Jeremaia 7:24 - Vakavakadewa Makawa

²⁴ ka ra sa sega ni vakarorogo, se vakatu daligadra, era sa muria ga na nodra lewa kei na nodra yalokaukauwa, era sa suka ki muri, ka sega ni lako ki liu.

Ai Vola Tabu (Vakadewa Makawa Vakavoutaki 2021)

²⁴ Ia era sa sega ni vakarorogo, se vakatu daligadra, era sa muria ga na nodra lewa kei na nodra yalokaukauwa, era sa suka ki muri, ka sega ni lako ki liu.

AI VOLA TABU

²⁴ a ra sa sega ni vakarorogo, se vakatu daligadra, era sa muria ga na lewa kei na kaukauwa ni lomadra ca, era sa lako kimuri, ka sega ni lako kiliu.

Vakavakadewa Vou kei na iVola tale eso

²⁴ Ia era a sega ni talairawarawa se vakarogorogo kina. Era sa vakamuria ga na veika e gadreva na yalodra domoqa me ra cakava, era sa qai toro sobu ga kina ka ra sega ni bau vinaka cake.

Ai Vola Tabu Ena Vakavakadewa Vou

²⁴ Ia era a sega ni talairawarawa se vakarogorogo kina. Era sa vakamuria ga na veika e gadreva na yalodra domoqa me ra cakava, era sa qai toro sobu ga kina ka ra sega ni bau vinaka cake.

Jeremaia 7:24 Iomraidhean Croise

Niemaia 9:29

ka vunauci ira, mo ni vakalesui ira tale mai ki na nomuni vunau: a ra sai valavala vakaviavialevu ga, ka sega ni vakarorogo ki na nomuni vunau ka ra caka cala ga ki na nomuni lewa, (o koya ena bula kina na tamata kevaka sa cakava;) ka vakasuka na tabadra, ka vakadomoqataki ira, ka sega ni vakarorogo.

NA SAME 81:13

Ke ra sa vakarorogo mada vei au ko ira na noqu tamata, Ka muria ga na noqu sala ko ira na Isireli:

Jeremaia 13:10

Ko ira na tamata ca oqo, era bese ni rogoca na noqu vosa, era muria na nodra yalokaukauwa era muria talega na kalou tani, me qaravi ira, ka soro vei ira, era na vaka ga nai vau oqo, sa sega e dua na ka e yaga kina:

Jeremaia 13:11

me vaka sa kabita na tolo ni tamata nai vau, ka'u sa vakabita vakakina vei au na mataqali kecega i Isireli kei na mataqali kecega i Juta, sa kaya ko Jiova; me ra yaco me noqu tamata, me'u rogo kina, ka vakavinavinakataki, ka vakarokorokotaki: ia era bese ga ni vakarorogo.

Jeremaia 15:6

Ko iko ko sa biuti au, sa kaya ko Jiova, ko sa lako ki muri: o koya oqo ka'u na dodoka kina na ligaqu vei iko, ka vakarusai iko; au sa oca e na veivutuni.

Jeremaia 16:12

ia koi kemudou dou sa caka ca vakalevu ka vakalailai ko ira na nomudou qase; ka raica, dou sa dui muria yadua na nona yalokaukauwa kei na nona loma ca, me ra kakua kina ni vakarorogo vei au:

Jeremaia 17:23

ia era sega ni talairawarawa, se vakatu daligadra, era sa vakadomoqataki ira ga, me ra kakua ni vakarorogo, se me ra vakavulici.

Jeremaia 17:9

Sa ka dauveivakaisini duaduaga na yalo ni tamata, ka sa dredre ni vinaka: ko cei me kila rawa?

Jeremaia 18:10

kevaka ena caka ca e mataqu, me sega ni vakarorogo ki domoqu, ka'u na qai veivutunitaka na vinaka, ka'u a kaya me'u cakava me ra vinaka kina.

Jeremaia 18:12

A ra sa kaya, Sa sega sara ni rawa: keimami na muria ga na neimami lewa, ia na nanuma ni lomaimami ca keimami na dui cakava.

Jeremaia 2:27

ni ra kaya ki na kau, Ko iko na tamaqu; ki na vatu talega, Ko iko ko a vakasucumi au: ka ni ra sa vakanadaku vei au, ka sega ni vakanamata mai: ia e na gauna ni nodra rarawa era na kaya, Mo ni tu cake mai, ka vakabulai keimami.

Jeremaia 22:21

Au a vosa vei iko ni ko sa tiko vinaka; ia ko sa kaya, Au na sega ni rogoca. Sa vakaoqo na nomu i valavala ni ko sa gone ka yacova na siga oqo, ni ko sa sega ni rogoca na domoqu.

Jeremaia 23:17

Era sa kaya tikoga vei ira era beci au, Sa kaya ko Jiova, Ena yaco ga na vakacegu vei kemudou, ia vei ira kece era muria na kaukauwa ni lomadra era sa kaya, Ena sega na ca me yacovi kemudou:

Jeremaia 3:13

Me vakatusa ga na nomu caka cala, ko sa talaidredre kina vei Jiova na nomu Kalou, ka sa veibiuyaka na nomu i valavala kei ira na kai tani e na ruku ni kau bulabula kecega, ia dou a sega ni vakarorogo ki na domoqu, sa kaya ko Jiova.

Jeremaia 3:17

E na gauna ko ya era na vakatokai Jerusalemi mei tikotiko vakaturaga i Jiova; ka ra na soqoni vata kina na lewe ni veimatanitu kecega ki na yaca i Jiova ki Jerusalemi: ka ra na sega ni muria tale na kaukauwa ni lomadra ca.

Jeremaia 32:23

ka ra sa mai curu kina, ka taukena; ia era sa sega ni vakarorogo ki na nomuni vosa, era sa sega talega ni muria na nomuni vunau; era sa sega ni cakava e dua na ka ko ni sa vakarota vei ira me ra cakava: ia ko ni sa vakayacora kina vei ira na ca kecega oqo:

Jeremaia 32:33

A ra sa vakanadakui au, ka sega ni vakanamata vei au: ia ka'u a vakavulici ira, ka sou e na mataka me'u vakavulica, a ra sa sega ni vakarorogo me ra vakavulici kina:

Jeremaia 35:15

Au a talai ira talega vei kemudou na noqu i talatala kecega na parofita, ka sou e na mataka me'u tala, ka kaya, Dou dui lesu mada na tamata yadua mai na nona sala ca, ka dou ia mada me vinaka na nomudou i valavala, ia dou kakua ni muria na kalou tani me qaravi ira, dou na qai tiko ga e na vanua ka'u sa solia vei kemudou kei ira na nomudou qase: ia dou sa sega ga ni vakatu daligamudou, se vakarorogo vei au.

Jeremaia 6:16

Sa kaya vakaoqo ko Jiova, Dou tu e na sala, ka vakararai, ka taroga nai lakolako makawa, se sa evei na sala vinaka, ia dou lako ga kina, dou na qai kunea kina na vakacegu ni yalomudou. A ra sa kaya, Keimami na sega ni lako kina.

Jeremaia 7:26

ia era sa sega ni vakarorogo vei au, se vakatu daligadra, era vakadomoqataki ira ga: era sivi ira na nodra qase e na caka ca.

Jeremaia 8:5

A cava beka era sa qai vuki tani kina na kai Jerusalemi oqo e na dauvuki sa sega ni mudu? era taura matua na ka lasu, era bese ni lesu mai.

Jeremaia 9:14

ka ra sa muria ga na nodra yalokaukauwa, kei ira na Peali, oqori ka vakavulici ira kina ko ira na nodra qase:

Isikeli 20:13

Ia sa talaidredre vei au na mataqali ni Isireli mai na vanua liwa lala; ka ra sega ni muria na noqu vunau, ka ra sa beca na noqu lewa, o koya ke cakava e dua na tamata, ena bula kina; ia na noqu siga tabu era sa vakacacana sara: au a qai kaya, Au na sovaraka na noqu cudru vei ira e na vanua liwa lala, me'u vakarusai ira.

Isikeli 20:16

ka ni ra sa beca na noqu lewa, ka ra sega ni muria na noqu vunau, ka ra vakacacana na noqu siga tabu: ia e na lomadra era sa goleva na nodra matakau.

Isikeli 20:21

Ia ka sa talaidredre vei au ko ira na luvedra: ka ra sega ni muria na noqu vunau, ka ra sega ni vakabauta na noqu lewa, me ra cakava, ia ke sa cakava e dua na tamata, ena bula kina; era sa vakacacana talega na noqu siga tabu; au a qai kaya, Au na sovaraka na noqu cudru vei ira, me'u vakayacora na noqu cudru vei ira e na vanua liwa lala.

Isikeli 20:8

Ia era sa talaidredre vei au, ka ra bese ni vakarorogo vei au: era sa sega ni dui biuta tani na ka vakasisila ni matadra, ka ra sa sega ni biuta na matakau ni Ijipita: au a qai kaya, Au na sovaraka na noqu cudru vei ira, me'u vakayacora na noqu cudru vei ira e loma ni vanua ko Ijipita.

Taniela 9:6

keimami sa sega talega ni vakarorogo vei ira na nomuni talatala na parofita, era vosa e na yacamuni vei ira na neimami tui, kei na neimami turaga, kei na neimami qase, kei ira kecega na lewe ni vanua.

Osea 10:6

Io, na ka talega ko ya ena kau ki Asiria me ka ni loloma vua na tui Jerupi; ena nodra na Ifireimi na madua, io, era na vakamaduataki na Isireli e na vuku ni nodra lewa.

Osea 4:16

Me vaka sa daubese na pulumokau, sa ra daubese vakakina na Isireli: Ia oqo ena vakani ira ko Jiova me vaka na lami e na yasana rabailevu.

Maika 6:16

Ni sa dauvakabau na ka sa lesia ko Omirai, kei nai valavala kecega ni mataqali i Eapi, dou sa muria talega na nodra i vakavuvuli; me'u kitaki kemudou kina mo dou lala sara, ka mo dou vakasiusiutaki: ia na kedrai rogorogo ca na noqu tamata ena baleti kemudou.

Sakaraia 7:11

A ra sa bese ga ni vakarorogo, ka ra vuki vakanadaku, ka ra sogota na daligadra, me ra kakua ni rogoca.

Vakarua 29:19

ka sa yaco ni sa rogoca na vosa ni veicudruvi oqo, ka sa vosavakalougatataki koya e na yalona, ka kaya, Au na vinaka tikoga ni'u sa muria na ka sa nakita tiko na lomaqu; ka me kuria na viagunu e na mateni ko koya: