Jeremaia 7:26 - Vakavakadewa Makawa

²⁶ ia era sa sega ni vakarorogo vei au, se vakatu daligadra, era vakadomoqataki ira ga: era sivi ira na nodra qase e na caka ca.

Ai Vola Tabu (Vakadewa Makawa Vakavoutaki 2021)

²⁶ Ia era sa sega ni vakarorogo vei au, se vakatu daligadra, era vakadomoqataki ira ga. Era siviti ira na nodra qase e na caka ca.

AI VOLA TABU

²⁶ a ra sa sega ni vakarorogo vei au, se vakatu daligadra, era vakadomoqataki ira ga: era cakava vakalevu na ca ka vakalailai ko ira na nodra qase.

Vakavakadewa Vou kei na iVola tale eso

²⁶ Ia era sega ni via vakarorogo se muria. Era sa qai vakaukauwataka na lomadra ka ra sa ca sobu sara mai vei ira na nodra qase.

Ai Vola Tabu Ena Vakavakadewa Vou

²⁶ Ia era sega ni via vakarorogo se muria. Era sa qai vakaukauwataka na lomadra ka ra sa ca sobu sara mai vei ira na nodra qase.

Jeremaia 7:26 Iomraidhean Croise

1 Tui 14:22

A ra sa daucaka ca ko ira na Juta e na mata i Jiova; a ra sa vakavuvutaki koya vakalevu e na nodra i valavala ca era sa cakava, ka vakalailai ko ira kece na nodra qase.

1 Tui 14:9

ka ko sa ia nai valavala ca sa uasivia na nodra i valavala ca kecega era a bula eliu vei iko; ni ko sa la'ki cakava eso na nomu kalou tani, kei na matakau eso sa vakawaicalataki, ka me vakacudrui au, ka sa biuti au ki dakumu:

2 Tui 17:14

Ia era sa sega ni vakarorogo, a ra sa vakadomoqataki ira me vaka era kitaka na nodra qase, era a sega ni vakabauti Jiova na nodra Kalou.

2 Tui 17:15

A ra sa biuta na nonai lesilesi kei na nona veiyalayalati ka ia ko koya kei ira na nodra qase, kei na nona vunau ka vakaroti ira kina; a ra sa muria na ka lialia, ka yaco kina me ra lialia, ka muri ira na veimatanitu sa vakavolivoliti ira, o ira ka vakaroti ira kina ko Jiova, me ra kakua ni cakacaka me vakataki ira.

2 Veigauna 30:8

Ia mo ni kakua ni domoqa, me vakataki ira na nomuni qase, ia mo ni soli kemuni kivei Jiova, ka curuma na nona vale tabu, sa vakatabuya ko koya ka tawa mudu: ka qaravi Jiova na nomuni Kalou, me saumaki tani vei kemuni na nona cudru bibi.

2 Veigauna 33:10

A sa vosa ko Jiova kivei Manasa, vei ira talega na nona tamata: a ra sa bese ni rogoca.

2 Veigauna 33:23

Ka sega ni vakamalumalumutaki koya e na mata i Jiova, me vaka ka vakamalumalumutaki koya ko Manasa na tamana; ia sa uasivi cake tiko e na nona caka cala ko Emoni.

Niemaia 9:29

ka vunauci ira, mo ni vakalesui ira tale mai ki na nomuni vunau: a ra sai valavala vakaviavialevu ga, ka sega ni vakarorogo ki na nomuni vunau ka ra caka cala ga ki na nomuni lewa, (o koya ena bula kina na tamata kevaka sa cakava;) ka vakasuka na tabadra, ka vakadomoqataki ira, ka sega ni vakarorogo.

Vosavakaibalebale 29:1

O koya sa dauvunauci ia sa vakadomoqataki koya, Ena vakarusai vakasauri, ka sega na ka me bula kina.

Aisea 48:4

Ni'u a kila ni ko sa yalokaukauwa, ni sa dali aironi na domomu, ka parasa na yadremu;

Aisea 5:4

A cava tale me caka ki na noqu were-ni-vaini, ka'u a sega ni cakava kina? ia e na vuku ni cava, ni'u a nuitaka me vuataka na vua ni vaini, sa qai vuataka ga na vua ni vaini ca?

Jeremaia 11:8

A ra sa sega ni vakarorogo, se vakatu daligadra, era sa dui muria kecega na nodra yalokaukauwa: o koya oqo ka'u na vakayacora kina vei ira na vosa kecega ni veiyalayalati oqo, ka'u a vakarota vei ira me ra cakava; ka ra sa sega ni muria.

Jeremaia 16:12

ia koi kemudou dou sa caka ca vakalevu ka vakalailai ko ira na nomudou qase; ka raica, dou sa dui muria yadua na nona yalokaukauwa kei na nona loma ca, me ra kakua kina ni vakarorogo vei au:

Jeremaia 17:23

ia era sega ni talairawarawa, se vakatu daligadra, era sa vakadomoqataki ira ga, me ra kakua ni vakarorogo, se me ra vakavulici.

Jeremaia 19:15

Sa kaya vakaoqo ko Jiova ni lewe vuqa, na Kalou ni Isireli; Raica, au na vakayacora ki na koro oqo kei na kena veikoro kecega na ca kecega ka'u a vosa kina e na vukuna, ni ra sa vakadomoqataki ira, me ra kakua ni rogoca na noqu vosa.

Jeremaia 22:21

Au a vosa vei iko ni ko sa tiko vinaka; ia ko sa kaya, Au na sega ni rogoca. Sa vakaoqo na nomu i valavala ni ko sa gone ka yacova na siga oqo, ni ko sa sega ni rogoca na domoqu.

Jeremaia 25:3

Mai nai katinikatolu ni yabaki i Josaia na luve i Emoni na tui Juta, ka yacova na siga oqo, sa kenai karuasagavulu ka tolu ni yabaki, sa yaco tiko vei au na vosa i Jiova, ia ka'u a vosa tikoga vei kemudou, ka sou e na mataka me'u vosa; ia dou a sega ni vakarorogo.

Jeremaia 25:7

Ia dou a sega ni vakarorogo vei au, sa kaya ko Jiova; mo dou sa vakacudrui au kina e na cakacaka ni ligamudou mo dou ca.

Jeremaia 26:5

ka sega ni vakarorogo ki na vosa ni noqu i talatala na parofita, ko ira ka'u sa tala vei kemudou, ka sou e na mataka me'u tala, ia dou a sega ga ni vakarorogo;

Jeremaia 29:19

ka ni ra sa sega ni rogoca na noqu vosa, sa kaya ko Jiova, o koya ka'u sa talai ira na noqu i talatala na parofita me ra tukuna, ka'u sa sou e na mataka ka tala, ia dou a sega ni vakarogoca, sa kaya ko Jiova.

Jeremaia 3:13

Me vakatusa ga na nomu caka cala, ko sa talaidredre kina vei Jiova na nomu Kalou, ka sa veibiuyaka na nomu i valavala kei ira na kai tani e na ruku ni kau bulabula kecega, ia dou a sega ni vakarorogo ki na domoqu, sa kaya ko Jiova.

Jeremaia 32:23

ka ra sa mai curu kina, ka taukena; ia era sa sega ni vakarorogo ki na nomuni vosa, era sa sega talega ni muria na nomuni vunau; era sa sega ni cakava e dua na ka ko ni sa vakarota vei ira me ra cakava: ia ko ni sa vakayacora kina vei ira na ca kecega oqo:

Jeremaia 34:14

Ni sa oti e vitu na yabaki dou dui vakatala yani na wekana sa Iperiu, ka sa volitaki vei iko; ia ni sa qaravi iko ka yabaki ono, mo qai sereki koya me lako tani vei iko: ia era sa sega ni vakarorogo vei au ko ira na nomudou qase, se vakatu daliga mai.

Jeremaia 35:15

Au a talai ira talega vei kemudou na noqu i talatala kecega na parofita, ka sou e na mataka me'u tala, ka kaya, Dou dui lesu mada na tamata yadua mai na nona sala ca, ka dou ia mada me vinaka na nomudou i valavala, ia dou kakua ni muria na kalou tani me qaravi ira, dou na qai tiko ga e na vanua ka'u sa solia vei kemudou kei ira na nomudou qase: ia dou sa sega ga ni vakatu daligamudou, se vakarorogo vei au.

Jeremaia 35:17

o koya oqo sa kaya kina ko Jiova ni lewe vuqa, na Kalou ni Isireli; Raica, au na vakayacora kivei ira na Juta kei ira kece na kai Jerusalemi na ca kecega ka'u sa cavuta me yaco vei ira; ni'u sa vosa vei ira, ka ra sa sega ni goleva; ka'u sa kacivi ira, ka ra sa sega ni rogo mai.

Jeremaia 44:16

Keimami na sega ni vakarorogo ki na vosa, ko sa mai tukuna vei keimami e na yaca i Jiova:

Jeremaia 5:3

Kemuni Jiova, sa sega beka ni qara ki na ka dina na matamuni? ko ni sa cudruvi ira, ka ra sa sega ni rarawa; ko ni sa vakarusai ira, ka ra sa bese ni vakavulici: era sa vaqaqataka na matadra ka sa malumalumu na vatu; era sa bese ni lesu mai.

Jeremaia 6:10

Me'u vosa vei cei, ka ia kina na vakatusa, me ra rogoca? raica, sa sega ni cilivi na daligadra, a ra sa sega ni vakarorogo rawa: raica, na vosa i Jiova sai tukutuku ca vei ira; era sa sega ni vinakata.

Jeremaia 6:17

Au a lesia talega eso me nomudou i vakatawa, ka kaya, Dou vakarorogo ki na rorogo ni davui. A ra sa kaya, Keimami na sega ni vakarorogo.

Jeremaia 7:24

ka ra sa sega ni vakarorogo, se vakatu daligadra, era sa muria ga na nodra lewa kei na nodra yalokaukauwa, era sa suka ki muri, ka sega ni lako ki liu.

Jeremaia 9:13

Ka sa kaya ko Jiova, Ni ra sa biuta na noqu vunau ka'u a tauca e matadra, ka ra sa sega ni vakarorogo ki na noqu vosa se muria;

Isikeli 12:2

Ko iko na luve ni tamata, ko sa tiko e na kedra maliwa na mataqali dautalaidredre, era sa vakamatana me ra raica, ka ra sega ni raica; era sa vakadaligana me ra rogoca, ka ra sega ni rogoca: ni ra sa mataqali dautalaidredre.

Isikeli 12:3

Ia ko iko, na luve ni tamata, mo vakarautaka na nomu i yaya ni toki, ka toki tani e matadra e na siga: ia mo toki tani e matadra mai na nomu tikina ki na tikina tani: era mataqali dautalaidredre, ia de ra na vakanananu beka ga.

Isikeli 20:30

O koya oqo mo kaya kina ki na mataqali i Isireli, Sa kaya vakaoqo na Turaga ko Jiova; Dou sa vakadukadukalitaki talega e na nodra i valavala na nomudou qase, ne? ka dou sa ia talega na veibutakoci ka muria na nodra ka vakasisila, ne?

Taniela 9:6

keimami sa sega talega ni vakarorogo vei ira na nomuni talatala na parofita, era vosa e na yacamuni vei ira na neimami tui, kei na neimami turaga, kei na neimami qase, kei ira kecega na lewe ni vanua.

Osea 11:7

Ia na noqu tamata era sa gu ga me ra vuki tani vei au: ni ra kacivi ira me ra lako mai vua sa Cecere, ia sa sega e dua sa vakacaucautaki koya.

Sakaraia 7:11

A ra sa bese ga ni vakarorogo, ka ra vuki vakanadaku, ka ra sogota na daligadra, me ra kakua ni rogoca.

Malakai 3:7

Ia mai na gauna ni nomudou qase dou sa vuki tani ga mai na ka ka'u sa lesia, ka sa sega ni vakabauta: dou lesu mai vei au, au na qai lesu yani vei kemudou, sa kaya ko Jiova ni lewe vuqa. Ia dou sa kaya, Me keitou lesu vakaevei?

Maciu 21:38

Ia ni ra sa raica na luvena ko ira nai vakatau-ni-were, era sa kaya vakai ira, O koya oqo nai taukei emuri; tou mai vakamatea, me da suguta na nona vanua me noda.

Maciu 23:32

Ia mo dou vakasinaita nai vakarau ni nomudou qase.

Cakacaka 7:51

Oi kemudou na yalokaukauwa, ka sega ni cili na yalomudou, kei na daligamudou, dou sa dauvorata tikoga na Yalo Tabu; ia koi kemudou dou sa kitaka me vakataki ira na nomudou qase.

Roma 2:5

Ia ko iko, me vaka na nomu yalokaukauwa kei na lomamu sa sega ni veivutuni, ko sa binia tikoga vei iko na cudru ki na siga ni cudruvi, ena vakaraitaki kina na lewa dodonu ni Kalou;

Vakarua 8:20

Me vaka na veimatanitu sa vakarusa ko Jiova e matamuni, kemuni na rusa vakakina; ni kemuni sa sega ni vakarorogo ki na domo i Jiova na nomuni Kalou.