Jeremaia 7:23 - Vakavakadewa Makawa

²³ ia na ka ga oqo ka'u a vakarota vei ira, ka kaya, Dou vakarorogo ki na noqu vosa, ka'u na qai nomudou Kalou, ia dou na vakabau mo dou noqu tamata: dou muria kece talega nai valavala ka'u a vakarota vei kemudou, mo dou vinaka kina:

Ai Vola Tabu (Vakadewa Makawa Vakavoutaki 2021)

²³ Ia na ka ga oqo ka'u a vakarota vei ira, ka kaya, ‘Dou vakarorogo ki na noqu vosa, ka'u na qai nomudou Kalou, ia dou na vakabau mo dou noqu tamata. Dou muria kece talega nai valavala ka'u a vakarota vei kemudou, mo dou vinaka kina.’

AI VOLA TABU

²³ ia na ka ga o qo kaʼu a vakarota vei ira, ka kaya, Dou vakarorogo ki na domoqu, kaʼu na qai nomudou Kalou, ia kemudou, dou na yaco me noqu tamata: dou muria kece talega na sala kaʼu a vakarota vei kemudou, mo dou vinaka kina:

Vakavakadewa Vou kei na iVola tale eso

²³ Ia au a vakaroti ira na gone me ra talairawarawa vei au, ka'u na qai nodra Kalou ka ra na qai yaco me ra noqu tamata. Au a tukuna vei ira me ra muria na veika au a vakarota vei ira me ra na tiko vinaka kina.

Ai Vola Tabu Ena Vakavakadewa Vou

²³ Ia au a vakaroti ira na gone me ra talairawarawa vei au, ka'u na qai nodra Kalou ka ra na qai yaco me ra noqu tamata. Au a tukuna vei ira me ra muria na veika au a vakarota vei ira me ra na tiko vinaka kina.

Jeremaia 7:23 Iomraidhean Croise

Jope 36:11

Kevaka era vakarorogo, ka qaravi koya, Era na vakaotia na nodra siga ni ra tiko vinaka, Kei na nodra yabaki ni ra marau tiko.

NA SAME 119:3

Era sa sega talega ni caka cala: Era lako ga e na nona sala.

NA SAME 40:6

Ai soro kei nai madrali ko ni a sega ni vinakata; O ni sa cula-basika na daligaqu: Ai soro kama kei nai soro ni valavala ca ko ni sa sega ni taroga.

NA SAME 81:13

Ke ra sa vakarorogo mada vei au ko ira na noqu tamata, Ka muria ga na noqu sala ko ira na Isireli:

Lako Yani 15:26

ka kaya, Kevaka ko ni na vakarorogo vakavinaka ki na domo i Jiova na nomuni Kalou, ka cakava na ka sa dodonu e matana, ka vakatu daligamuni ki na nona vunau, ka vakabauta na ka kecega sa lesia ko koya, ka'u na qai sega ni vakayacora vei kemuni e dua na mate ka'u a vakayacora vei ira na kai Ijipita; ni sai au ko Jiova, ka'u sa vakabulai kemuni tiko.

Lako Yani 16:32

A sa kaya ko Mosese, Oqo na ka sa vakarota ko Jiova, Ni vakasinaita kina e dua na omeri, me maroroi me yacova na nomuni tabatamata maimuri; me ra raica na kakana ka'u sa vakani kemuni kina e na vanua liwa, ni'u a kauti kemuni tani mai na vanua ko Ijipita.

Aisea 3:10

Dou kaya vua na yalododonu ena yaco ga vua na vinaka: ni ra na kania na vua ni nodra i valavala.

Jeremaia 11:4

ka'u a vakarota vei ira na nomudou qase e na siga ka'u a kauti ira kina mai na vanua ko Ijipita, mai na lovo kaukamea, ka kaya, Dou vakarogoca na noqu vosa, ka muria me vaka na ka kecega ka'u sa vakarota vei kemudou: dou na yaco kina mo dou noqu tamata, ia koi au ka'u na yaco me'u nomudou Kalou:

Jeremaia 11:7

Ni'u a vakadreta sara vei ira na nomudou qase e na siga ka'u a kauti ira cake kina mai na vanua ko Ijipita, ka yacova na siga oqo, ka'u sa sou e na mataka ka vakadreta ka kaya, Dou vakarogoca na noqu vosa.

Jeremaia 13:11

me vaka sa kabita na tolo ni tamata nai vau, ka'u sa vakabita vakakina vei au na mataqali kecega i Isireli kei na mataqali kecega i Juta, sa kaya ko Jiova; me ra yaco me noqu tamata, me'u rogo kina, ka vakavinavinakataki, ka vakarokorokotaki: ia era bese ga ni vakarorogo.

Jeremaia 22:21

Au a vosa vei iko ni ko sa tiko vinaka; ia ko sa kaya, Au na sega ni rogoca. Sa vakaoqo na nomu i valavala ni ko sa gone ka yacova na siga oqo, ni ko sa sega ni rogoca na domoqu.

Jeremaia 22:3

Sa kaya vakaoqo ko Jiova; Dou ia na lewa kei nai valavala dodonu, ka vakabulai koya sa vakacacani mai na liga i koya sa vakacacana: ia dou kakua ni vakararawataki ira na vulagi, kei na luveniyali; kei na yada, ka kakua ni dou vakadavea e na yasana oqo na dra sa sega ni cala.

Jeremaia 24:7

ia ka'u na solia vei ira na yalo me ra kilai au kina, ni sai au ko Jiova: ia era na yaco me ra noqu tamata, ka'u na yaco me'u nodra Kalou: ni ra na lesu mai vei au e na lomadra dina.

Jeremaia 31:33

ia sa vakaoqo na veiyalayalati ka'u na cakava kei ira na mataqali ni Isireli; Ni sa oti na gauna ko ya, sa kaya ko Jiova, ka'u na tugana na noqu vunau ki na lomadra, ka'u na vola talega ki na yalodra: ia ka'u na yaco me'u nodra Kalou, ka ra na yaco ko ira me ra noqu tamata:

Jeremaia 32:23

ka ra sa mai curu kina, ka taukena; ia era sa sega ni vakarorogo ki na nomuni vosa, era sa sega talega ni muria na nomuni vunau; era sa sega ni cakava e dua na ka ko ni sa vakarota vei ira me ra cakava: ia ko ni sa vakayacora kina vei ira na ca kecega oqo:

Jeremaia 38:20

Sa qai kaya ko Jeremaia, Era na sega ni soli kemuni. Mo ni vakarorogo mada ki na vosa i Jiova, ka'u sa tukuna vei kemuni: ko ni na qai vinaka kina, ia ena bula kina na yalomuni.

Jeremaia 42:6

se vinaka, se ca ga, keimami na vakarorogo ki na vosa i Jiova na noda Kalou o koya keimami sa talai iko vua; me vinaka kina koi keimami ni keimami sa vakarorogo ki na vosa i Jiova na noda Kalou.

Sefanaia 3:2

Sa sega ni vakarorogo ki na domona, sa bese ni vakavulici; sa sega ni vakararavi vei Jiova; sa sega ni toro vua na nona Kalou.

Sakaraia 6:15

Ia ko ira sa tiko vakayawa era na mai veivuke me tara na vale i Jiova; ia dou na kila ni sa talai au mai vei kemudou ko Jiova ni lewe vuqa. Ia ena yaco na ka oqo, kevaka dou na gu ni talairawarawa ki na vosa i Jiova na nomudou Kalou.

Sakaraia 7:7

Sa sega li ni kena vosa oqo ka vunautaka ko Jiova e na gusudra na parofita eliu, ni sa tawa tiko ka sa sautu ko Jerusalemi, kei na kena veikoro e vakavolivolita, ka ni sa tawa tiko na yasayasa vakaceva kei na buca?

Roma 16:26

ia ka sa qai vakaraitaki mai, ka sa vakatakilai e na nodra i vola na parofita, me vaka na vosa ni Kalou tawa mudu, ki na veivanua kecega me ra vakabauta ka talairawarawa kina:

2 Korinica 10:5

sa talaraka sobu kina na veinanuyaki, kei na ka cecere kecega sa vakalevulevui me vorata na vuku ni Kalou, ka sa vakamalumalumutaka na nanuma kecega me talairawarawa vei Karisito;

Vakarua 11:27

a vosa ni veivakalougatataki, kevaka kemuni sa vakarorogo ki nai vakaro i Jiova na nomuni Kalou, ka'u sa vakarota vei kemuni edaidai:

Vakarua 13:4

Mo ni muri Jiova ga na nomuni Kalou, ka rerevaki koya, ka vakabauta na nona vunau, ka vakarorogo ki na domona, ka qaravi koya, ka kabiti koya.

Vakarua 13:5

Ia na parofita ko ya, se na dautadra ko ya, ena vakamatei; ni sa kaya mo ni vuki tani maivei Jiova na nomuni Kalou, o koya sa kauti kemuni mai na vanua ko Ijipita, ka vakabulai kemuni mai na vale ni veivakabobulataki; ka me vakasesei kemuni tani mai na sala sa vakarota vei kemuni ko Jiova na nomuni Kalou mo ni lako kina. Ko ni na vakaotia laivi kina na ca mai na kemuni maliwa.

Vakarua 30:2

ka sa lesu mai kina vei Jiova na nomuni Kalou, ka talairawarawa ki na nona vosa, me vaka na ka kecega ka'u sa vakarota vei kemuni edaidai, koi kemuni kei ira na luvemuni, e na lomamuni taucoko, kei na yalomuni taucoko;

Vakarua 30:20

mo ni lomani Jiova na nomuni Kalou, mo ni vakarorogo ki na nona vosa, mo ni kabiti koya talega: ni sa nomuni vu-ni-bula ko koya, kei koya sa vakabalavutaka na nomuni bula: mo ni tiko kina e na vanua sa bubului kina ko Jiova vei iratou na nomuni qase, vei Eparaama, vei Aisake, kei Jekope, me solia vei iratou.

Vakarua 30:8

Ia ko ni na lesu ka vakarorogo ki na vosa i Jiova, ka cakava na nonai vakaro kecega ka'u sa vakarota vei kemuni edaidai.

Vakarua 4:10

io na siga ko a tu kina e na mata i Jiova na nomuni Kalou mai Orepi, ni sa kaya vei au ko Jiova, Mo soqoni ira vata na tamata vei au, me'u vakarogoya vei ira na noqu vosa, me ra vuli kina me ra rerevaki au e na veisiga kecega era na bula kina e dela i vuravura, me ra vakavulica talega vei ira na luvedra.

Vakarua 4:40

Ia mo ni vakabauta mada na nonai lesilesi, kei na nonai vakaro, ka'u sa vakarota vei kemuni e na siga oqo, me yaco kina vei kemuni na ka vinaka, vei ira talega na luvemuni, ka me dede kina na nomuni bula e na vanua, sa solia vei kemuni ko Jiova na nomuni Kalou, me sega ni mudu.

Vakarua 5:16

Mo vakarokoroko vei rau na tamamu kei na tinamu, me vaka sa vakaroti iko ko Jiova na nomu Kalou; me dede kina na nomu bula, ia me yacovi iko kina na ka vinaka, e na vanua sa solia vei iko ko Jiova na nomu Kalou.

Vakarua 5:29

Ke sa tiko mada vei ira na yalo vakaoqo, me ra rerevaki au, ka vakabauta tikoga na noqu vunau kecega, me yaco kina vei ira na ka vinaka, kei na nodra kawa talega ka sega ni mudu!

Vakarua 5:33

Mo ni lako e na sala kecega sa vakarota vei kemuni ko Jiova na nomuni Kalou, mo ni bula kina, me yacovi kemuni kina na ka vinaka, me dede kina na nomuni bula e na vanua ko ni sa taukena.

Vakarua 6:3

Ia mo ni rogoca mada, na Isireli, ka vakabauta mo ni cakava; me yacovi kemuni na ka vinaka, ia mo ni tubu me lewe levu sara, me vaka sa yalataka vei kemuni ko Jiova na Kalou ni nomuni qase, e na vanua sa dave kina na wai-ni-sucu kei na oni.

Iperiu 5:9

ia ni sa vakarautaki oti, sa yaco me vu ni bula tawa mudu vei ira kecega sa talairawarawa vua;

1 Samuela 15:22

A sa kaya ko Samuela, Sa vinakata li ko Jiova nai soro kama kei nai madrali, me vaka sa vinakata ko koya na talairawarawa ki na vosa i Jiova? Raica, sa vinaka na talairawarawa, ka ca nai soro; sa vinaka na vakarorogo, ka ca na uro ni sipi tagane.