Jeremaia 7:13 - Vakavakadewa Makawa

¹³ Ia oqo, ni dou sa cakava na cakacaka kece oqo, sa kaya ko Jiova, io, ka'u a vosa tikoga vei kemudou, ka sou e na mataka me'u vosa vei kemudou, dou a sega ga ni goleva; ia ka'u a kaci yani, ka dou a sega ni rogo mai;

Ai Vola Tabu (Vakadewa Makawa Vakavoutaki 2021)

¹³ Ia oqo, ni dou sa cakava na cakacaka kece oqo, sa kaya ko Jiova, io, ka'u a vosa tikoga vei kemudou, ka sou e na mataka me'u vosa vei kemudou, dou a sega ga ni goleva; ia ka'u a kaci yani, ka dou a sega ni rogo mai;

AI VOLA TABU

¹³ Ia o qo, e na vuku ni dou sa cakava na cakacaka kece o qo, sa kaya ko Jiova, io, niʼu a vosa tikoga vei kemudou, ka sou e na sabogibogi me vosa vei kemudou, dou a sega ga ni rogoca; ia kaʼu a kaci yani, dou a sega ga ni rogo mai;

Vakavakadewa Vou kei na iVola tale eso

¹³ O ni sa vakayacora na ka ca kece au sa cavuta oti. E dina ga au sa vosa vei kemuni vakavuqa, o ni sega ni via rogoca, o ni sega talega ni bau rogo mai ni'u kacivi kemuni.

Ai Vola Tabu Ena Vakavakadewa Vou

¹³ O ni sa vakayacora na ka ca kece au sa cavuta oti. E dina ga au sa vosa vei kemuni vakavuqa, o ni sega ni via rogoca, o ni sega talega ni bau rogo mai ni'u kacivi kemuni.

Jeremaia 7:13 Iomraidhean Croise

Vosavakaibalebale 1:24

Ni ka'u a daukaci, ia dou a bese ga; Au a dodoka yani na ligaqu, ka sega e dua sa goleva;

Aisea 50:2

A cava, ni'u a lako mai, sa sega kina e dua na tamata? a cava, ni'u a kaci, sa sega e dua me rogo mai? Sa lekaleka li na ligaqu, me dredre kina ni ia na veivakabulai? se sa sega beka vei au na kaukauwa, me'u sega kina ni vakabula rawa? raica, ni'u sa vunauca, ka'u sa vakadiva kina na wasawasa, ka vukica na uciwai me talasiga: ni sa yali na wai, sa bona na kena ika ka mate sara e na viagunu:

Aisea 65:12

ka'u na lesi kemudou ki nai seleiwau, ia koi kemudou kece dou na cuva ga me vakamatei: ni dou sa sega ni rogo mai ni'u sa kaci; ni'u sa vosa yani, dou sa sega ni rogoca; ia dou a cakava na ka sa ca e mataqu: ka dou sa digitaka na ka ka'u sa sega ni vinakata.

Aisea 66:4

Io koi au, ka'u na digitaka na ka ni nodra veivakaocataki wale; ia na ka era sa rerevaka ka'u na vakayacora vei ira; ka ni'u a kaci, ka sa sega e dua e rogo mai, ka'u a vosa, ka sa sega e dua e rogoca, ia era sa cakava na ka ca e mataqu, ka ra sa digitaka na ka ka'u sa sega ni vinakata.

Jeremaia 11:7

Ni'u a vakadreta sara vei ira na nomudou qase e na siga ka'u a kauti ira cake kina mai na vanua ko Ijipita, ka yacova na siga oqo, ka'u sa sou e na mataka ka vakadreta ka kaya, Dou vakarogoca na noqu vosa.

Jeremaia 11:8

A ra sa sega ni vakarorogo, se vakatu daligadra, era sa dui muria kecega na nodra yalokaukauwa: o koya oqo ka'u na vakayacora kina vei ira na vosa kecega ni veiyalayalati oqo, ka'u a vakarota vei ira me ra cakava; ka ra sa sega ni muria.

Jeremaia 13:10

Ko ira na tamata ca oqo, era bese ni rogoca na noqu vosa, era muria na nodra yalokaukauwa era muria talega na kalou tani, me qaravi ira, ka soro vei ira, era na vaka ga nai vau oqo, sa sega e dua na ka e yaga kina:

Jeremaia 13:11

me vaka sa kabita na tolo ni tamata nai vau, ka'u sa vakabita vakakina vei au na mataqali kecega i Isireli kei na mataqali kecega i Juta, sa kaya ko Jiova; me ra yaco me noqu tamata, me'u rogo kina, ka vakavinavinakataki, ka vakarokorokotaki: ia era bese ga ni vakarorogo.

Jeremaia 25:3

Mai nai katinikatolu ni yabaki i Josaia na luve i Emoni na tui Juta, ka yacova na siga oqo, sa kenai karuasagavulu ka tolu ni yabaki, sa yaco tiko vei au na vosa i Jiova, ia ka'u a vosa tikoga vei kemudou, ka sou e na mataka me'u vosa; ia dou a sega ni vakarorogo.

