Jeremaia 7:34 - Vakavakadewa Makawa

³⁴ Ka'u na qai vagaluya e na veikoro vaka-Juta, e na veisala talega ni koro ko Jerusalemi, na domo ni marau, kei na domo ni reki, na domo ni tagane kei na domo ni yalewa, sa qai vakawati: ni na lala na vanua.

Ai Vola Tabu (Vakadewa Makawa Vakavoutaki 2021)

³⁴ Ka'u na qai vagaluya e na veikoro vaka-Juta, e na veisala talega ni koro ko Jerusalemi, na domo ni marau, kei na domo ni reki, na domo ni tagane kei na domo ni yalewa, sa qai vakawati; ni na lala na vanua.

AI VOLA TABU

³⁴ Kaʼu na qai muduka tani mai na veikoro vaka-Juta, kei na sala ni koro ko Jerusalemi, na domo ni marau, kei na domo ni reki, na domo ni tagane kei na domo ni alewa, sa qai vakawati: ni na lala na vanua.

Vakavakadewa Vou kei na iVola tale eso

³⁴ Ena dravuisiga na vanua. Au na muduka na veirorogo ni marau, na dredre kei na mauwe ni kana magiti ni vakamau ena veikoro e Juta kei na veigaunisala e Jerusalemi.”

Ai Vola Tabu Ena Vakavakadewa Vou

³⁴ Ena dravuisiga na vanua. Au na muduka na veirorogo ni marau, na dredre kei na mauwe ni kana magiti ni vakamau ena veikoro e Juta kei na veigaunisala e Jerusalemi.”

Jeremaia 7:34 Iomraidhean Croise

Jope 3:7

Raica, me tu duadua na bogi oqori, Me kakua ni rogo kina na domo ni reki.

NA SAME 78:63

Sa kania na nodra cauravou na bukawaqa; Ka sa sega ni musu na nodra goneyalewa me ra vakawati.

Aisea 1:7

A nomudou vanua sa lala; a nomudou veikoro sa kama e na bukawaqa; ko ira na kai tani era sa kania na nomudou veiwere e na matamudou, a sa lala didi me vaka ni sa dauvukica ko ira na kai tani.

Aisea 3:26

Ena levu na tagi kei na yaso e na nona matamata-ni-koro; ia ko koya ni sa lala tu ena tiko sobu e na qele.

Aisea 6:11

Au a qai kaya, Kemuni na Turaga, Me cava na kena dede? A sa kaya ko koya, Me lala mada na veikoro me sega na lewena, kei na veivale me sega na tamata e tiko kina, kei na vanua me lala didi,

Jeremaia 16:9

Ni sa kaya vakaoqo ko Jiova ni lewe vuqa, na Kalou ni Isireli; Raica, au na muduka tani e na yasana oqo e na matamudou, io, e na nomudou gauna, na domo ni marau, kei na domo ni reki, na domo ni tagane kei na domo ni yalewa, sa qai vakawati.

Jeremaia 22:6

Ni sa kaya vakaoqo ko Jiova ki na vale i tui Juta; Ko iko ko sa vakataki Kiliati na ulu i Lepanoni vei au: ia ka'u na lewai iko mo veikau ga, ka mo veikoro sa sega ni tawa.

Jeremaia 25:10

Ia ka'u na vagalutaka vei ira na domo ni marau, kei na domo ni reki, na domo ni tagane kei na domo ni yalewa sa qai vakawati, na rorogo ni vatu i qaqi, kei na rarama ni cina.

Jeremaia 27:17

dou kakua ni rogoci ira; dou qaravi tui Papiloni ga, mo dou bula: me lala mei cavai na koro oqo?

Jeremaia 33:10

Sa kaya vakaoqo ko Jiova; Ena rogoci tale e na yasana oqo, dou sa kaya kina, Sa lala ga ka sega kina na tamata se na manumanu, io e na veikoro vaka-Juta, kei na sala ni koro ko Jerusalemi, sa lala tu ga, ka sega kina na tamata, se na manumanu,

Jeremaia 33:11

na domo ni reki, kei na domo ni marau, na domo ni tagane kei na domo ni yalewa, era sa qai vakawati; na domodra era sa kaya, Dou vakavinavinaka vei Jiova ni lewe vuqa: ni sa yalovinaka ko Jiova; ni sa sega ni mudu na nona loloma: kei na domodra talega era sa kauta mai nai madrali ni vakavinavinaka ki na vale i Jiova. Ni'u na kauti ira tale mai na lewe ni vanua era sa vakabobulataki, ka me ra sa vaka eliu, sa kaya ko Jiova.

Jeremaia 4:26

Au a vakararai, ka sa lekutu na veiwere bulabula, ia na kena veikoro kecega sa basubasuki sobu e na mata i Jiova, e na mata ni nona cudru waqawaqa.

Jeremaia 4:27

Ni sa kaya vakaoqo ko Jiova, Ena lala na vanua taucoko; ia ka'u na sega ni vakaotia sara.

Jeremaia 44:6

Ka sa sovaraki kina na noqu cudru kei na noqu lesa, a sa waqa e na veikoro vaka-Juta kei na sala ni koro ko Jerusalemi; ka sa rusa mai kina ka lala, me vaka e na siga oqo.

Lele i Jeremaia 5:14

Ko ira na qase, era sa sega tale ni tiko mai na matamata-ni-koro; Ko ira na cauravou, era sa mudu ni qiri lali.

Isikeli 26:13

Ia ka'u na vakaotia na domo ni nomu meke: ia na domo ni nomu api ena sega tale ni rogo.

Isikeli 7:11

Na veivakacacani, sa tubu cake me taba ni kau ca sara: ena sega vei ira me vo tiko, se vei ira na nodra lewe vuqa, se dua na nodra i yau: ena sega talega na tagi yaso e na vukudra.

Osea 2:11

Ia ka'u na vakaotia kecega na nona marau, kei na nona so levu, kei na nona vula vou, kei na nona siga tabu, kei na nona so levu tabu kecega.

Osea 2:13

Au na cudruvaka talega vua na gauna i Peali, ka vakama kina na ka boi vinaka vei ira, ka vakaiukuukutaki koya e na mama ni ucuna kei na nona ka ni ukuuku, ka muri ira na nonai tau, ia sa guilecavi au, sa kaya ko Jiova.

Vunau ni Soro 26:33

Ia ka'u na vakasesei kemudou ki na veimatanitu, ka ucuna nai seleiwau me muri kemudou: ia na nomudou vanua ena lekutu wale, ka na lala na nomudou veikoro.

Maika 7:13

Ia na vanua, ena lala sara ga e na vukudra era tiko kina, sa kenai sau ni nodra i valavala.

Vakatakila 18:23

ena sega talega ni caudre tale e tikimu na rarama ni cina; ena sega talega ni rogo tale e tikimu na domo ni tagane sa qai vakawati, se na domo ni yalewa sa qai vakawati: o ira na nomu tamata dauveivoli eliu era sa tamata turaga kei vuravura; ni sa nomu i lawaki sa vakacalai kece kina na veivanua.