Jeremaia 7:9 - Vakavakadewa Makawa

⁹ Mo dou butako li, ka laba, ka ia na veibutakoci, ka bubului vakailasu, ka vakama na ka boi vinaka vei Peali, ka muria na kalou tani dou sa sega ni kila;

Ai Vola Tabu (Vakadewa Makawa Vakavoutaki 2021)

⁹ Mo dou butako li, ka laba, ka ia na veibutakoci, ka bubului vakailasu, ka vakama na ka boi vinaka vei Peali, ka muria na kalou tani dou sa sega ni kila,

AI VOLA TABU

⁹ Mo dou butako li, ka laba, ka ia na veibutakoci, ka vosavavakini vakailasu, ka vakacaudreva na ka boi vinaka vei Peali, ka muria na kalou tani e kemudou sa sega ni kila;

Vakavakadewa Vou kei na iVola tale eso

⁹ O ni butako, laba, veibutakoci, bubului vakailasu, vakacaboisoro vei Peali, ka qarava na veikalou tani o ni sega ni kila,

Ai Vola Tabu Ena Vakavakadewa Vou

⁹ O ni butako, laba, veibutakoci, bubului vakailasu, vakacaboisoro vei Peali, ka qarava na veikalou tani o ni sega ni kila,

Jeremaia 7:9 Iomraidhean Croise

1 Tui 18:21

A sa toro voleka vei ira kecega na tamata ko Ilaija, ka kaya, E bogi vica mada kemuni na lomalomarua tiko kina? kevaka sa Kalou ko Jiova, mo ni muri koya: ia kevaka ko Peali, mo ni muri koya. A ra sa sega ni kaya vua e dua na vosa ko ira na tamata.

Lako Yani 20:3

Me kakua vei iko na Kalou tani, koi au duaduaga.

Aisea 1:13

Dou kakua ni kauta tale mai nai cabocabo wale; nai madrali boi vinaka sa ka vakasisila vei au; na vula vou kei na siga tabu, na kaci mo dou soqoni levu mai: Ka'u sa sega ni vosota rawa nai valavala ca kei nai soqosoqo tabu.

Aisea 58:2

Ia era sa vakasaqarai au tiko e na veisiga; era sa reki ni ra kila na noqu sala, me vaka na matanitu sa daucaka dodonu, ka sa sega ni biuta na lewa ni nodra Kalou; era sa tarogi au e na vuku ni veilewai dodonu, era sa marau me ra torovi koya na Kalou.

Jeremaia 1:16

ia ka'u na tukuna na noqu lewa vei ira e na vuku ni nodra ca kecega, era sa biuti au, ka vakama nai madrali boi vinaka ki na kalou tani, ka soro ki na cakacaka ni ligadra.

Jeremaia 11:13

Ni sa tautauvata na kenai wiliwili ni nomu veikoro kei nai wiliwili ni nomu kalou, ko iko Juta; ka sa tautauvata nai wiliwili ni sala ni koro mai Jerusalemi kei nai wiliwili ni cabocabo-ni-soro dou sa vakaduria ki na ka ni veivakamaduataki ko ya, io nai cabocabo-ni-soro me vakama kina na ka boi vinaka vei Peali.

Jeremaia 11:17

Ia ko Jiova ni lewe vuqa ko koya ka tei iko, sa kaya me yacovi iko na ca, e na vuku ni nodra ca na mataqali i Isireli kei na mataqali i Juta, o koya era sa cakava vei ira me vakacudrui au, ni ra sa vakama na ka boi vinaka vei Peali.

Jeremaia 13:10

Ko ira na tamata ca oqo, era bese ni rogoca na noqu vosa, era muria na nodra yalokaukauwa era muria talega na kalou tani, me qaravi ira, ka soro vei ira, era na vaka ga nai vau oqo, sa sega e dua na ka e yaga kina:

Jeremaia 18:15

ka ni ra sa guilecavi au na noqu tamata, ia era sa vakama kina na ka boi vinaka ki na ka lasu, ka ra sa vakatarabetaki ira e na nodra sala, ka sa biu ga nai lakolako makawa, me ra lako vakatikitiki e na sala sa sega ni buluti;

Jeremaia 19:4

ka ni ra sa biuti au, ka ra sa vakacacataka na tikina oqo, ka ra sa vakama kina na ka boi vinaka vei ira na kalou tani, era sega ni kila, se ko ira, se na nodra qase, se ko iratou na tui Juta, ka ra sa vakasinaita na yasana oqo e na kedra dra era sega ni cala;

Jeremaia 32:29

a ra na lako mai na kai Kalitia erai valu mai ki na koro oqo, ka visa na koro oqo e na bukawaqa, ka vakama kei na kena veivale, era sa vakacabora kina e dela ni vale nai madrali boi vinaka vei Peali, ka livia nai sevu vei ira na kalou tani, me vakacudrui au.

Jeremaia 44:3

e na vuku ni nodra ca era sa cakava me vakacudrui au, ni ra sa la'ki vakama nai madrali boi vinaka, ka me ra qaravi ira na kalou tani, era sa sega ni kila, ko ira, se koi kemudou, se ko ira na nomudou qase.

Jeremaia 44:8

ni dou sa vakacudrui au e na cakacaka ni ligamudou, ni dou sa vakama nai madrali boi vinaka vei ira na kalou tani e na vanua ko Ijipita, dou sa mai tiko kina, mo dou muduki kemudou tani, mo dou vosavosacati, ka vakalialiai e na veivanua kece e vuravura?

Jeremaia 44:9

Dou sa guilecava li na nodra i valavala ca na nomudou qase, kei na nodra i valavala ca na tui Juta, kei nai valavala ca ni watidra, kei na nomudou i valavala ca, kei nai valavala ca ni watimudou, era sa cakava e na vanua ko Juta, kei na sala ni koro ko Jerusalemi?

Jeremaia 48:35

Ia sa kaya ko Jiova ka'u na muduka tani talega mai Moapi, na tamata sa dauvakacaboi soro e na veiyasana cecere, ka vakama nai madrali boi vinaka vei ira na nona kalou.

Jeremaia 5:2

Ia ke ra sa kaya, Sa bula ko Jiova; ke ra sa bubului vakailasu ga.

Jeremaia 5:7

Me'u na sega ni cudruvi iko vakacava e na vuku ni ka oqo? a luvemu era sa biuti au, a ra sa bubului vei ira sa sega ni kalou: ni'u a vakani ira me ra mamau sara, era sa qai ia na dauyalewa, ia e na vale ni yalewa dautagane era sa soqoni levu kina.

Jeremaia 7:6

kevaka dou sa sega ni vakasaurarataki iratou na vulagi, kei na luveniyali, kei na yada, ka sega ni vakadavea na dra e sega ni cala e na yasana oqo, ka sega ni muria na kalou tani mo dou ca kina:

Isikeli 18:18

Ia na tamana, ni sa dauia na veivakasaurarataki, ka daukoveraka na wekana, ka sa cakava na ka sa sega ni vinaka e na kedra maliwa na kai nona, raica, ena mate ga ko koya e na nona caka cala.

Isikeli 20:30

O koya oqo mo kaya kina ki na mataqali i Isireli, Sa kaya vakaoqo na Turaga ko Jiova; Dou sa vakadukadukalitaki talega e na nodra i valavala na nomudou qase, ne? ka dou sa ia talega na veibutakoci ka muria na nodra ka vakasisila, ne?

Isikeli 23:39

Ka ni rau a vakacabori ira oti na luvedrau ki na nodrau matakau, erau sa qai lako mai e na siga dina ko ya ki na noqu vale tabu me vakavelavelataka; io, sa vakaoqo na ka erau sa cakava e na noqu loma ni vale.

Isikeli 5:11

Ia, me vaka na dina ni noqu bula, sa kaya na Turaga ko Jiova; Ni ko sa vakadukadukalitaka na noqu vale tabu e na nomu ka velavela kecega, kei na nomu ka vakasisila kecega, oi au talega ka'u na vakalailaitaki iko; ia ka'u na sega ni vosoti iko ka'u na sega talega ni yalololoma vei iko.

Osea 2:13

Au na cudruvaka talega vua na gauna i Peali, ka vakama kina na ka boi vinaka vei ira, ka vakaiukuukutaki koya e na mama ni ucuna kei na nona ka ni ukuuku, ka muri ira na nonai tau, ia sa guilecavi au, sa kaya ko Jiova.

Osea 6:9

Ia me vaka era sa lawavaka na tamata na matadaubutako, sa vakakina era sa ia na veilabati ko ira nai lawalawa bete, e na sala vaka ki Sikemi: io, era sa cakava na ka vakasisila.

Emosi 4:5

dou vakacabora talega nai madrali ni vakavinavinaka sa vakalevenitaki, ia dou kacivaka ka tukuna nai madrali sa vakacabori wale: ni dou sa vinakata me vakaoqo, na Isireli, sa kaya na Turaga ko Jiova.

Sefanaia 1:5

kei ira era sa soro e na dela ni veivale ki na kalokalo ni lomalagi; kei ira era sa soro ka bubului vei Jiova, ka bubului vei Malikami;

Malakai 3:5

Ia ka'u na toro voleka vei kemudou me ia na veilewai, ia ka'u na kusarawa ni tukuna na nodra ca na daucakaisausau, kei na dauveibutakoci, kei na daububului vakailasu, kei ira era butakoca nai voli ni tamata cakacaka, kei na yada, kei na luveniyali, kei ira era bureitaka vua na vulagi na ka sa dodonu me nona, ka ra sega ni rerevaki au, sa kaya ko Jiova ni lewe vuqa.

Roma 2:2

Ia eda sa kila sa dina na lewa ni Kalou vei ira era sa kitaka na veika vakaoqo.

Vakarua 32:17

Era soro ki na tevoro eso, ka sega vua na Kalou; Ki na kalou eso era a sega ni kila, Sa ka vou sa qai tubu walega mai, Era sega ni rerevaka ko ira na nomuni qase.

Vakatakila 21:8

Ia ko ira na daurere, kei ira e vakatitiqa, kei ira era vakasisila, kei ira na daulaba, kei ira na dauyalewa, kei ira era kila ka-vakatevoro, kei ira sa dausoro ki na veimatakau, kei ira na daulasu kecega, sa votai vei ira na nodra i votavota e na drano sa caudre kina na buka kei na sulifure: ia oqo nai karua ni mate.

Vakatakila 22:15

Sa tu e taudaku ko ira na koli, kei ira era sa daukitaka na ka vakatevoro, kei ira na dauyalewa, kei ira na daulaba, kei ira era sa daumasu ki na veimatakau, kei ira kece era sa vinakata na lasu ka kitaka tiko.

Dauveilewai 5:8

Era digitaka eso na kalou vou; Sa qai kabai na matamata-ni-koro: Sa kune li e dua nai sasabai se moto Vei ira na le oba vakava ni Isireli?