Jeremaia 26:5

ka sega ni vakarorogo ki na vosa ni noqu i talatala na parofita, ko ira ka'u sa tala vei kemudou, ka sou e na mataka me'u tala, ia dou a sega ga ni vakarorogo;

Jeremaia 29:19

ka ni ra sa sega ni rogoca na noqu vosa, sa kaya ko Jiova, o koya ka'u sa talai ira na noqu i talatala na parofita me ra tukuna, ka'u sa sou e na mataka ka tala, ia dou a sega ni vakarogoca, sa kaya ko Jiova.

Jeremaia 32:33

A ra sa vakanadakui au, ka sega ni vakanamata vei au: ia ka'u a vakavulici ira, ka sou e na mataka me'u vakavulica, a ra sa sega ni vakarorogo me ra vakavulici kina:

Jeremaia 35:14

Sa vakayacori na vosa i Jionatapi na Rekapaiti, ka vakarota vei ira na luvena me ra kakua ni gunu waini; ia era sa sega ni gunuva ka yacova na siga oqo, ni ra sa vakarorogo ki nai vakaro ni tamadra: ia koi au ka'u a vosa tikoga vei kemudou, ka sou e na mataka me'u vosa; ia dou a sega ga ni vakarogoci au.

Jeremaia 35:15

Au a talai ira talega vei kemudou na noqu i talatala kecega na parofita, ka sou e na mataka me'u tala, ka kaya, Dou dui lesu mada na tamata yadua mai na nona sala ca, ka dou ia mada me vinaka na nomudou i valavala, ia dou kakua ni muria na kalou tani me qaravi ira, dou na qai tiko ga e na vanua ka'u sa solia vei kemudou kei ira na nomudou qase: ia dou sa sega ga ni vakatu daligamudou, se vakarorogo vei au.

Jeremaia 35:17

o koya oqo sa kaya kina ko Jiova ni lewe vuqa, na Kalou ni Isireli; Raica, au na vakayacora kivei ira na Juta kei ira kece na kai Jerusalemi na ca kecega ka'u sa cavuta me yaco vei ira; ni'u sa vosa vei ira, ka ra sa sega ni goleva; ka'u sa kacivi ira, ka ra sa sega ni rogo mai.

Jeremaia 44:23

Ia ni dou sa vakama nai madrali boi vinaka, ka dou sai valavala ca vei Jiova, ka sa sega ni vakarorogo ki na vosa i Jiova, ka sa sega ni muria na nona vunau, kei na nonai lesilesi, kei na nonai tukutuku, sa qai yacovi kemudou kina na ca oqo, me vaka e na siga edaidai.

Jeremaia 44:4

Ia ka'u a talai ira kecega na noqu i talatala vei kemudou, ka sou e na mataka me'u tala, ka kaya, Dou kakua sara mada ni cakava na ka vakasisila oqo ka'u sa cata.

Jeremaia 5:21

Dou rogoca mada na ka oqo, koi kemudou na tamata lialia, ka sega ni vuku; sa vakamatana, ka sega ni rai; sa vakadaligana, ka sega ni rogo:

Jeremaia 6:10

Me'u vosa vei cei, ka ia kina na vakatusa, me ra rogoca? raica, sa sega ni cilivi na daligadra, a ra sa sega ni vakarorogo rawa: raica, na vosa i Jiova sai tukutuku ca vei ira; era sa sega ni vinakata.

Jeremaia 7:25

Mai na siga era sa lako mai kina na nomudou qase mai na vanua ko Ijipita ka yacova na siga oqo, ka'u a talai ira kecega na noqu parofita vei kemudou e na veisiga, ka'u a sou e na mataka ka tala:

Osea 11:2

Ni ra sa kacivi ira, era sa lako tani ga vei ira: sa ra soro vei ira na Peali, ia era vakama na ka boi vinaka ki na matakau ceuceu.

Osea 11:7

Ia na noqu tamata era sa gu ga me ra vuki tani vei au: ni ra kacivi ira me ra lako mai vua sa Cecere, ia sa sega e dua sa vakacaucautaki koya.

Osea 9:17

Ena biuti ira tani na noqu Kalou, ni ra sa sega ni vakarorogo vua: ka ra na dui veiseyaki ki na veivanua.

Sakaraia 7:13

A sa yaco, me vaka ni sa kaci ko koya, ka ra bese ni rogoca; sa ra kaci vaka talega kina ko ira, ia ka'u a bese ga ni rogoca, sa kaya ko Jiova ni lewe vuqa:

Maciu 23:37

Isa! Jerusalemi, Isa! Jerusalemi, ko iko sa vakamatei ira na parofita, ka vakaviriki ira sa talai yani vei iko, au a nanuma vakavica meu vakasoqoni ira vata na nomu gone, me vaka na toa yalewa sa vakasoqoni ira na luvena e ruku ni tabana, ia dou a sega ni vinakata!