila sa taura ka vakalaiva ki muri ko koya sa tamusuka voli, ka na sega e dua me kumuni ira.

Isikeli 29:5

au na biuti iko laivi talega ki na veikau, ko iko kei na ika kecega e na nomu uciwai: ko na lutu ki na dela ni vanua; dou na sega ni vakasoqoni, se kumuni vata: ka'u sa soli kemudou kina me kedra na manumanu ni vanua kei na manumanu vuka.

Isikeli 39:5

Ko na bale e dela ni vanua: koi au ka'u sa cavuta, sa kaya na Turaga ko Jiova.

Isikeli 6:5

ia ka'u na virinoca na yagodra mate na Isireli e matadra na nodra matakau; ka veibiuyaka na suimudou me volita na nomudou i cabocabo-ni-soro.

Isikeli 8:16

A sa kauti au ko koya ki na lomanibai e loma ni vale i Jiova, ka raica, sa tiko mai na mata ni vale i Jiova, e na tadrua ni curucuru kei nai cabocabo-ni-soro, e lewe ruasagavulu ka lima beka na tagane, era sa vakanadaku ki na vale i Jiova, ka vakanamata ki na tu-i-cake; a ra sa cuva ki na mata-ni-siga vaka ki na tu-i-cake.

Sefanaia 1:17

Ia ka'u na vakararawataki ira na tamata, a ra na lako voli me vakataki ira na mataboko, ni ra sai valavala ca vei Jiova: ia na kedra dra ena sovaraki me vaka na kuvu-ni-soso, kei na lewedra me vaka na de-ni-manumanu.

Sefanaia 1:5

kei ira era sa soro e na dela ni veivale ki na kalokalo ni lomalagi; kei ira era sa soro ka bubului vei Jiova, ka bubului vei Malikami;

Cakacaka 7:42

Sa qai vuki tani na Kalou, ka sa biuti ira tu me ra qarava na veikalokalo ni lomalagi; me vaka na ka sa volai e na nodrai vola na parofita, Oi kemudou na mataqali nei Isireli, dou a vakacabora vei au na manumanu sa vakamatei, kei nai madrali, E na veikau ka yabaki vasagavulu, se segai?

Vakarua 17:3

a sa la'ki qarava eso na kalou tani, ka sa cuva kina, se na mata-ni-siga, se na vula, se dua na kalokalo mai lomalagi, na ka ka'u sa vunautaka me kakua;

Vakarua 4:19

ia de ko ni ta cake ki lomalagi, ka raica na mata-ni-siga, kei na mata-ni-vula, kei na veikalokalo, nai vavakoso kecega mai lomalagi, kemuni sa qai vecei tani me sorova, ka qarava, na veika oqori sa solia ko Jiova na nomuni Kalou ki na veimatanitu kecega e ruku ni lomalagi taucoko: