Jeremaia 7:18 - Vakavakadewa Makawa

¹⁸ na gone, era ca buka; na tamadra, era tutuvaka na buka; ko ira na yalewa, era natuka na madrai droka, me ra cakava na kena keki na ranadi ni lomalagi, ka ra sova nai sevu me medra na kalou tani, me ra vakacudrui au.

Ai Vola Tabu (Vakadewa Makawa Vakavoutaki 2021)

¹⁸ Na gone, era ca buka; na tamadra, era tutuvaka na buka; ko ira na yalewa, era natuka na madrai droka, me ra cakava na kena keke na ranadi ni lomalagi, ka ra sova nai sevu me medra na kalou tani, me ra vakacudrui au.

AI VOLA TABU

¹⁸ na gone, era ca buka; na tamadra, era tutuvaka na buka; o ira na alewa, era natuka na madrai droka, me cakava na kenai buli madrai na ranadi ni lomalagi, a ra sova nai sevu na medra na kalou tani, me ra vakacudrui au.

Vakavakadewa Vou kei na iVola tale eso

¹⁸ Era cabuka mai na gone, era vakawaqara na matadravu na tagane, ka ra bali valawa na marama me ra vavi keke baleta na kalou yalewa era vakatoka me ranadi ni lomalagi; era sova talega na waiwai dau vakacabori ki na veikalou tani me ra vakacudrui au kina.

Ai Vola Tabu Ena Vakavakadewa Vou

¹⁸ Era cabuka mai na gone, era vakawaqara na matadravu na tagane, ka ra bali valawa na marama me ra vavi keke baleta na kalou yalewa era vakatoka me ranadi ni lomalagi; era sova talega na waiwai dau vakacabori ki na veikalou tani me ra vakacudrui au kina.

Jeremaia 7:18 Iomraidhean Croise

1 Tui 14:9

ka ko sa ia nai valavala ca sa uasivia na nodra i valavala ca kecega era a bula eliu vei iko; ni ko sa la'ki cakava eso na nomu kalou tani, kei na matakau eso sa vakawaicalataki, ka me vakacudrui au, ka sa biuti au ki dakumu:

1 Tui 16:2

E na vuku ni ka'u a laveti iko cake mai na kuvu-ni-qele, ka lesi iko mo turaga vei ira na noqu tamata na Isireli; ia ko sa muria ga nai tovo i Jeropoami, ka sa vakaivalavalacataki ira na noqu tamata na Isireli, ka me vakacudrui au e na vuku ni nodra i valavala ca;

NA SAME 16:4

Ena levu na nodra ka rarawa era sa cicimuria na kalou tani: Ka'u na sega sara ni vakacabora na nodra i madrali dra, Ka'u na sega sara ni cavuta na yacadra e na tebenigusuqu.

Aisea 3:8

Ni sa rusa ko Jerusalemi, ka sa ca ko Juta: ni sa dua tani na nodra vosa kei na nodra i valavala vei Jiova, me vakararawataka na matana vakaiukuuku.

Aisea 57:6

E na vatu yagoyagovinaka ni wai drodro ko sa votai kina; sai koya, sai koya ga, ka nomu i votavota: ia ki na ka ko ya ko sa sova kina nai sevu, ka vakacabora nai madrali. Me'u sega li ni cudru e na ka oqo?

Aisea 65:11

Ia koi kemudou, sa biuti Jiova, ka guilecava na noqu ulu-ni-vanua tabu, ka tau kakana ki na tepeli vei Kata, ka tu yaqona nai sevu mei Meni,

Aisea 65:3

na mataqali sa vakacudrui au ki mataqu e na veisiga; era vakacaboi soro e na veiwere, ka vakama nai madrali boi vinaka e na vatu buli:

Jeremaia 1:16

ia ka'u na tukuna na noqu lewa vei ira e na vuku ni nodra ca kecega, era sa biuti au, ka vakama nai madrali boi vinaka ki na kalou tani, ka soro ki na cakacaka ni ligadra.

Jeremaia 11:17

Ia ko Jiova ni lewe vuqa ko koya ka tei iko, sa kaya me yacovi iko na ca, e na vuku ni nodra ca na mataqali i Isireli kei na mataqali i Juta, o koya era sa cakava vei ira me vakacudrui au, ni ra sa vakama na ka boi vinaka vei Peali.

Jeremaia 17:2

ni ra sa nanuma tiko ko ira na luvedra na nodra i cabocabo-ni-soro kei na nodra kalou yalewa e ruku ni kau bulabula mai na veiulu-ni-vanua.

Jeremaia 19:13

ena vakasisilataki talega na veivale mai Jerusalemi, kei na nodratou veivale na tui Juta, me vaka na kena vakasisila na tikina ko Tofeci, ni ra sa vakama e dela ni veivale kecega na ka boi vinaka ki na veikalokalo kecega ni lomalagi, ka livia nai sevu vei ira na kalou tani.

Jeremaia 25:7

Ia dou a sega ni vakarorogo vei au, sa kaya ko Jiova; mo dou sa vakacudrui au kina e na cakacaka ni ligamudou mo dou ca.

Jeremaia 32:29

a ra na lako mai na kai Kalitia erai valu mai ki na koro oqo, ka visa na koro oqo e na bukawaqa, ka vakama kei na kena veivale, era sa vakacabora kina e dela ni vale nai madrali boi vinaka vei Peali, ka livia nai sevu vei ira na kalou tani, me vakacudrui au.

Jeremaia 44:25

Sa kaya vakaoqo ko Jiova ni lewe vuqa, na nodra Kalou na Isireli; Koi kemudou kei na watimudou, dou sa vosa oti e na gusumudou, ka vakayacora e na ligamudou, ka vaka, Keimami na cakava dina ga na ka keimami sa yalayala kina, me vakama nai madrali boi vinaka vua na ranadi ni lomalagi, ka sova vua nai sevu: dou na vakayacora ga na ka dou sa yalataka, ka cakava ga na ka dou sa yalayala kina:

Jeremaia 44:4

Ia ka'u a talai ira kecega na noqu i talatala vei kemudou, ka sou e na mataka me'u tala, ka kaya, Dou kakua sara mada ni cakava na ka vakasisila oqo ka'u sa cata.

Jeremaia 7:17

Ko sa sega beka ni raica na ka era cakava e na veikoro vaka-Juta kei na sala ni koro ko Jerusalemi?

Lele i Jeremaia 5:13

Era kauti ira na cauravou me ra qaqi sila; Kei ira na gone, era cola buka era sa bale.

Isikeli 16:26

Ia ko a ia na dautagane kei ira na kai Ijipita na wekamu yagolevu; ka sa vakalevutaka na nomu dautagane, mo vakacudrui au.

Isikeli 20:28

Ia ni'u a kauti ira ki na vanua, ka'u a dulaka cake kina na ligaqu me'u solia vei ira, era sa qai raica na veiulu-ni-koro cecere kecega, kei na kau rugurugua kecega, a ra vakacabora maikea na nodra i soro, kei na nodra i madrali talega sa ka ni veivakacudrui: ka ra sa tauca maikea na nodra ka boi vinaka, ka sova maikea na nodra i sevu.

Isikeli 8:16

A sa kauti au ko koya ki na lomanibai e loma ni vale i Jiova, ka raica, sa tiko mai na mata ni vale i Jiova, e na tadrua ni curucuru kei nai cabocabo-ni-soro, e lewe ruasagavulu ka lima beka na tagane, era sa vakanadaku ki na vale i Jiova, ka vakanamata ki na tu-i-cake; a ra sa cuva ki na mata-ni-siga vaka ki na tu-i-cake.

Isikeli 8:17

Sa qai kaya vei au ko koya, Ko sa kunea li na ka oqo, ko iko na luve ni tamata? Sa ka wale beka vei ira na mataqali i Juta, ni ra cakava na ka vakasisila era sa cakava tiko eke? ni ra sa vakasinaita na vanua e nai valavala kaukauwa, a ra qai lesu tale me ra mai vakacudrui au: ka raica, era sa kauta na taba ni kau kina ucudra.

1 Korinica 10:22

Eda vakacudruya na Turaga, ne? eda sa uasivi beka vua e na kaukauwa?

Vakarua 32:16

Era sa vakavuvutaki koya e na ka tani eso, Era sa vakacudrui koya e na ka vakasisila eso.

Vakarua 32:21

Era sa vakavuvutaki au e na vuku ni ka sa sega ni Kalou; Era sa vakacudrui au e na nodra veika vakailasu: Ia ka'u na vakavuvutaki ira e na vukudra era sega ni noqu tamata: Au na vakacudrui ira e na matanitu sesewa.

Vakarua 4:19

ia de ko ni ta cake ki lomalagi, ka raica na mata-ni-siga, kei na mata-ni-vula, kei na veikalokalo, nai vavakoso kecega mai lomalagi, kemuni sa qai vecei tani me sorova, ka qarava, na veika oqori sa solia ko Jiova na nomuni Kalou ki na veimatanitu kecega e ruku ni lomalagi taucoko: