Jeremaia 7:25 - Vakavakadewa Makawa

²⁵ Mai na siga era sa lako mai kina na nomudou qase mai na vanua ko Ijipita ka yacova na siga oqo, ka'u a talai ira kecega na noqu parofita vei kemudou e na veisiga, ka'u a sou e na mataka ka tala:

Ai Vola Tabu (Vakadewa Makawa Vakavoutaki 2021)

²⁵ Mai na siga era sa lako mai kina na nomudou qase mai na vanua ko Ijipita ka yacova na siga oqo, ka'u a talai ira kecega na noqu parofita vei kemudou e na veisiga, ka'u a sou e na mataka ka tala.

AI VOLA TABU

²⁵ Mai na siga era sa lako mai kina na nomudou qase mai na vanua ko Ijipita ka yacova na siga o qo, kaʼu a talai ira kecega na noqu parofita vei kemudou, kaʼu a sou c na sabogibogi ka tala:

Vakavakadewa Vou kei na iVola tale eso

²⁵ Me tekivu mai na siga era a lako tani kina mai Ijipita na nomuni qase ka yacova mai na siga oqo, au sa talai ira tikoga mai vakaveitaravi na noqu tamata na parofita vei ira.

Ai Vola Tabu Ena Vakavakadewa Vou

²⁵ Me tekivu mai na siga era a lako tani kina mai Ijipita na nomuni qase ka yacova mai na siga oqo, au sa talai ira tikoga mai vakaveitaravi na noqu tamata na parofita vei ira.

Jeremaia 7:25 Iomraidhean Croise

2 Veigauna 24:19

Ia sa tala eso na parofita vei ira ko koya, me vakalesui ira tale kivei Jiova; a ra sa beitaki ira e na nodra i valavala: ka ra sa bese ga ni rogoca.

2 Veigauna 36:15

A sa talai ira na nonai talatala kivei ira ko Jiova na Kalou ni nodra qase, sa sou e na mataka, ka talai ira; ni sa yalololoma ko koya vei ira na nona tamata, kei na yasana sa dautiko kina ko koya.

Esera 9:7

Mai na gauna ni neimami qase, keimami sa talaidredre vakalevu ka yacova na siga oqo; ia e na vuku ni neimami caka cala, keimami sa soli oti yani ki na ligadra na tui ni veivanua, koi keimami kei ira na neimami tui kei ira na neimami bete, ki nai seleiwau, ki na veivakabobulataki, kei na veivakacacani, kei na veivakamaduataki, me vaka e na siga oqo.

Niemaia 9:26

Ia era sa talaidredre, ka vuki tani, ka biuta ki dakudra na nomuni vunau, ka vakamatei ira na nomuni parofita era vunauci ira me vakalesui ira kivei kemuni, a ra sa kitaka na ka e veivakacudrui vakalevu.

Niemaia 9:30

Ia sa vuqa na yabaki ko ni a vosoti ira kina, ka vunauci ira e na Yalomuni e na gusudra na nomuni parofita: ia era sa bese ga ni rogoca: o koya ko ni a soli ira kina ki na ligadra na lewe ni veivanua.

Aisea 5:4

A cava tale me caka ki na noqu were-ni-vaini, ka'u a sega ni cakava kina? ia e na vuku ni cava, ni'u a nuitaka me vuataka na vua ni vaini, sa qai vuataka ga na vua ni vaini ca?

Jeremaia 11:7

Ni'u a vakadreta sara vei ira na nomudou qase e na siga ka'u a kauti ira cake kina mai na vanua ko Ijipita, ka yacova na siga oqo, ka'u sa sou e na mataka ka vakadreta ka kaya, Dou vakarogoca na noqu vosa.

Jeremaia 25:3

Mai nai katinikatolu ni yabaki i Josaia na luve i Emoni na tui Juta, ka yacova na siga oqo, sa kenai karuasagavulu ka tolu ni yabaki, sa yaco tiko vei au na vosa i Jiova, ia ka'u a vosa tikoga vei kemudou, ka sou e na mataka me'u vosa; ia dou a sega ni vakarorogo.

Jeremaia 25:4

Ia sa tala vei kemudou ko Jiova na nonai talatala kecega na parofita, ka sou e na mataka me tala; ia dou sa sega ni vakarorogo, se vakatu daligamudou mo dou rogoca.

Jeremaia 29:19

ka ni ra sa sega ni rogoca na noqu vosa, sa kaya ko Jiova, o koya ka'u sa talai ira na noqu i talatala na parofita me ra tukuna, ka'u sa sou e na mataka ka tala, ia dou a sega ni vakarogoca, sa kaya ko Jiova.

Jeremaia 35:14

Sa vakayacori na vosa i Jionatapi na Rekapaiti, ka vakarota vei ira na luvena me ra kakua ni gunu waini; ia era sa sega ni gunuva ka yacova na siga oqo, ni ra sa vakarorogo ki nai vakaro ni tamadra: ia koi au ka'u a vosa tikoga vei kemudou, ka sou e na mataka me'u vosa; ia dou a sega ga ni vakarogoci au.

Jeremaia 35:15

Au a talai ira talega vei kemudou na noqu i talatala kecega na parofita, ka sou e na mataka me'u tala, ka kaya, Dou dui lesu mada na tamata yadua mai na nona sala ca, ka dou ia mada me vinaka na nomudou i valavala, ia dou kakua ni muria na kalou tani me qaravi ira, dou na qai tiko ga e na vanua ka'u sa solia vei kemudou kei ira na nomudou qase: ia dou sa sega ga ni vakatu daligamudou, se vakarorogo vei au.

Jeremaia 44:4

Ia ka'u a talai ira kecega na noqu i talatala vei kemudou, ka sou e na mataka me'u tala, ka kaya, Dou kakua sara mada ni cakava na ka vakasisila oqo ka'u sa cata.

Jeremaia 7:13

Ia oqo, ni dou sa cakava na cakacaka kece oqo, sa kaya ko Jiova, io, ka'u a vosa tikoga vei kemudou, ka sou e na mataka me'u vosa vei kemudou, dou a sega ga ni goleva; ia ka'u a kaci yani, ka dou a sega ni rogo mai;

Isikeli 2:3

A sa kaya vei au ko koya, Ko iko na luve ni tamata, au sa talai iko vei ira na Isireli, ki na dua na matanitu dauvuki sa vuki tani vei au: o ira kei na nodra qase era sa talaidredre vei au, ka yacova sara na siga oqo.

Osea 11:7

Ia na noqu tamata era sa gu ga me ra vuki tani vei au: ni ra kacivi ira me ra lako mai vua sa Cecere, ia sa sega e dua sa vakacaucautaki koya.

Osea 12:10

Au a vosa talega e na gusudra na parofita; ia, ka'u a vakalevutaka na raivotu, e na gusudra talega na parofita ka'u a ia na vosa vakatautauvata.

Emosi 2:11

Au a vakatubura talega na luvemudou eso me ra parofita, ka so na nomudou cauravou me ra tawase me nona na Kalou. Sa sega li ni vakakina, oi kemudou na Isireli? sa kaya ko Jiova.

Malakai 3:7

Ia mai na gauna ni nomudou qase dou sa vuki tani ga mai na ka ka'u sa lesia, ka sa sega ni vakabauta: dou lesu mai vei au, au na qai lesu yani vei kemudou, sa kaya ko Jiova ni lewe vuqa. Ia dou sa kaya, Me keitou lesu vakaevei?

Luke 11:49

O koya oqo sa kaya kina na vuku ni Kalou, Au na tala vei ira eso na parofita kei nai apositolo, ia eso vei ira era na vakamatea ka vakacacana:

Vakarua 9:7

Mo ni nanuma, kakua ni guilecava, ni ko a dauvakacudrui Jiova na nomuni Kalou mai na vanua liwa: mai na siga ko ni a lako tani mai na vanua ko Ijipita, ka yacova na siga kemuni a yaco kina ki na yasana oqo, ko ni sa talaidredre ga vei Jiova.